Hechos 12:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ca co'na' ime quiyim qaiconlec so Pedro qaicoñi', ca' so Herodes relaataxanlec quiyim qoỹanaugui añi ncoñiitaxanaxaqui late'ogue'. Chaqai ỹa'uo' so lapoonta' dieciseis nouaataxanaq, ca ỹasectaqchigui cuatrotac nqai'en quenaua laloqote' quiyim ỹovirelec qareloxoỹa'a so'maxare. Ma' da la'deenataxanaxac so Herodes quiyim ma' ime so nemaqachic, ca' qanaqatec so Pedro quiyim qaichoxotem ná'ogue na qomyipi, ca qaỹalauat.

Hechos 12:4 Iomraidhean Croise

Ester 3:13

Ca' ỹodo nqohin na lere lo'ollipi quiyim ỹoda'alo naua 'lauari quiyí'maq reloqota'a so nashi. Ca' ana lerellipi hueetalec quiyim qanomachichiguiñi qanalauajñi queca 'oonoqui' na'xa'a na judioipi, 'eno'm ne'necoqui', loqo'm qo'xoiquipi, ñaaqaipioqui', loqo'm 'aallipi. Chaqai qarouootaxana'gue na louenqaipi. Ca' so na'xa'a naloqojnec chaqaiso so na'xa'a trece queso pa'aatec shiraigo queso ñaaxa só'maq leenaxat Adar.

Éxodo 12:1

Ca ñi qara'gaxala' retaxaỹa'pegueto saua Moisés chaqai so Aarón quiyi Egipto, 'naaco':

Mateo 24:9

Ca ma' ime, ca' qoỹaando qamiri ma'le quiyim qarouaxañitac, chaqai ná'ogue na qomyipi noquii'alo qamiri sovitapigui ma' viilec aỹim.

Mateo 26:5

Qam 'neraco' quen: —Sqai huaugui nqaishinaq ca lapoxoc lodegaxat, qaiyi sqaica ca le'laxa na qom.

Marcos 14:1

Co'na' saqa'lecaua dos na'xata', ca ỹovire'oga so na'xa'a quena' qaỹo'leente na' qoyique'e yi Egipto. Queso na'xa'a, ca' qaỹa'ic quen na pan, qam le'en ana lpe'taqate. Ca sauá'maq la'gaxalate' ná'maq netaxaỹaxanqajanqaipi quena' qaretaxaỹa'pegue' ñi qota'a chaqai na rapaxaguinataxanta'pegue na naqataxaquipi idaantaque ca la'maqa' quiyim iconlec so Jesús, ca' ỹalauat.

Lucas 21:12

Qam ma' saqa' re'xoi' naua'que nauajo, ca qaỹaconlgoto qamiri ma'le, chaqai qaỹocana'pe qamiri ma'le. Ime, ca' qaỹodou'alo qamiri na lapoxoqui' na judioipi, ca qaimite' qamiri. Ca' qaicoñite' qamiri, chaqai qaỹauegueu'alo qamiri na nashillipi chaqai na lotauaripi, ma' soviỹalec ma'le da ỹeenaxat.

Lucas 22:33

Ca' so Simón 'naaco': —Qami' ỹa'gaxala', ỹim sqaica ma' sqa shiquetau'e' ma'le qami' cañi ncoñiitaxanaxaqui, vire'ta quiyim yileua'ñi' qami'.

Juan 19:23

Ca' so qomyipi neetaho quena nouaataxanaq co'na' ime pateno so Jesús, ca' qaỹaconalo saua loho, ca qaneuagaxachiguilo quesaua cuatro ỹale', 'óna taalec quiñi 'óna. Chaqai qaicona qai'neeta aso lapooto. Qam so'maxare qaica ca neuaarec, ma' ima'ta'.

Juan 21:18

Ỹaatqajam lliqueta da shinac caqami', quiyim na' ñaqai qami' ne'necolec, quena' no'viichi' ñi'riñi naua qatoohi', ca 'viiquiñi'sac cá'maq sham 'itegue. Qam ma' ỹovita quiyim qami' qo'xoic, ca 'ỹaañirec naua rqai'laqajchi', ca ỹoqa'a ca ilamo'guelo qami' caua qatoohi', ca' raviquitegue cá'maq sqa viisaque quiyim 'itegue.

Hechos 12:3

Ca co'na' retan dajo quiyim ỹa'maxarenta na judioipi, ca qai'neeta relaataxanlec quiyim qaicoñi' so Pedro. Ca co'na' 'ue dajo hueetouguilo' saua na'xata' napoxoqui' quena' qaỹa'ic na pan qaca aca lalequete.

Hechos 12:5

Ca' so Pedro ỹaatqajam qareloxoỹa'a cañi ncoñiitaxanaxaqui late'ogue' qoỹantaugui, qam só'maq shi'gue ỹacoñiguit da na'qaatec lama'xa ỹaatqajam nqouagaxaintalec so'maxare quiñi qota'olec.

Hechos 4:28

Ca' saua'maxare co'na' ỹo'ueete' dajo, ỹaatqajam taachigui nqai'ne' dá'maq shi'gue 'maxachisañi, ca ipaquichigui nqohin.

Hechos 4:3

Ca' qaiconlgoto, qaicoñite', qoỹandaugui añi ncoñiitaxanaxaqui, qaỹoviraqtera'guit ca nete'e, ma' mashic vito' na'le.

Hechos 5:18

Ca' qaiconlgoto saua lelaatqa so Jesús, ca qaicoñite', qoỹandaugui añi ncoñiitaxanaxaqui late'ogue'.

Hechos 8:3

Qam so Saulo ñaq ỹocantac ná'maq mashic ỹacoñiguit da na'qaatec, ỹocane' naua na'aate', ỹahotaque naqata'a, nahoglenec na ỹalliripi chaqai ana 'aallipi, ca ỹauegueu'a añi ncoñiitaxanaxaqui.