Hechos 12:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' so Pedro ra'deenataxantaco' quedajo, ca' quepegue' yi la'a' aca María, late'e so Juan chaqai qai'neeta leenaxat Marcos, yí'maq neeta'ñi so 'xoic qomyipi lapoota'ta' nqouagaxaintac.

Hechos 12:12 Iomraidhean Croise

Isaías 65:24

Ma' saqa' roỹaxanot aỹim quiyim yashiila, qa' shi'gue sasaachiguit ma'le; chaqai saqa' ime ca la'qaatec, qa' mashic ña'xaỹaxana.

Hechos 12:25

Ca co'na' ỹomate' da lo'ueenategue' so Bernabé chaqai so Saulo, ca pile', chicqora'gue da Jerusalén, nauequesa'pegue' so Juan, só'maq qai'neeta leenaxat Marcos.

Hechos 12:5

Ca' so Pedro ỹaatqajam qareloxoỹa'a cañi ncoñiitaxanaxaqui late'ogue' qoỹantaugui, qam só'maq shi'gue ỹacoñiguit da na'qaatec lama'xa ỹaatqajam nqouagaxaintalec so'maxare quiñi qota'olec.

Hechos 13:13

So Pablo chaqai saua nauegaxaua' renoterougui aso qom lahi' huaxaỹaqse quiyi Pafos, ca taategue da Perge hueetaugui yi 'laua Panfilia. Ca' quiyi, ca' so Juan Marcos totqai eec, ca pilegue da Jerusalén.

Hechos 13:5

Ca co'na' ỹovijta yi lanatqa' aso qom lahi', leenaxat Salamina. Ca' quiyi, ca tarougui naua lapoxoqui' na judioipi, ca ỹa'xatesac da la'qaatec ñi qota'olec. Ca' so Juan Marcos qai'neeta rotaanaxantac, nauequetecto saua'maxare.

Hechos 16:40

Ca co'na' chicqoterougui aca ncoñiitaxanaxaqui, ca que', querepegue' ca la'a' aca Lidia. Ca' quiyi, ca nauande'e' cá'ogue ca nqaỹaripi. Ca' cá'ogue ỹa'ñaxatesac. Ca co'na' ime, ca' que'.

Hechos 4:23

Ca' so Pedro chaqai so Juan mashic qaỹosoorec, ca' que', querepegue' ca hueeta'ñi ca liỹaripi, ca ra'qaataxanta'pe quedá'ogue dá'maq qaỹa'xatema queso lashillipi na netaxaỹaxanqajanqaipi chaqai queso qo'xoiquipi.

Colosenses 4:10

Chaqai ñi Aristarco, ñí'maq ñcoñiitaxaua, ilatalo qamiri da liquinaxanaxac, chaqai qai'neeta ñi Marcos, ñí'maq lqaỹa liỹa ca Bernabé. Chaqai qamiri mashic shi'gue saqatetapegalo quiyim ma' ỹovitalo qamiri ñi Marcos, ca' quelolliỹa.

2 Timoteo 4:11

Chaqaiñiita ñi Lucas ñaq iỹaatac. Daañiraco' ca Marcos, ca naviquisa'pegue' ma'le, ma' ca'maxare ishit yotauan queda qaro'ueenataxanaxac.

Filemón 1:24

chaqai ñi Marcos, Aristarco, Demas, chaqai ñi Lucas, nauá'maq yotauanta'pe queda ỹo'ueenataxanaxac.

1 Pedro 5:13

Na mashic icoñiguit da na'qaatec neeta'ñi na Babilonia ná'maq qai'neeta mashic lca'acseripi ñi qota'a, ilatalo qamiri da liquinaxanaxac, chaqai qai'neeta ñi Marcos ñí'maq shinta'gue meca ỹaalec.