Hechos 11:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' ñi Espíritu Santo yila' quiyim iỹaata'pe, qaica ca huapigui iuel. Chaqai qai'neeta quetegue aỹim nauajo seis qarqaỹa'. Ca qomá'ogue senoxonaxaugui ñi lauo' ñi ỹale.

Hechos 11:12 Iomraidhean Croise

Mateo 1:20

Ca co'na' ra'deenataxantac quecá'maq 'neeta'gue dajo, ca' re'guemacho' so lelaatec ñi qara'gaxala' piguim le'ec. Ca' qohinapego': —José, ma' qami' chicqoiraugui so nashi David, se ro'chi'i' quiyim coñita añi María quiyim roua'e'. Ma' yí'maq ne'qaañi ma'le llaalec añi'maxare chicqo'ot so Espíritu Santo.

Juan 16:13

Qam ma' novi' ca Espíritu cá'maq ichoxot dá'maq ỹaatqajam lliqueta, ca ca'maxare ỹapaxaguinguelo qamiri dá'ogue dá'maq lliqueta; ma' se nanoiquentac quiyim retaqa, ta'ta'a quiyim ỹa'xat ná'ogue ná'maq 'xaỹa, ca ra'deenaxanaxañiigue cá'maq ñaqa naataho.

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

Hechos 10:23

Ca' so Pedro la'qarañi nqai'ne' saua'maxare queso pe. Ca' queso liỹa nete'e, ca so Pedro liỹa' saua'maxare, ca 'vio' saua mashic ỹaconchiguit da na'qaatec, coỹaataxane', nera'ñi yi Jope.

Hechos 10:45

Ca só'maq mashic ỹacoñiguit da na'qaatec judioipi nauegaxauaripi so Pedro ỹaatqajam chalego le'laxa quiyim so Espíritu Santo qai'neeta qoỹaanem na mesqai judío.

Hechos 11:13

Ca' ñi'maxare ra'qaataxanoxoua' queda lauanaxanaxac hua'ño' yi la'a'. Co'na' iuana so chicqashiguim qota'a lelaatec nachaatetañi. Ca' ca'maxare 'naaco': “Lachi' caua ỹale' queda na'a' Jope, ỹaxañita ca ỹale dos leenqate' Simón Pedro.

Hechos 13:2

Ca 'uo' so na'xa'a co'na' saua'maxare lapoota'ta', qaỹo'ueentac ñi qara'gaxala' chaqai sá'ogue qaica que'e. Ca' so Espíritu Santo 'naaco': —Qaỹoỹoote'ogalo ñaua Bernabé chaqai ñi Saulo, soỹaxanalo, ma' 'ue da sahote'e lo'ueenategue'.

Hechos 13:4

Ca co'na' qailate' queso Espíritu Santo so Bernabé chaqai so Saulo, ca taategue da Seleucia. Ca' quiyi, ca renoterougui aso qom lahi' huaxaỹaqse, querepegue' aso delec, leenaxat Chipre.

Hechos 15:7

Ca co'na' shi'gom qaretaqatapigui dajo, ca nachajñi so Pedro, ca 'naaco': —Ỹaqaỹarolqa, qamiri 'yiiñita queso, na' ñi qota'olec ỹacona'a ỹim, ỹachigoxotauguilo qamiri, quiyim sodo da na'qaatec chicqaugui da nca'laxa quená'maq sqai judío, qaiyi huelec na'maxare qai'neeta.

Hechos 15:9

Ñi qota'olec se ỹoỹoota'chi coqomi' quena'maxare, ma' qai'neeta co'taxat añi le'taxanata chicqochigui nqai'en da lpi'ỹaxac.

Hechos 28:15

Ca cá'maq qarqaỹaripi na'ñi yi Roma mashic 'uo' da la'xaỹaxac coqomi', ca ca'guita qomi' queso nayic, ỹovirera'ñi yi leenaxat Foro de Apio, chaqai quiyi leenaxat Tres Tabernas, ca lotqai ñatenqa'guit so liỹaripi. Ca' na' idaanaugui so Pablo, ca ỹaanshiguim da na'aachic quiñi qota'olec, ca' nqo'neuec da la'ñaxac.

Hechos 8:29

Ca' so Espíritu Santo 'naapego' so Felipe: —Nqo'ñiro, huaqaitero caso nahoglena.

Romanos 3:22

Dá'maq 'neeta quiyim icoñi'chiguita qomi' ñi'maxare chicqochigui quiyim qomi' 'ue da qarpi'ỹaxac queso Jesucristo. Ca' chaqaida 'ne'tegue quená'ogue ná'maq huelec so'maxare, qaica ca ỹapacqajnauec.

2 Tesalonicenses 2:2

quiyim mesqai chaqa'ma' dalaxachii ca ra'deenataxanaxaguii, chaqai se ro'chii no'm 'ue ca na'qaatec 'ec chicqo'ot so Espíritu Santo, chaqai no'm 'xahitapega na na'qaatqaipi, chaqai no'm 'ue aca nelaata 'ec chicqo'toto qomi', ỹa'xatetac quiyim mashic novi' ca na'xa'a loviraxaqui so qara'gaxala'.

Apocalipsis 22:17

So Espíritu Santo chaqai aso loua so 'ec qagreta llaalec 'nerac: —Anaqui'. Chaqai cá'maq na'xaỹaxantac 'naac: —Anaqui'. Chaqai cá'maq ỹalauat ca laquip, chaqai ỹahotaque ne'et, ca' nanac, ca' ne'et quiyi huaxaỹaq chicqaugui da nca'laxa. Qaca nqohin aca laseuete.