Hechos 10:9 - La'qaatqa ñi qota'olec Qota'olec & Qota'olec Novita Na Qomyipi

⁹ Ca' queso liỹa na'xa'a co'na' ñaqai queesa'gue so nayic co'na' mashic ipalasau'a yi Jope, ca' so Pedro taashi'ma ca pa'aashiguim queca 'imec, ca' nqouagaxain, mashic na'xa'a lavinñi.

Hechos 10:9 Iomraidhean Croise

2 Samuel 11:2

Ca 'uo' so avit co'na' ne'laxashiguim so David chicqojlec so lomala', ca taashi'megue na lelaq so 'imec lodegaxat. Ca' chi ỹouootegueri', ca idaanto'o' aso 'aalo ỹaatqajam lo'yaxana nachiltac.

Jeremías 19:13

Na 'imqaipi quena Jerusalén chaqai na lauo' lodegaxat na lashillipi yi Judá yí'maq hua'ñi quena' qaỹo'uet na nichiinaxanaxat, qoỹaanot na neeto'ot na piguim chaqai ỹocoraxatetac na lachitaxanataxanaxat lataxa quena liỹa 'neetapega qota'olec, ca' ná'ogue qohinta'gue ca napio'o, 'nejem yi Tofet.

Daniel 6:10

Ca co'na' ỹa'den so Daniel quiyim qai'taxajñi so 'deenaxac queso nashi, ca' queuo quiyi la'a', ca' ỹauachigui añi nqote ñi lelaxasoxoqui, añí'maq pa'aata'gue yi Jerusalén, ca' ỹa'chi'iñi naua le'cootal, ca' nqouagaxainot chaqai imaqachin ñi qota'olec. Ca' chaqaida 'neeta'gue ỹovi' tres nqai'en quiyi na'xa'a.

Mateo 20:5

Ca co'na' mashic na'xa'a lavinñi, ca lotqai pilauec so a'co'. Chaqai co'na' mashic avitari' lotqai pilauec, chaqaidaata dá'maq 'neetari'.

Mateo 24:17

Chaqai cá'maq hueetalec ca lauo' lelaq, se renotec quiyim 'ue ca queu'a pa'aataho.

Mateo 27:45

Ca co'na' na'xa'a lavinñi, chi ỹovireta'a lavitari', 'xoico' so napalaxa quená'ogue na 'laua.

Mateo 6:6

Qam noma' nqouagaxaiñi' qami', ca' noxoñirougui ca qauochi'. Ca' po'irigui ca lasom, ca' nqouagaxaiñitot ñi qota'olec roda'ichichiguit. Ca ñí'maq qota'olec, ma' iuana ná'maq qaỹo'ueetetac se re'xogui, ỹaanem qami' ma'le ca nishivichi'.

Marcos 1:35

Ca co'na' ñaq napaltañi, ca' so Jesús ne'laxashiguim. Ca ta'oguiyi quiyi na'a' lodegaxat, ma' ỹahotaque quiyim nodaatec, ca' nqouagaxain.

Marcos 6:46

Ca co'na' ime niquinta'pegue' so qomyipi, ca' eec, taashi'megue aso quemaralec ladocai, ca' nqouagaxain.

Hechos 10:3

'Uo' so na'xa'a mashic rashiiñi aso ra'aasa, ca 'uo' so leuanaxanaxac, iuano' so chicqashiguim qota'a lelaatec inoxonou'a quiyi neeta'ñi. Ca 'naaco': —¡Cornelio!

Hechos 6:4

Ca' qomi' qolqatalec da qanqouagaxainaxac chaqai sapaxaguinataxanaxague da la'qaatec ñi qota'a.

Efesios 6:18

Qam nqouagaxaiñii quiyim 'viichii dá'ogue dajo. Se neme ne'xorishiñitacot ñi qota'a, qam quiichigui nqai'ñii da rashiilaxanaxaguii so Espíritu. Ỹaatqajam nelohitec, qaiyi shichii 'viichii dajo. Se reuallitegueñi, chaqai nqouagaxaiñitalec ná'ogue ná'maq lalamaxaret ñi qota'a.

1 Timoteo 2:8

Vichiguiño' sahotaque quiyim ná'ogue na qomyipi quiyim nqouagaxain, ca' ỹachaxansashiguim naua laua', qam ỹaatqajam nachinchiguiñi añi le'taxanata, sqai hueeto'ot ca lonogoxonaxac, chaqai se nco'uaate'e' ca liỹa.

1 Samuel 9:25

Ca co'na' renochiñi chicqorashi'megue aso ncopatoxonaxalate naari'ña so na'a', ca chaqa'ma' qaỹa'maxatetañi ca loma' so Saúl hueetalec nqohin ca lelaq ca 'imec.