Hechos 10:41 - La'qaatqa ñi qota'olec Qota'olec & Qota'olec Novita Na Qomyipi

⁴¹ Qam mesqai ná'ogue na qom nachaxana; qoqometa, ma' qomi' shi'gue lca'acse' ñí'maq qota'olec quiyim sa'xataq dá'maq qarauanaxanaxac, ma' qomi' qarqui'ỹaxaua chaqai qane'taxaua na' ime liỹa nca'leuec.

Hechos 10:41 Iomraidhean Croise

Lucas 24:30

Ca co'na' mashic nqa'xansañi, reloqosalec so nqui'ỹaxala', ca so'maxare ỹacona so pan, nqouagaxainlec. Ime, ca ỹaanouguilo saua'maxare.

Lucas 24:48

Ca' qamiri ỹa'qaataxanqajanqa quedá'ogue dajo.

Juan 14:17

so Espíritu só'maq ichoxot dá'maq ỹaatqajam lliqueta. Na qomyipi hueetalec na 'laua se ishit icoñiguit, ma' se iuana chaqai se ỹa'den. Qam qamiri mashic huañiỹa, ma' mashic hueeto'oto qamiri, chaqai chaqa'ma' liyi no'ueeno'oto qamiri.

Juan 14:19

Qam sqaỹalqotac, ca' na qomyipi tot iuañiua', qam qamiri huañiỹa ma'le aỹim. Ma' qamiri rca'lliiuec, ma' ỹim yca'leetauec.

Juan 14:22

Ca' so Judas (qam mesqai so Iscariote) 'naaco': —Qami' qara'gaxala', ¿chi'neco' ma' qoqometa qomi' nachaxañitalo, qam se nachaxañita ná'ogue na qom hueetalec na 'laua?

Juan 15:16

Qamiri se rca'acshiguii aỹim, ỹim ica'acse' qamiri. Ca vichiguiño' shinapegalo qamiri quiyim 'xoic ca laỹaxac nqai'ñii da nachaalataxaguii, qam dajo laỹaxague' qamiri ỹaatqajam ra'ñiñi nqai'ñii, qaiyi ñi ita'a ỹaanema qamiri cá'ogue cá'maq shiilaxañiỹaque quiyim quiichigui nqai'ñii da ỹeenaxat.

Juan 15:27

Qamiri qai'neeta ya'xachii ma'le, ma' qamiri iỹareta'pe na' ñaqai 'avichiguiñi sapaxaguinataxan.

Juan 21:13

Co'na'le, ca' nqo'neho' so Jesús, ca ỹacona so pan, ca imeenec quesaua'maxare. Ca' chaqaida 'ne'tegue qai'neeta queso nallin.

Hechos 1:22

Naua'maxare ỹalequesaho na' qanachilaxan so Jesús queso Juan, chaqai chi ỹovireta'a na' taashiguim quena piguim. Ca' nagui ỹouen quiyim 'ue ca quenaua'maxare qanca'au'a, ca' qaỹalecqajnouguilo qomi', ca' qai'neeta na'qaataxanqajnec quiyim ỹa'xat so Jesús liỹa nca'leuec.

Hechos 1:4

Ca co'na' ñaq liỹaata'pe so Jesús saua lelaatqa, ca' qatalo quiyim sqai quere'e yi na'a' lodegaxat Jerusalén. Ca 'naapegalo': —Ñaq nauaañi'a quiyim ipaquichigui dá'maq sham ỹaañiỹaxaroma ñi ita'a, dá'maq mashic shi'gue sa'xatema qamiri.

Hechos 10:39

Ca' qomi' qomá'ogue seuanqatalec ná'ogue ná'maq ỹo'uet so Jesús cana' queeteguelec yi na'laua na judioipi chaqai quiyi na'a' lodegaxat Jerusalén. Ca ime, ca' qaỹalauat, qoỹanashiguim queso npatenaxala'.

Hechos 13:31

Ca' so Jesús 'xoic saua na'xata' nachaxantapegalo sauá'maq nauegaxaua' na' eec, chicqochi'ñi yi Galilea, taigue da Jerusalén. Ca' nagui chaqaisaua sauá'maq ỹa'xatesac so'maxare quena qom.