Hechos 10:2 - La'qaatqa ñi qota'olec Qota'olec & Qota'olec Novita Na Qomyipi

² So ỹale chaqai sá'ogue so lauo' laseripi ỹaatqajam huelec ñi qota'olec, chaqai no'cha'a ñi'maxare. Chaqai 'xoico' quen ana ỹaan lam, lotaanaxanqate quena judioipi, chaqai se neme nqouagaxaintacot ñi qota'olec.

Hechos 10:2 Iomraidhean Croise

Génesis 18:19

Ma' ỹim ica'acsec na'maxare, qaiyi 'naapega ca llaalqaipi chaqai ca lauaripi quiyim huelec da ỹapaxaguinataxanaxac, chaqai quiyim ỹo'uet ná'ogue ná'maq ỹa'maqachiguiñi chaqai da no'uen ñicyaxac, qaiyi sepacqajanchigui ná'ogue ná'maq shinac na'le.

Job 1:1

Quiyi 'laua leenaxat Uz 'uo' so ỹale leenaxat Job. So'maxare ỹaatqajam qaica ca se ỹa'maxañi queda no'ueenataxac, chaqai 'maxataxaraic, chaqai ỹaatqajam quejlec ñi qota'olec, chaqai netelañi quiyim ỹo'uet ca se ỹa'maxañi queca liỹa.

Job 1:5

Ca quena' ỹomate' da lqui'ỹaxague', ca' so Job roỹaxanouguilo saua llaalqa. Ca co'quena' nete'etam, ca' ne'laxashiguim, ca' ỹavigaxat añi lachitaxanataxanqate, 'onatac nqai'en quiñi 'óna llaalec, qaiyi co'it quena lasauaxaset. Ca' so Job se neme 'neeta'gue dajo, ma' sqoue quiyim 'ue ca llaalec se no'uen ca la'qaatec quiñi qota'olec pa'xantauo quena lauel.

Salmos 88:1

Qami' ỹa'gaxala' qota'olec chaqai ica'laxaqui, quiyi na'xa'a chaqai yi pe sashiila'isac quiyim yotauañi',

Eclesiastés 7:18

Dá'maq paguec la'maxa quiyim ỹaatqajam qanolliichiguiñi dajo, qam se qoỹaxanec queda nqai'laxat dajo liỹa. Cá'maq imaqachin ñi qota'olec, ca no'uen ca 'neeta quená'ogue najo.

Isaías 59:19

Ná'ogue na qomyipi neetalec najo 'laua, queda lqodoigue chaqai da lauashiguim, lediỹalec ma'le ñi qara'gaxala' ma' iuana da lecaic quiyim nashi, ma' ñi'maxare ma' nac, ca 'ec aca lachiugue nqo'ñishiguim na huaxaỹaq, qaidaxan queca nonot lodegaxat.

Daniel 6:10

Ca co'na' ỹa'den so Daniel quiyim qai'taxajñi so 'deenaxac queso nashi, ca' queuo quiyi la'a', ca' ỹauachigui añi nqote ñi lelaxasoxoqui, añí'maq pa'aata'gue yi Jerusalén, ca' ỹa'chi'iñi naua le'cootal, ca' nqouagaxainot chaqai imaqachin ñi qota'olec. Ca' chaqaida 'neeta'gue ỹovi' tres nqai'en quiyi na'xa'a.

Daniel 6:16

Co'na'le, ca' so nashi relaataxane'oga so Daniel quiyim qanauego, ca qainaxa'ñigui aso tema hueeta'ñigui so sauaxaic leta'allipi. Qam na' saqa' qaỹomachigui da na'qaatec, ca' so nashi 'naaco' queso Daniel: —¡Ca qota'olec caqami' cá'maq 'ỹaañisacot da no'ueenataxaqui', rca'laxachirec!

Daniel 6:20

Ca co'na' so nashi ipalataxaso'ma añi tema, ca 'ue da lachicoxo, roỹaxantaxaso'ma so Daniel, 'naaco': —Daniel, qami' lelaatec ñi nca'leetauec qota'olec, ¿ishit ñi'maxare nca'laxatec qami' quena sauaxaic leta'allipi, ma' qami' 'ỹaañisacot da no'ueenataxaqui' ñi'maxare?

Daniel 6:26

chaqai sa'ue da ỹaqataxac chaqai selaataxan quiyim ná'ogue na qomyipi quená'maq 'laua soiquentac quiyim se iualaxainari' ñí'maq qota'olec quiñi Daniel. Ma' chaqaiñi ñí'maq qota'olec nca'leetauec, chaqai se neme quiyim 'ue. Da lo'ueenataxanaxac quiyim ỹoiquentac ná'ogue najo qaica iuagaxatac, chaqai qaica lqodoc da lquesaxanaxa.

Mateo 25:17

Ca' chaqai 'nejem só'maq icoñiguit aso dos mil, ca lotqai lauegue aso liỹa dos mil.

Lucas 18:1

So Jesús ỹa'uo' ca raloqojnaxana co'na' ỹahotaque quiyim rapaxaguinataxanegue quiyim se neme ca qouagaxainaxac ỹaatqajam se qoỹaxanñi.

Lucas 2:25

Ca' quesojo ñaaxa neeta'ñi yi Jerusalén so ỹale, leenaxat Simeón. So'maxare ỹaatqajam huagaxaraic, chaqai ỹa'maxate'tegue ñi qota'a, chaqai nauaantaque ca na'xa'a quiyim ime nqohin da le'xoric na Israel llaalqaipi. Qam so'maxare hueeto'ot so Espíritu Santo.

Hechos 10:22

Ca' saua'maxare 'neraco': —Nelate' qomi' ñi nouaataxanaq lashi Cornelio. Ñi'maxare ỹaatqajam huagaxaraic ỹale chaqai ỹaatqajam ỹa'maxate'tegue ñi qota'olec, vichiguiño' ná'ogue na judioipi ỹaatqajam lauochaxat chaqai lqo'itaxat ñi'maxare. Ma' 'uo' so chicqashiguim qota'a lelaatec 'naapega ñi Cornelio quiyim relaataxana qami' quiyim quirepegue' yi la'a', ca' ñi'maxare na'xaỹaxana ca ra'qaataxanaxaqui'.

Hechos 10:31

Ca 'naapiguiỹa': “Cornelio, ñi qota'olec 'xaỹa da nqouagaxainaxaqui' chaqai ỹo'leenta'a da rqouagaxa'e' quena' tauañi'sac ná'maq 'ue na louenaxanaxa.

Hechos 10:35

Qaidaata quiyim icoñiguit canchaqaica qom quena 'laua cá'maq ỹa'maxate'tegue ñi'maxare chaqai ỹo'uet ca ỹa'maqachiguiñi.

Hechos 10:4

Qam so Cornelio chi ra'iito'oto' so nelaatec chicqashiguim, ma' 'xoic da lqolonaxa, chi nacantauco' quiyim inat: —¿Negue' ca, qami' ỹa'gaxala'? Ca' so nelaatec 'naaco': —Ñi qota'olec ỹacoñiguit da nqouagaxainaxaqui' chaqai da 'ñiisari' quena' tauañi' ná'maq 'ue louenaxanaxa.

Hechos 10:7

Ca co'na' eec so qota'a lelaatec retaqata'pegue', ca' so Cornelio roỹaxanalo saua dos lelaatqa chaqai so nouaataxanaq le'ec. Sojo ỹale mashic shi'gom icoñiguit da na'qaatec chaqai npe'eet ma' qamaxaraic.

Hechos 11:14

Ca' ca'maxare ma'le 'ñirapegaxaua' quecá'maq 'ñitetegue quiyim rca'llirec qami' chaqai ná'ogue na qachaalaxai'pi.”

Hechos 13:16

Ca' so Pablo ne'laxashiguim, nanojshiguim ada laua, ỹahotaque quiyim so qomyipi i'maqajlem. Ca 'naaco': —Na'xaỹaxañiua', qamiri Israel laseripi chaqai ná'maq ỹa'den no'cha'a ñi qota'olec:

Hechos 13:26

Qamiri ỹaqaỹarolqa, llaalqaipi so Abraham, chaqai ná'ogue ná'maq no'cha'a ñi qota'olec: qomá'ogue taỹauguilo da na'qaatec chicqaugui da nca'laxa.

Hechos 13:50

Qam na judioipi ná'maq se ỹa'maxaren so Jesús, ca itaxaỹaxanac so 'aallipi 'maxataxaraipi chaqai huelec ñi qota'a, quiyim quepegue' na nashillipi quiyi na'a' quiyim qaỹocana'pe so Pablo chaqai so Bernabé, ỹovireta'a quiyim qaỹo'derauec quiyí'maq hueese'e.

Hechos 18:8

Chaqai so Crispo, so lashi añi napoxoqui, huelec ñi qara'gaxala' chaqai sá'ogue so llaalqaipi. Chaqai qai'neeta 'xoic so na'ñi yi Corinto, co'na' 'xaỹa da na'qaatec, qai'neeta huelec. Ca sá'ogue qanachilaxan.

Hechos 2:5

Ca' quesauajo na'xata' 'uo' quiyi Jerusalén na judío laseripi chicqote'ogalo quenaua lahil yi 'laua. So qomyipi queetalec quen ñi qota'olec.

Hechos 22:12

Ca' yí neeta'ño' so ỹale, leenaxat Ananías. So'maxare ỹaatqajam na'xaỹaxane'ta na naqataxaquipi chicqo'ot nqohin so Moisés. Chaqai ná'ogue na judioipi neeta'ñi yi Damasco ỹaatqajam 'maxaraic nqai'en da no'ueenataxac so'maxare.

Hechos 8:2

Ca 'vio' saua ỹale' ỹaatqajam 'maxataxaraqa, queesalec ñi qota'olec, chaqaisaua sauá'maq ishiñiñi so Esteban, noỹenseguelec so'maxare.

Hechos 9:11

Ca' so qara'gaxala' 'naapego' so Ananías: —Ne'laxachirishiguim, ca quirepegue' so nayic, leenaxat Ỹalamqata. Ca ma' vichita yi la'a' ca Judas, ca nataxañiraque ma'le ca ỹale, leenaxat Saulo, chicqa'gue da na'a' Tarso. Ma' ñi'maxare nqouagaxaintac.

Hechos 9:31

Ca 'uo' da la'maxa ná'ogue ná'maq mashic ỹacoñiguit da na'qaatec neetalgoto naua 'lauari quiyi Judea, chaqai yi Galilea, chaqai qai'neeta yi Samaria. Ca na'maxare noquiiquetauec da lquesaxanaxa, chaqai ỹa'maxate'tegue ñi qara'gaxala', chaqai quedá'maq lotaanaxanaxac so Espíritu Santo. Ca noquiiquetauec ná'maq icoñiguit da na'qaatec.

Hechos 9:36

Ca' quesaua na'xata' 'uo' aso mashic shi'gom ỹacoñiguit da na'qaatec na'ñi yi Jope, leenaxat Tabita. Dajo neenaxat quenaua griego la'qaatqa 'naac: Dorcas (dajo 'naac: qagreta neuec). Aso 'aalo co'na' ñaqa 'ue 'xoic da lotaanaxanaxac, ỹotauantac ná'maq 'ue na louenaxanaxa.

Colosenses 4:2

Quiitalec sqai 'xañiñi da nqouagaxainaxaguii. Nelohitauec, chaqai 'ỹaañitacot da na'aachicyaxaguii ñi qota'a.

1 Tesalonicenses 5:17

Quiilco' quiyim se neme nqouagaxaiñitac.

Santiago 1:5

No'm 'ue ca 'óna caqamiri ỹouen ca la'deenec, ca ỹashiila ñi qota'a. Ca ñi'maxare ỹaan, qam se naloqojnañi, chaqai se ỹa'ue ca layiloxo ca qom.

Josué 24:15

Qam no'm sqai 'maxariñii quiyim quiilec ñi qara'gaxala', ca' nagui, ca' nca'aiua'a cá'maq viitaque quiilec, na nqolaquipi ná'maq imaqachintac na'le so 'auaxaic qataa'illipi na' neetalec da lahi aso lachiugue Eufrates, loqo'm na lqolaquipi na amorreoipi, ná'maq ñiitañigui qamiri nagui. Qam ỹim chaqai na ỹaalqaipi qolaxalec ñi qara'gaxala' qota'olec.

Apocalipsis 15:4

¿Negue' queto' cá'maq se no'cha'a qami', qami' qara'gaxala'? ¿Negue' queto' cá'maq se imaqachin aqami'? Ma' chaqaqamite' qami' co'teeta, chaqai anac ná'ogue na ỹoreta'oguit qomyipi, ca' imaqachin aqami'. Ma' qaiuanchigui quiyim sqaica ca se ỹa'maxañi quená'ogue ná'maq 'viichi'.