Hechos 10:11 - La'qaatqa ñi qota'olec Qota'olec & Qota'olec Novita Na Qomyipi

¹¹ quiyim 'eco' qaỹauachigui na piguim, ca' 'uo' so chicqo'ot 'ec nepo' lodegaxat, taata'ña yi hueeta'ñi so Pedro, qaicoñireta'ta' naua cuatro lasoguel.

Hechos 10:11 Iomraidhean Croise

Génesis 49:10

Qaica ca ishit rouootaxana'gue da lquesaxanaxa ñi Judá chaqai quiyim na'gaxala' cada lo'qoota'a lashilete, chi ỹovireta'a quiyim novi' cá'maq lalamaxarete lashilete ada'maxare, ca ca'maxare qana'xaỹaxana ma'le quená'ogue na ỹoreta'oguit qomyipi.

Isaías 43:6

Shinapega ma'le da rapiguim: Rapilaxachi', chaqai shinapega da 'guiñi: Mese nolli'rañi naua'maxare. Nodo'e' na ỹaalqaipi chaqai na ỹaallipi quenauá'maq qoỹoqo'teguelo lahil na 'laua.

Isaías 56:8

Ỹim yapilaxat, ca' lapoỹata' quená'maq na'aquipi hueeta'oga yi ỹoqa'a 'laua. Dajo i'taxajñi ỹa'xat ñi qara'gaxala', ñí'maq ỹo'uet quiyim liỹa lapoỹata' na llaalqaipi so Israel neuagaxatetajlec. (56.9-12 Qaỹoviraxata'a so nashillipi hualoxonyipi.) (57.1-21 Se qaỹa'maxaren na nqolaquipi. 'Ue da nouaxanaxaset chaqai qanataren yi Israel.)

Ezequiel 1:1

Ỹim netaxaỹaxanqajnec, ỹeenaxat Ezequiel, ỹim llaalec so Buzi, 'ue so na'xa'a seueto'ot na lahi aso lachiugue Quebar, quiyi Babilonia. Salequetaugui na'le ná'maq ỹoqa'a da qai'xategue 'laua. Ca' quiyi, ca 'eco' huachigui na piguim, ca' 'ue so iuanaxanaxac, seuane'ta ñi qota'olec na' ime' saua veintinueve ñaxari, tres shiriguiri chaqai cinco na'xata', na' ỹovite' saua cinco ñaxari quiyim qai'xategue da ỹoqa'a 'laua so nashi Joaquín. Ca' ñi qara'gaxala' qota'olec ỹashil-lec aỹim.

Mateo 8:11

Ca' ỹim shinac caqamiri quiyim 'xoic ma'le ca novi' chicqa'gue da lqodoigue chaqai da lauashiguim, ca' nqa'xanñi que'e nouanta'to lqui'ỹaxaua' yaua Abraham, Isaac chaqai ñi Jacob, ma' qainoxona'a ca lo'ueenataxanaxac ñi qota'a queda piguim.

Lucas 3:21

Ca co'na' saqa' qaicoñi' so Juan, ca so'maxare nachilaxantac ná'ogue na qomyipi, chaqai so Jesús qai'neeta qanachilaxan. Ca so'maxare co'na' ñaq nqouagaxaintac, ca na piguim huachigui.

Juan 1:51

Qai'neeta 'naac so Jesús: —Ỹaatqajam llic nagui da shinac caqamiri, quiyim qamiri huañiỹa ma'le na piguim nauatetaugui chaqai na lelaatqaipi ñi qota'a piguim laseripi taỹashi'mquera chaqai quiyim naỹa'ña najo ỹale llaalec.

Juan 11:52

Chaqai mesqainaata na judioipi, ma' qai'neeta ỹahotaque lapoonta' ná'ogue na qota'a llaalqaipi neuagaxatetac.

Juan 12:32

Ca ma' ỹovita quiyim qananojshiguim aỹim quena 'laua, ca' ñauego ma'le ná'ogue na qomyipi.

Hechos 10:12

Ca' sojo 'ec nepo' 'uo' na hueeta'ñigui ỹoreta'oguit iseripi. 'Uo' na cuatro lapiaate', chaqai nanaic, chaqai ná'ogue na ỹo.

Hechos 11:5

—Aỹim seueta'ñi na'le yi na'a' Jope, ca ñqouagaxaintac. Ca 'uo' so iuanaxanaxac, seuañi'chiguit so 'ec nepo' lodegaxat nqo'neetañi, chicqo'ot na piguim, naata'ña yi seuete'e, qaicoñireta'ta' naua cuatro lasoguel.

Hechos 7:56

Ca 'naaco': —¡'Ajñii! Seuana na piguim nauatetaugui, chaqai ñi ỹale llaalec pa'aata'gue da loic ñi qota'olec.

Romanos 1:16

Ca' ỹim se ñayiloxonlec da na'qaataxac so Jesús, ma' da'maxare lquesaxanaxa ñi qota'a, ma' ishit nca'laxatec ná'ogue ná'maq huelec. 'Aueta nqai'en na judioipi, qam qai'neeta ná'maq sqai judioipi.

Romanos 9:4

Ma' na'maxare chaqai llaalqaipi so Israel, chaqai ñi qota'a icoñiguit 'neeta'gue meca llaalqaipi. Ñi'maxare ỹaatqajam ỹalequetaugui na'le na'maxare chalego loyac so lauaq, chaqai ỹaanema naua na'maqataxaco, na naqataxaquipi chicqo'ot so Moisés, chaqai da leloxoỹaxac quiyim qaimaqachin ñi'maxare, chaqai naua ỹachaxanta'pe quiyim ỹaanema.

Gálatas 2:15

Qomi', qomi' llaalqa na judioipi, chaqai sqai qomi' sauaqhuaqa, sqai shinqata na liỹa ỹoreta'oguit qomyipi.

Gálatas 3:28

Ca' tot qaica quet cá'maq ỹoqa'a ca no'ueenataxac quena judío loqo'm quena sqai judío, loqo'm nelaatec loqo'm ca se nelaatec, loqo'm ca ỹale loqo'm aca 'aalo; ma' no'm na'yiitau'a so Cristo Jesús, ca' qamiá'ogue 'ec qamiri 'oonoqui'.

Efesios 1:10

Ca' dajo ỹaatqajam qaica ca taỹa'gue, ta'ta'a quiyim ipaquichigui ma' ỹovita ca laloqo', ma' ñi qota'a ỹomato'ot ma'le quiyim so Cristo ỹoiquentac ná'ogue nanchaqaina, quená'maq hueeto'ot na piguim chaqai ná'maq hueetalec na 'laua.

Efesios 3:6

Dajo se re'xogui leloxoỹaxac 'neetasa': quiyim chicqochigui nqohin da na'qaatec chicqaugui da nca'laxa quiyim ná'maq sqai judioipi qai'neeta icoñiguit dá'maq ỹachaxantac ñi qota'a, 'nejem nqohin ná'maq judioipi, chaqai qai'neeta ỹalecau'a so loshicmaxa so Cristo, chaqai qai'neeta ỹalecau'a ná'maq ỹachaxantac ñi qota'a queso Cristo Jesús.

Colosenses 3:11

Qam dajo mesqaida quet quiyim judío le'ec ca qom loqo'm quiyim mesqai judío, loqo'm quiyim 'ue ca netanec na loshicmaxa loqo'm ca sqaica ca netanec, chaqai ca ỹoqa'a ca chicqa'gue loqo'm ca se na'maxat, loqo'm ca na'ac loqo'm se na'ac. Ma' chaqaiso so Cristo qaisoota, ca' hueetaugui ná'ogue na qomyipi.

Apocalipsis 11:19

Ca na'le, ca qaỹauatougui ñi lo'ueenaxanaxaqui ñi qota'a neeta'gue da piguim. Ca' ỹaatqajam re'qoota aso lahite' saua diez laqataxaco ñi qota'a. Ca' 'ue so nqai'legaxa, nalataxa, soxonaxallipi, so le'loxolaxa na 'laua, chaqai aso late'ogue' qalachi.

Apocalipsis 19:11

Ca na'le, ca seuana quiyim nauachigui na piguim, ca re'oq so shipgaq lalagaxaic. Chaqai só'maq neetalec leenaxat qamaxaraic chaqai lliqueta, quiyim nashi chaqai quiyim ỹa'maqachiguiñi da 'ne'tegue quena' imit na qomyipi.

Apocalipsis 4:1

Ca' ỹim Juan, ca na' ime dajo, ca' ñidaanashiguim, ca' seuane'ta so lasom nauatetagui queda piguim. Qam sojo nivillaxac 'ec aca npe'te só'maq 'au netaxaỹa'ña aỹim, ca 'naapiguiỹa': —Nochirishiguim quenajo. Ca' sachaxañiraxarom dá'maq 'neeta ma'le najo.