Hechos 10:1 - La'qaatqa ñi qota'olec Qota'olec & Qota'olec Novita Na Qomyipi

¹ 'Uo' so ỹale leenaxat Cornelio na'ñi yi Cesarea. So'maxare nouaataxanaq lashi, reloqota'a so cien nouaataxanaq qaỹamata'gue Italia laseripi.

Hechos 10:1 Iomraidhean Croise

Mateo 27:27

Ime, ca' saua nale' so nashi ỹauegue' so Jesús ỹaueguereu'a so lauo' lodegaxat so'maxare. Ca lapoonta' sá'ogue so nalliripi so'maxare, ca qalapoỹau'a so Jesús.

Mateo 27:54

Ca co'na' so lashi so nouaataxanaq chaqai sauá'maq liỹa' reloqosa'a so Jesús, co'na' iuanchigui i'loxol na 'laua chaqai ná'maq liỹa 'uo' na'le, ca 'xoico' da lqolonqa'. Ca 'neraco': —Ỹaatqajam llic ñijo ỹale ỹaatqajam llaalec ñi qota'olec.

Marcos 15:16

Co'na'le, ca' qaỹaueguec so Jesús queso nouaataxanyipi quiyi nasoxoc so nashi. Ca lapoỹata' sá'ogue so nouaataxanyipi.

Lucas 7:2

Ca' hua'ñi yi'maxare, ca 'uo' so nouaataxanaq lashi le'ec yi Roma. So'maxare 'uo' so lelaatec ỹaatqajam lauochaxat, qam so'maxare ralolaxaic, chaqai mashic ileuetac.

Juan 18:12

Co'na'le, ca so neetaho nouaataxanaq, liỹaatac so lashi, chaqai so nouaataxanaq quena judioipi, iconlec so Jesús, ca' coñite' naua laua'.

Juan 18:3

Ca' so Judas ỹovira'a yi'maxare. Qam 'ue so nalliripi chaqai saua nouaataxanaq lase' neloxoỹa' cañi no'ueenaxanaxaqui qanelarerec queso lashillipi na netaxaỹaxanqajanqaipi chaqai na fariseoipi. Qam ỹaatqajam naloochiguiñi na lo'goxonqateripi, chaqai ne'xateta na lcoỹeraxanqateripi.

Hechos 10:24

Ca' queso liỹa na'xa'a co'na' ỹovirera'a yi Cesarea yí'maq neeta'ñi so Cornelio, rauaanaxantac, 'xoico' so lapoota'guit queso chi lauo' laseripi chaqai so namigollipi só'maq ỹa'uo' la'xaỹaxac.

Hechos 21:31

Ma' qaỹahotaque qaỹalauat so'maxare, qam mashic ỹovi' da la'xaỹaxac so nouaataxanaq lashi quiyim mashic ro'o yá'ogue yi na'a' lodegaxat Jerusalén.

Hechos 21:8

Ca' queso liỹa na'xa'a so Pablo chaqai qomi' qolaq, ca sovitaxa yi na'a' Cesarea. Ca' quiyi, ca qolaqpegue' yi la'a' so Felipe. So'maxare ỹodac da na'qaatec chicqaugui da nca'laxa, chaqaiso' so liỹa' saua siete 'auaxaqa nca'acse' quiyim notaua', ca senqa'anyi.

Hechos 22:25

Qam co'na' ime qaicoñireta qaỹahotaque quiyim qaỹouaxan, ca' so Pablo 'naaco' queso lotaua so nouaataxanaq lashi hueete'eyi: —¿Ỹa'maqachiguiño' quiyim huaxañitac ca romano le'ec, quiyim saqa' 'yiiñii ca lasauaxaset?

Hechos 23:23

Ca' so nouaataxanaq lashi roỹaxanalo saua dos lotaua', ca 'naapegalo quiyim na'maxajñi nqai'ne' ca doscientos nouaataxanaq co'ueetañi, chaqai ca setenta neetashiguim, chaqai ca doscientos ỹahote'e laqui, chaqai ma' ncopau'gue ca pe, ca' eec, taigue da Cesarea.

Hechos 23:33

Ca co'na' qaỹovita yi Cesarea, ca qoỹaanem aso lere so nashi. Chaqai qai'neeta so Pablo qoỹaano.

Hechos 25:1

Ca co'na' so Festo ỹovita quiyim ỹacoñiguit da lo'ueenataxanaxac quiyim nashi. Ca co'na' ỹovite' tres na'xata', ca chicqochi'ñi yi Cesarea, ca taigue da Jerusalén.

Hechos 25:13

Ca mashic 'vio' saua na'xata', ca so nashi Agripa chaqai aso loua Berenice taategue da Cesarea, riquinaxanta so Festo.

Hechos 27:1

Ca co'na' ỹovita ca laloqo' qailateguelo qomi' da Italia, ca so Pablo chaqai so liỹa ncoñiitecseripi qoỹaanem so nouaataxanaq lashi, leenaxat Julio. Sojo leloxoiqatecsec sá'ogue so nouaataxanaq só'maq qoỹanegue leenaxat nalliripi so Augusto.

Hechos 27:31

Qam so Pablo ỹa'ue la'xaỹaxac so nouaataxanaq lashi chaqai so nalliripi, 'naaco': —No'm dauajo quere'e ana qarahi', ca' qamiri qaica ca naquichitaque quiyim rca'lliuec.

Hechos 27:43

Qam so lashi so nouaataxanaq, ma' ỹahotaque quiyim nca'leetauec so Pablo, ca se ỹa'maxaren quiyim qohine'tegue dajo. Ta'ta'a quiyim chinlataxan quiyim cá'maq ỹa'den lo'xonaxac, ca 'au taañigui yi huaxaỹaq, 'au ỹo'xonta'ta'a yi 'laua,

Hechos 8:40

Qam so Felipe co'na' no'uen, qa' hueetaugui yi na'a' leenaxat Azoto. Ca' quiyi, ca' eec, queetagui na na'aateripi, ỹa'xatetac da na'qaatec chicqaugui da nca'laxa, chi ỹovireta'a yi na'a' Cesarea.