Hechos 1:8 - La'qaatqa ñi qota'olec Qota'olec & Qota'olec Novita Na Qomyipi

⁸ Qam ma' novitalo qamiri ca Espíritu Santo, ca' coñiguit ca nquesaxanaxa. Ca' oquii, 'xachitac aỹim, ca 'qaataxañiỹougui yi Jerusalén, chaqai yá'ogue yi 'laua quiyi Judea, chaqai yi Samaria, chaqai ỹovireta'ogalo naua'que naua lahil na 'laua.

Hechos 1:8 Iomraidhean Croise

Salmos 22:27

Qamiri ni'ic, chaqai ná'ogue na ỹoreta'oguit qomyipi quenaua'que naua lahil na 'laua: o'lliinchii'a ñi qara'gaxala', ca' naguipegue'; ¡'yiỹoto naua re'cootallii ñi'maxare!

Salmos 98:3

ỹaatqajam se coua'e da le'xorenataxanaxa chaqai da laqamaxa quena llaalqaipi so Israel. ¡Qaiuana quenaua'que naua lahil na 'laua quiyim rauegaxan ñi qota'olec coqomi'!

Isaías 49:6

'neetasa' da la'qaatec: Mesqai nodaachiguiñi quiyim qami' ilaatec quiyim qaidaata rapilaxachi' na llaalqaipi so llaalqaipi so Jacob chaqai quiyim rapilaxachi' na ca'laaxaiquipi quena'maxare; qai'neeta ỹim so'uet quiyim qami' lcoỹeraxanaxat ná'ogue na ỹoreta'oguit qomyipi, qaiyi 'xachisac da ica'laqataxanaxac quenaua paguec qoỹoqo'teguelo lahil na 'laua.

Isaías 52:10

Ñi qara'gaxala' ỹachaxan da co'teeta lquesaxanaxa, ca' qaiuanchigui quená'ogue na ỹoreta'oguit qomyipi. Ca' quená'ogue na 'laua qaỹa'den ma'le quiyim ñi qota'olec nca'laxaterec qomi'.

Miqueas 3:8

Qam quená'maq ỹim quiñi ne'Espíritu ñi qara'gaxala' no'xataxachigui aỹim queda lquesaxanaxa, queda ỹa'maqachiguiñi chaqai da la'ñaxac iuel, ca' soviraqta'a yi Israel quiyim se na'xaỹaxan chaqai queda lasauaxaset.

Zacarías 4:6

Ca na'le, ca' so'maxare queetalec da letaxaỹaxac, 'naac: 'Neetasa' dá'maq letaxaỹaxac ñi qara'gaxala' taỹa'a so Zorobabel: Mesqai qaỹahote'e ca ỹalliripi nalauataxairipi chaqai da nquesaxanaxa, ta'ta'a quiyim qaỹahote'e so ñi'Espíritu, 'naac ñi qara'gaxala' sqaica lqalanec.

Mateo 24:14

Qam dajo no'uen na'xaỹaxac ỹa'xat dá'maq lo'ueenataxanaxac ñi ỹoiquentac ná'ogue najo, da'maxare qaỹa'xat ma'le quená'ogue na 'laua, qaiyi qaỹa'den quená'ogue na ỹoreta'oguit qomyipi. Ca ma'le, ca' novi' ca nqodoc.

Mateo 28:19

Ca' vichiguiño' qamiri selarii quiyim quiipegue' ná'ogue na ỹoreta'oguit qomyipi. Ca' 'viichii quiyim ỹim napaxaguinaxala', chaqai chilaxanataxañiỹa da leenaxat ñi qota'olec, chaqai najo llaalec, chaqai so Espíritu Santo.

Marcos 16:15

Ca 'naaco' quesaua'maxare: —Mohi, oquii, quiipegue' na qomyipi neetalec ná'ogue na 'laua, ca 'xachim da na'qaatec chicqaugui da nca'laxa.

Lucas 1:35

Ca' so nelaatec 'naaco': —Ca Espíritu Santo ta'ñigui qami' ma'le, ca' da la'ñaxac ñi qota'olec ma' lodegaxat ỹapolec qami', 'nejem ca naueguelec. Ca vichiguiño' cajo noctoqui' ma' ne'qaañi, ca'maxare ỹaatqajam qoỹaanot quiyim hueeto'ot ñi qota'olec. Ca' qaỹamata'gue llaalec ñi'maxare.

Lucas 10:19

Aỹim saanema qamiri da nquesaxanaxa, qaiyi co'viigui na nanaiquipi chaqai na pa'lotoxoiquipi, chaqai quiyim naviguii ná'ogue na lquesaxanaxa so pa'guenaxantac, chaqai sqaica ca que'maqachite' qamiri.

Lucas 24:29

Qam saua'maxare ipaquera'a nolliisegueñi, 'neraco': —Ro'viñira'ansopa qomi', ma' nagui avit, chaqai mashic sham lepe. Ca' so Jesús inoxono no'ueena'ansopa saua'maxare.

Juan 15:27

Qamiri qai'neeta ya'xachii ma'le, ma' qamiri iỹareta'pe na' ñaqai 'avichiguiñi sapaxaguinataxan.

Hechos 1:22

Naua'maxare ỹalequesaho na' qanachilaxan so Jesús queso Juan, chaqai chi ỹovireta'a na' taashiguim quena piguim. Ca' nagui ỹouen quiyim 'ue ca quenaua'maxare qanca'au'a, ca' qaỹalecqajnouguilo qomi', ca' qai'neeta na'qaataxanqajnec quiyim ỹa'xat so Jesús liỹa nca'leuec.

Hechos 1:5

Ỹaatqajam llic queso Juan rachilaxanataxañigui na huaxaỹaq, qam qai'neete' qamiri quenaua na'xatarolqai' qanachilaxanguilo qamiri ca Espíritu Santo.

Hechos 13:31

Ca' so Jesús 'xoic saua na'xata' nachaxantapegalo sauá'maq nauegaxaua' na' eec, chicqochi'ñi yi Galilea, taigue da Jerusalén. Ca' nagui chaqaisaua sauá'maq ỹa'xatesac so'maxare quena qom.

Hechos 2:32

Ma' ñi qota'olec chaqaiso' so Jesús liỹa nca'laxatec, ca' qomi' sauanqachigui, ca' sa'xataq.

Hechos 22:15

Ma' qami' 'xachi' ma'le dá'maq 'neeta queso'maxare quená'ogue na qomyipi dá'maq huañichirigui chaqai da 'qa'ichirigui.

Hechos 3:15

Ca' quiyi, ca' qamiri lauachii só'maq chicqo'ot da nca'laxa. Qam ñi qota'olec liỹa nca'leuec nqai'en, ca' quedajo qomá'ogue qomi' sauanqachigui.

Hechos 4:33

Ca' so nelaatqaipi 'xoic da lquesaxanaxa, ca' eec da na'qaataxanaxac, qaỹa'xatetac so qara'gaxala' Jesús quiyim mashic liỹa nca'leuec. Ca' ñi qota'a 'xoic da lqouagaxa quesá'ogue so qomyipi.

Hechos 5:32

Ca' quedajo seuanqachigui qomi', ca sa'xataq chaqai so Espíritu Santo, só'maq ñi qota'olec ỹaanem ná'maq na'xaỹaxana.

Hechos 6:8

So ỹale leenaxat Esteban no'qaachigui queda nquesaxanaxa chaqai queda lqouagaxa ñi qota'a. Vichiguiño' ỹo'uet na se qaiuanapega quena qomyipi chaqai na netanqaipi.

Hechos 8:1

Ca' so Saulo ỹa'maxarenta quiyim qaỹalauat so Esteban. Ca nachinchigui so na'xa'a na' qaỹocanac ná'maq mashic ỹacoñiguit da na'qaatec quiyi Jerusalén. Ca ná'ogue neuagaxatac, quepegueto naua 'lauari quiyi Judea chaqai yi Samaria. Nodaaterec saua Jesús lelaatqa no'ueendañi.

Romanos 10:18

Qam ỹim senataxan: ¿Peeta'a sqa 'xaỹa na'maxare da na'qaatec? ¡Ajá'a, pacaco', qa'sqai 'qaatapega! Ma' naua nerecse' la'qaatqa ñi qota'a 'neracsa': Da lelamqa' naua la'qaatqa saua netaxaỹaxanqajanqa qara'xaỹa quená'ogue na 'laua, chaqai nalolec naua'que naua lahil na 'laua daua la'qaatqa saua'maxare.

Romanos 15:19

chaqai da lquesaxanaxa na netanqaipi chaqai na se qaiuanapega, chaqai da lquesaxanaxa so Espíritu Santo. Ca' quedajo, ca imigui quiyim sa'xat da na'qaatec chicqaugui da nca'laxa chicqo'ot so Cristo, chicqochi'ñi yi Jerusalén chaqai naua'que naua lahil yi 'laua, chi ỹovireta'a yi Ilírico.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.