Hechos 1:7 - La'qaatqa ñi qota'olec Qota'olec & Qota'olec Novita Na Qomyipi

⁷ Ca' so Jesús 'naapegalo': —Qamiri sqa taiguit 'yiiñii lagui, loqo'm negue' ca na'xa'a 'ue ca ỹo'uet ñi qota'a, ma' chaqaiñiita ñi'maxare ỹo'viijñi ma'le quiyim ỹo'uet.

Hechos 1:7 Iomraidhean Croise

Mateo 20:23

Ca' so'maxare 'naaco': —Ajá'a, llic qamiri viriỹau'a ma'le da ñi'guenaxac chaqai dá'maq chilaxac saataugui. Qam quedá'maq quiyim qanqa'xanegue da ỹoic chaqai da ñimaq, ca' ỹim sqai soiquentac quiyim saanec. Ta'ta'a quiyim qoỹaanema ma'le cauá'maq qaỹa'maxatesañi quiñi ita'a qota'olec.

Mateo 24:36

Qam quecajo na'xa'a chaqai ca laloqo' qaica ỹa'den, vire'ta na nelaatqaipi piguim laseripi, chaqai najo qota'olec llaalec. Qaiñiita ñi qota'olec ita'a ỹa'den.

Marcos 10:40

Qam dajo quiyim nqa'xañiñi queda ỹoic chaqai queda ñimaq, mesqaỹim ná'maq saanema qamiri. Ta'ta'a quiyim qoỹaanem cá'maq 'em mashic qaỹa'maxatetañi yi'maxare.

Marcos 13:32

Qam quecá'maq na'xa'a chaqai ca laloqo' qaica ỹa'den, vire'ta na nelaatqaipi piguim laseripi, chaqai vire'ta ná'maq llaalec ñi qota'olec. Qaiñiita ñí'maq qota'olec maq ỹa'den.

Lucas 21:24

Ca 'uo' ma'le ca ileuaugui ca lauataq, chaqai ca liỹa noxonec, ime, ca' qaỹauegue'galo naua liỹa' 'lauari. Chaqai na chicqauec qomyipi ỹaatqajam co'ueeteguelec na na'a' lodegaxat Jerusalén, toco' ma' ỹovitalo caua naloqojonqa na'xata' quiyim qoỹaanem 'neeta'gue dajo.

Hechos 17:26

Ỹachigoxochichigui so 'oonoqui' qom na' ỹo'uet ná'ogue na ỹoreta'oguit qomyipi, qaiyi naalec ná'ogue na 'laua, ỹa'vii naua la'aate', qam ỹa'vii naua laloqote' naua neetalgoto,

Efesios 1:10

Ca' dajo ỹaatqajam qaica ca taỹa'gue, ta'ta'a quiyim ipaquichigui ma' ỹovita ca laloqo', ma' ñi qota'a ỹomato'ot ma'le quiyim so Cristo ỹoiquentac ná'ogue nanchaqaina, quená'maq hueeto'ot na piguim chaqai ná'maq hueetalec na 'laua.

1 Timoteo 6:15

Qam ma' ỹovita ca laloqo', ca' ñi qota'a ỹachaxan ma'le so'maxare, ma' ñi'maxare qaiñiita, hueeto'ot da na'maxa, chaqai da nquesaxanaxa. Ñi'maxare lashi na nashillipi chaqai la'gaxala' na na'gaxalateripi.

2 Timoteo 3:1

Chaqai qai'neeta 'yiiñi' ma'le ma' nepalata ca nqodoc, ca' novirero naua na'xata' 'xoic lqalaigue'.