Hechos 1:25 - La'qaatqa ñi qota'olec Qota'olec & Qota'olec Novita Na Qomyipi

²⁵ Ca' qoỹanagui da na'laxatañi na'le lo'ueenatec so relaachiqui' Judas, ma' 'ue da lasauaxaset, ca re'oq dá'maq ỹaatqajam taigue nqohin.

Hechos 1:25 Iomraidhean Croise

Mateo 25:41

Ca ma'le ca nashi 'naaco' quecá'maq pa'aata'gue da nemaq: “Noỹoochiuec caỹim, qamiri mashic qaỹa'ue da nouaxanaxashichii. Quiipegue' yi norec sqaica lqodoc, shi'gue qaỹa'maxatetañi qaỹauaaque loma' so na'ỹaapec chaqai na lelaatqaipi.

Mateo 25:46

Ime, ca' nauajo querepegue' ca nouaxanaxac sqaica lqodoc, ca ná'maq no'uen da ỹo'ueetetac, ca' quepegue' ca nca'laxa sqaica lqodoc.

Mateo 26:24

Qam najo ỹale llaalec ỹaatqajam quiichigui da 'nerac naua naneresañi la'qaatqa ñi qota'a. Qam ¡'xoraicolec cá'maq qom yayaano! Cajo ỹale paguec la'maxa quetaxan se ne'qaaño' na'le.

Juan 13:27

Ca co'na' so Judas icoñiguit so pan, ca chaqa'ma' so na'ỹaapec Satanás inoxoñigui añi le'taxanata. Co'na'le, ca qohinapego' queso Jesús: —Cá'maq sham 'viichi', ca chaqa'ma' 'viichi'.

Juan 17:12

Ma' na' ñaq iỹareta'pe quena 'laua, seloqota'a quen ná'maq nañaañi', sahote'e da rquesaxanaxa'e' chaqai squepaqataxanteguelec quen. Chaxasa qaica ca na'laañi, ta'ta'a só'maq shi'gue na'laaxaic, qaiyi ipaquichigui dá'maq 'nerac yaua naneresañi na'qaatqa.

Romanos 1:5

Ca' ñi qota'a nqouagueguelo qomi', chicqochigui nqai'en so Jesucristo, ca' qarela' quiyim so'ueenataxanot so'maxare, qaiyi quená'ogue ná'maq ỹoreta'oguit qomyipi 'ue ca huelec chaqai na'xaỹaxana.

1 Corintios 9:2

Qam no'm 'ue na saqa' huelec quiyim aỹim lelaatec so Jesús, qam qamiri se ishit quiyim sqai viilec, ma' aỹim ná'maq 'em viilec so qara'gaxala'. Ca' chaqaida dá'maq re'oq nqai'en quiyim ỹaatqajam aỹim lelaatec so Jesús.

Gálatas 2:8

Ca chaqaiñiita ñí'maq qota'a ỹo'uet quiyim aỹim nelaatec queso Jesús, qayilarelec na sqai judioipi, 'nejem so Pedro na' qailarelec na judioipi.