Hechos 1:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ —Qamiri ỹaqaỹa', nagui ỹovita quiyim qaipacqajanchiguilo naua nerecse' hueetaugui yi la'qaatec, so Espíritu Santo co'na' ỹa'qaataxanaxan so nashi David queda 'neeta so Judas. Ma' chaqaiso só'maq ỹauec na'le so coñi' so Jesús.

Hechos 1:16 Iomraidhean Croise

2 Samuel 23:2

So ne'Espíritu ñi qara'gaxala' ya'qaataxanaxan; ca' naua la'qaatqa hueesalec ñi ỹo'legaxanaxat.

Mateo 26:14

Ca' so 'óna quesaua doce lapaxaguinatqa so Jesús, leenaxat Judas Iscariote, eec quepegue' retaxaỹa'pegue' so la'gaxala' na netaxaỹaxanqajanqaipi.

Mateo 26:47

Ñaq retaqataco' so Jesús co'na' noviro so Judas só'maq 'óna quesaua doce lapaxaguinatqa, liỹaatac so 'xoic qomyipi 'ue na lecat chaqai na nepon qo'paq, nelaatqaipi queso letaxaỹaxanqajanqaipi na qomyipi quena' qaretaxaỹa'pegue' ñi qota'a chaqai so lqo'xonqaipi na judioipi.

Mateo 26:54

Qam quiyim shi'ntegue dajo, ca ¿negue' quet cá'maq 'neeta quiyim ipaquichiguilo quet naua naneresañi la'qaatqa ñi qota'a, ma' ỹa'xate' quiyim chaqaida 'neeta ma'le dajo?

Mateo 26:56

Qam 'neeta dá'ogue dajo, qaiyi ipaquichigui dá'maq 'naaco' na'le so letaxaỹaxaquiripi ñi qota'a ỹa'xat quenaua naneresañi na'qaatqa. Co'na'le, ca 'eet so lapaxaguinatqaipi, no'ueenaqchichiguiñi so Jesús.

Marcos 12:36

Qam chaqaiso só'maq David co'na' qaretaqaugui queso Espíritu Santo, 'naaco': Ñí'maq qara'gaxala' qota'a 'naaco' quiñi ỹa'gaxala': “Nqa'xañiriñi queda ỹoic, toco' ma' sillo'oto naua qapiaachichi' ná'ogue na npa'guenaxaua'e'ipi.”

Marcos 14:43

Ca co'na' ñaq retaqatac so Jesús co'na' noviro so Judas. So'maxare chaqaiso' só'maq liỹa ỹalequetauguilo saua doce napaxaguinatqa, ca 'xoic so liỹaatac qomyipi ỹahote'e na lecat chaqai na nepon qo'paq. So'maxare nelaatqaipi queso lashillipi na netaxaỹaxanqajanqaipi quena' qaretaxaỹa'pegue' ñi qota'a, chaqai ná'maq rapaxaguinataxanta'pegue na naqataxaquipi, chaqai na qo'xoiquipi.

Lucas 22:47

Ca' ñaq retaqatac so Jesús co'na' novi' so 'xoic qomyipi. Ca' só'maq leenaxat Judas, sojo 'óna quesaua doce lapaxaguinatqa, na'aueta, ca nqo'neu'a so Jesús, ca' nqo'goq.

Juan 10:35

Qam qomi' sa'deenqata quiyim naua naneresañi la'qaatqa ñi qota'a naua'maxare sqaica ỹoqolliguite', ma' quiyim ñi qota'olec ỹamata'gue qota'olqaipi só'maq icoñiguit da la'qaatec.

Juan 13:18

Dá'maq sa'xatetac mesqai taỹaugui qamiá'ogue, ma' ỹim sa'deene' cauá'maq ñca'au'alo. Qam ipaquichigui ma'le dá'maq 'nerac yaua naneresañi na'qaatqa: “Cá'maq iqui'ỹaxaua, ca lotqai ñpa'guenaxaua.”

Juan 17:12

Ma' na' ñaq iỹareta'pe quena 'laua, seloqota'a quen ná'maq nañaañi', sahote'e da rquesaxanaxa'e' chaqai squepaqataxanteguelec quen. Chaxasa qaica ca na'laañi, ta'ta'a só'maq shi'gue na'laaxaic, qaiyi ipaquichigui dá'maq 'nerac yaua naneresañi na'qaatqa.

Juan 19:36

Ma' dajo 'ue qaỹovirau'a, qaiyi ipaquichigui da 'nerac naua naneresañi la'qaatqa ñi qota'a, ma' 'nerac: “Qaica ca qaỹaqaguit quena lpi'nec.”

Hechos 1:20

Ma' caso no'ueenaxanaxalate leenaxat Salmos hueetaugui yi na'qaatec, 'naac: Chaqaiyiita 'neetari' ca la'a' co'tejlec, chaqai qaica naugui ca'maxare. Chaqai qai'neeta 'naac: 'Uo' ca liỹa ỹo'uet da lo'ueenatec.

Hechos 13:15

Ca co'na' ime qaretaqalec aso lere hueetalec na naqataxaquipi chicqo'ot so Moisés, chaqai aso lerecse so 'auaxaic qota'a letaxaỹaxaquiripi, ime, ca saua la'gaxalate' añi napoxoqui 'uo' so ila' quiyim 'naapegalo saua Pablo: —Qamiri ỹaqaỹa', no'm 'ue ca ralamqataxanaxaguii, ca 'ñiỹapega na qomyipi nagui.

Hechos 13:38

Vichiguiño' qamiri ỹaqaỹa', qaỹahotaque 'yiiñii dajo, quiyim chaqaiso so Jesús chicqaugui quiyim qaỹapalaxat na nasauaxaseteripi, ca' chaqaida dá'maq sa'xatetapeguema qamiri nagui.

Hechos 15:13

Ca co'na' ime da la'qaataxanaxague', ca' so Jacobo 'naaco': —Qamiri ỹaqaỹa', ñaq na'xaỹaxañiua':

Hechos 15:7

Ca co'na' shi'gom qaretaqatapigui dajo, ca nachajñi so Pedro, ca 'naaco': —Ỹaqaỹarolqa, qamiri 'yiiñita queso, na' ñi qota'olec ỹacona'a ỹim, ỹachigoxotauguilo qamiri, quiyim sodo da na'qaatec chicqaugui da nca'laxa quená'maq sqai judío, qaiyi huelec na'maxare qai'neeta.

Hechos 2:23

Qam na' qoỹaanouguilo qamiri quiyim ipaquichigui nqohin dá'maq la'deenataxanaxac ñi qota'olec nallaaqo', ca' qamiri coñirii chaqai lauachii, qaipatentaho nqai'ñii queso qomyipi hualoxonyipi.

Hechos 2:37

Ca co'na' qara'xaỹa dajo queso qomyipi, ca' rachitata añi le'taxanata, ca' qainat so Pedro chaqai so liỹa lelaatqaipi so Jesús: —Qamiri qarqaỹa', qam nagui ¿negue' ca shinqata?

Hechos 22:1

—Qamiri ỹaqaỹarolqa, chaqai qamiri ita'alolqa, ñaq na'xaỹaxañiua' quedá'maq shim sa'xat caqamiri quedá'maq ño'ueenataxac.

Hechos 23:1

Ca' so Pablo co'na' idaanaugui so nashillipi, ca 'naaco': —Qamiri ỹaqaỹarolqa, ñaqai queeta quiyim qaica ca ño'uenegue ỹasauaxaset quiñi qota'olec, chi ỹovireta'a najo na'xa'a.

Hechos 23:6

Ca' so Pablo retan quiyim 'vio' saua nashil ỹalequesaho naneresaugui na leenaxat fariseo, ỹalequesa'guit so liỹa naneretaugui na leenaxat saduceo. Ca ỹa'uo' da la'qaatec so Pablo, qam nelamaxaren, 'naaco': —Qamii ỹaqaỹa', aỹim fariseo le'ec, sachicqaugui na fariseo. Ca' nagui qayimitetac, ma' sasouetapigui da ñaquitaxac quiyim liỹa qanca'laxatec ná'maq ileu.

Hechos 28:17

Ca co'na' ỹovi' tres na'xata' neeta'ñi yi Roma so Pablo, ca roỹaxane'oga so lashillipi na judioipi neeta'ñi yi'maxare. Na' sá'ogue lapoỹata', ca 'naaco': —Qamiri ỹaqaỹa', sa'qaataxanalo qamiri. Ma' ỹim qaica quet cá'maq sasauaxat quena qouo' laseripi judioipi, chaqai quiyim 'ue quet ca ñapaqueteguelec queda no'ueenataxac so 'auaxaic qareta'allipi, qam qaycoñi' queso judioipi hua'ñi yi Jerusalén. Ime, ca qayayaanou'a na Roma laseripi.

Hechos 28:25

Qam quiyim mesqai sá'ogue natene'ejta' ỹa'maxarenta, ca 'uo' na eec. Ca' so Pablo 'naaco' queso qomyipi: —Ỹaatqajam taachiguio' dá'maq ỹa'xato' so Espíritu Santo queso 'auaxaic qareta'allipi, na' retaqaugui so qota'a letaxaỹaxaqui leenaxat Isaías. Co'na' 'naac:

Hechos 7:2

Ca so'maxare 'naaco': —Ỹaqaỹarolqa chaqai qamiri ita'alolqa, ñaq na'xaỹaxañiua'. Ñí'maq chalego lecaic qota'olec coqomi' na' nachaxana so 'auaxaic qareta'a Abraham co'na' neeta'ñi yi 'laua Mesopotamia, co'na' saqa' lachi, quepegue' yi 'laua Harán.

1 Pedro 1:11

So ne'Espíritu so Cristo shi'gue ỹa'xatem so letaxaỹaxaquiripi ñi qota'a dá'maq 'neeta ma'le da le'xoric so Cristo chaqai quiyim qaimaqachin ma' ime'uegue dajo. Chaqai saua'maxare ỹahosaco' quen quiyim ỹa'deene' nega'ỹo' cá'maq qom chaqai nega'ỹo' cá'maq na'xa'a huaugui só'maq ỹa'xateta'guit so Espíritu Santo neetaguilo saua'maxare.

2 Pedro 1:21

Ma' ná'maq letaxaỹaxanqajanqaipi ñi qota'a se ỹauana quiyim nodajlec quet ca ỹa'xat. Ta'ta'a quiyim saua'maxare ỹaatqajam nañaantetot ñi qota'a, chaqai quiyim ỹa'xate' ca la'qaatec ñi'maxare, ca' so Espíritu Santo retaxahi' nqai'ne' saua'maxare.

2 Pedro 2:21

Ca' paguec la'maxa quet quesaua'maxare quiyim se ỹa'deene' dá'maq no'uen ñicyaxac, mesqaida quiyim mashic ime ỹa'den, ca lotqai ỹaxanñi dá'maq ỹaatqajam qoỹaanem naqataxac chicqo'ot ñi qota'a.