Hechos 1:15 - La'qaatqa ñi qota'olec Qota'olec & Qota'olec Novita Na Qomyipi

¹⁵ Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

Hechos 1:15 Iomraidhean Croise

Mateo 13:31

Ca' so Jesús lotqai ỹa'uo' so liỹa laloqojnaxanaxaqui, 'naaco': —Da lo'ueenataxanaxac ñí'maq neeta'gue da piguim, da'maxare 'nejem ana la ana leenaxat mostaza quiyim ca ỹale ỹanlec cá'maq chi na'laua.

Lucas 22:32

qam aỹim ñqouagaxainteguelec qami', qaiyi sqo viñire'e ca rpi'ỹaxaqui'. Qam qami' ma' ỹovita quiyim rapillita ỹim, tauañi'o' na rqaỹachi'ipi, qaiyi qaidaata 'neetari' da lpi'ỹaxac.

Juan 14:12

Ỹaatqajam llic da shinac caqamiri, quiyim quecá'maq huelec aỹim, ca ishit ỹo'uet qai'neeta dá'maq so'uet, chaqai paguec lecaic ma'le ca ỹo'uet, ma' ỹim shicpegue' ñi qota'a.

Juan 21:23

Ca' queugui so nqaỹaripi da na'qaatec quiyim se ileu so napaxaguinaxaua. Qam so Jesús mesqai 'naaco' queso'maxare quiyim se ileu. Ta'ta'a quiyim 'naac: “No'm ỹim sahotaque quiyim da'maxare ñaq nca'leetauec, toco' ma' ỹovita quiyim liỹa yapil, qam ¡qami' mesqa 'irapegueu'a!”

Hechos 10:23

Ca' so Pedro la'qarañi nqai'ne' saua'maxare queso pe. Ca' queso liỹa nete'e, ca so Pedro liỹa' saua'maxare, ca 'vio' saua mashic ỹaconchiguit da na'qaatec, coỹaataxane', nera'ñi yi Jope.

Hechos 11:1

Ca' saua lelaatqa so Jesús chaqai só'maq mashic ỹacoñiguit da na'qaatec, só'maq neeta'ñi yi 'laua leenaxat Judea, 'uo' da la'xaỹaxac quiyim qohinac qai'neeta na mesqai judío le'ec huelec da la'qaatec ñi qota'olec.

Hechos 11:12

Ca' ñi Espíritu Santo yila' quiyim iỹaata'pe, qaica ca huapigui iuel. Chaqai qai'neeta quetegue aỹim nauajo seis qarqaỹa'. Ca qomá'ogue senoxonaxaugui ñi lauo' ñi ỹale.

Hechos 11:26

Ca 'óna ñaaxa nera'ñi, ỹalequesaugui so mashic ỹacoñiguit da na'qaatec, rapaxaguinataxanta'pe quena qom. Ca chicqochi'ño' yi Antioquía na' 'au qaỹa'ue da leenaxat ná'maq ỹacoñiguit da na'qaatec, qoỹanegue Cristo nalliripi.

Hechos 11:29

Ca' so mashic ỹacoñiguit da na'qaatec na'ñi yi Antioquía ỹa'uo' aso lotaanaxanqate queso nqaỹaripi neeta'ñi yi Judea, qam cá'maq chaqa taachi'ñi ishit ỹaan queca 'óna.

Hechos 12:17

Qam so Pedro ỹa'ue da letanec quiyim i'maqajlec, nanojshiguim ada laua, ca' ỹa'xat dá'maq 'neeto' na' qanaqatec quiñi qara'gaxala' cañi ncoñiitaxanaxaqui. Ca 'naaco': —'Xachiỹo' dajo queca Jacobo chaqai queca liỹa qarqaỹaripi. Ca quiyi, ca' eec, ỹoqa'a ca taigue.

Hechos 14:2

Qam ná'maq judioipi ná'maq sqai huelec so Jesús, ca quigui ná'maq sqai judioipi quiyim qana'yiiñiguilo, ỹahotaque quiyim na'axat na la'deenataxanaxac queso nqaỹaripi.

Hechos 15:1

Ca' quesauajo na'xata' 'vio' saua ỹale' chicqora'ñi yi Judea, ca taategue da Antioquía, ca rapaxaguinataxane' queso mashic icoñiguit da na'qaatec, quiyim quecá'maq ỹahotaque nca'leuec, ca' icoñiguit quiyim qaỹa'ue netanec na loshicmaxa, ỹocanchigui da lelaataxanaxac so Moisés.

Hechos 15:3

Ca ilate' saua'maxare só'maq mashic ỹacoñiguit da na'qaatec na'ñi yi Antioquía. Qam co'na' que', ca queeterelec yi 'laua leenaxat Fenicia chaqai Samaria, ỹa'xatesac dá'maq 'neeta quená'maq sqai judío mashic ỹaxanñi da 'auaxaic no'ueenataxac, ca' quelec ñi qota'olec. Ca' so nqaỹaripi ỹaatqajam 'xoico' da netoonaxac co'na' 'ue da la'xaỹaxac.

Hechos 16:2

Ca' so nqaỹaripi na'ñi yi Listra chaqai yi Iconio ỹaatqajam imaqachintac so'maxare.

Hechos 16:40

Ca co'na' chicqoterougui aca ncoñiitaxanaxaqui, ca que', querepegue' ca la'a' aca Lidia. Ca' quiyi, ca nauande'e' cá'ogue ca nqaỹaripi. Ca' cá'ogue ỹa'ñaxatesac. Ca co'na' ime, ca' que'.

Hechos 17:10

Ca co'na' mashic pe, so nqaỹaripi nquipitaxandec so Pablo chaqai so Silas quiyim inoxonaxaterec. Ca taategue da Berea. Ca co'na' ỹovite', ca querepegue' añi lapoxoqui na judioipi.

Hechos 17:14

Qam so nqaỹaripi chaqa'ma' ila' so Pablo quiyim quepegue' ca lqodoc aso huaaxai. Qaisauate' saua Silas chaqai so Timoteo no'ueendañi quiyi Berea.

Hechos 17:6

Qam co'na' se qaỹanatalo, ca qaiconlec so Jasón, qaỹahogolenta. Chaqai 'vio' saua liỹa' quená'maq mashic ỹacoñiguit da na'qaatec, ca qaỹoviraqtera'a so nashillipi reloqota'a yi na'a'. Ca' qaỹaualaxalgoto, qohinaco': —Najo ná'maq ỹalliripi, ná'maq ỹasauaxatetecta' na qomyipi queda chicqota'gue, chaqai nagui novite' quenajo.

Hechos 18:18

So Pablo ñaqai 'vii saua na'xata' hueeta'ñi yi Corinto. Ime, ca' ỹa'ue la'xaỹaxac so nqaỹaripi, ca' eec, taigue da 'laua Siria, nauequetecto aso Priscila chaqai so loua Aquila. Qam co'na' ỹovireraxaso'ma yi ñigaxasom leenaxat Cencrea, qam co'na' saqa' renojshiguim caca lahi' huaxaỹaqse, ca que'guena'gue nepetec, ỹoselaxatejlec na lqahic, ma' chi letanec quedá'maq shi'gue la'qaatec. Ime, ca' renojshiguim.

Hechos 18:27

Ca co'na' so Apolos ỹahotaque taigue yi 'laua Acaya, ca' so nqaỹaripi sá'ogue ỹa'maxarenta. Ca qaỹa'uo' aso lere tai'a so mashic ỹacoñiguit da na'qaatec na'ñi yi Acaya, qaiyi ỹaatqajam qaidaañi'chiguit so'maxare. Ca co'na' ỹovita yi Acaya, ca' so'maxare ỹaatqajam ỹotauan ná'maq mashic icoñiguit da na'qaatec, ná'maq queda chi lqouagaxa ñi qota'a quiyim huelec ñi'maxare.

Hechos 21:17

Ca na' soviraxaho quiyi Jerusalén, yi qarqaỹaripi netoonta'peguelo qomi'.

Hechos 21:20

Co'na' qara'xaỹa dajo, ca sá'ogue imaqachin ñi qota'olec. Ca qohinapega so Pablo: —Hua', qami' qarqaỹa, ỹaatqajam 'yiiñite' quiyim 'xoic na judioipi mashic ỹacoñiguit da na'qaatec, ca ná'ogue na'maxare 'xoic lepagaxallic quiyim ỹouen qoyiquichi'ñigui na naqataxaquipi chicqo'tot nqohin na'le so Moisés.

Hechos 21:7

Somataq qolqatañigui aso huaaxai na' sachigoxosqochi'ñi yi Tiro, na' sovitaxa Tolemaida. Ca' quiyi, ca ñiquinqata'pegue' so qarqaỹaripi, ca senqa'anyi queso 'óna na'xa'a.

Hechos 22:5

So lashi na netaxaỹaxanqajanqaipi chaqai ná'ogue na na'gaxalateripi ỹa'deenta quiyim chaqaiso so sachigoxotaugui aso lere nañaañim tai'a yi qarqaỹaripi judío laseripi neeta'ñi yi na'a' leenaxat Damasco. Ca' ỹim shicpegue' yijo, sedaantaque na mashic icoñiguit da na'qaatec, ca ñauegueu'a na Jerusalén. Ca' quiyi, ca' qaỹouaxan.

Hechos 28:14

Ca seuanqajlec so qarqaỹaripi quená'maq huelec da na'qaatec, ca qarollaañi senqa'anyi quesaua siete na'xata'. Ca na' ime, ca sachigoxosqochi'inyi, ca saxague da na'a' lodegaxat Roma.

1 Corintios 15:6

Ime, ca lotqai nachaxana so paguelec quinientos nqaỹaripi. Queso qomyipi 'xoic nagui na ñaq nca'leetauec, qam mashic 'vii saua ileue'.

Apocalipsis 11:13

Ca na'le 'ue so ỹaatqajam quesaxanaxaic le'loxolaxa na 'laua, ca' quecaua diez 'imqa, 'óna ca 'guiñi quiyi 'imqaipi quiyá'ogue yi na'a'. Ca siete mil só'maq qom ileuo' na'le na' i'loxol na 'laua. Ca ná'maq no'ueenañi qom paguelec da lqolonaxa, ca imaqachintac ñi qota'a neetashiguim queda piguim.

Apocalipsis 3:4

Qam 'ue na qomyipi quená'maq neeta'ñi na Sardis se napio'xote' naua loho. Ca na'maxare ñauequeta'pegue' ma'le, ỹansañi caua noho lalagaxaqa, ma' chi no'ueenataxac nqohin.