Hechos 1:14 - La'qaatqa ñi qota'olec Qota'olec & Qota'olec Novita Na Qomyipi

¹⁴ Sá'ogue lapoỹato'o' quen, ca' nqouagaxain, ỹalequesaho saua lqaỹa' so Jesús, chaqai aso late'e María, chaqai so liỹa 'aallipi.

Hechos 1:14 Iomraidhean Croise

Mateo 12:46

Co'na' so Jesús ñaq retaqatapougui so qomyipi co'na' novirero aso late'e chaqai saua lqaỹa'. Pa'aasauec, ỹahosaque retaxaira'pegue' so'maxare.

Mateo 21:22

Chaqai cá'ogue cá'maq shiilaxañiỹaque quiyim nqouagaxaiñii, no'm viilec, ca' coñiguit.

Mateo 27:55

Ca 'xoico' so 'aallipi hueete'eyi ra'iitaho qoỹoqote'oga, quesauá'maq queesa'pegue'o' na'le so Jesús quiyi Galilea, chaqai ỹotauansaco' quen.

Marcos 15:40

Qai'neeta 'vio' saua 'aalo qoỹorete'ogalo ra'iisau'a so'maxare. Quesaua'maxare ỹalequetauguilo' aso María Magdala lase, chaqai aso Salomé, chaqai aso liỹa María, late'e' so Jacobo só'maq paguec na'aasa chaqai so José.

Marcos 16:1

Ca co'na' ime'uegue so na'xa'a co'mataxaqui, ca' aso María, lase yi Magdala, chaqai aso liỹa María, late'e so Jacobo, chaqai aso Salomé, saua'maxare rishiujnaxandaque so coraxat lo'daxaraic lahita, ca' querepegue' ỹahosaque ỹocorrelec so Jesús.

Lucas 11:13

No'm qamiri nogoraqa, qam 'yiiñii quiyim 'ỹaañim ca lo'yaxanec ca qachaalaxahipi, ¡huose'quet ñi qata'ahi neeto'ot na piguim ỹaanem ca Espíritu Santo quecá'maq rashiilaxanaque!

Lucas 18:1

So Jesús ỹa'uo' ca raloqojnaxana co'na' ỹahotaque quiyim rapaxaguinataxanegue quiyim se neme ca qouagaxainaxac ỹaatqajam se qoỹaxanñi.

Lucas 23:49

Ca sá'ogue so lauanatqaipi so Jesús, chaqai qai'neeta so 'aallipi quesó'maq queco' so'maxare co'na' chicqochi'ñi yi Galilea, qoỹoqote'oga yi hueete'e, ỹa'ajantac dá'ogue dajo.

Lucas 23:55

Ca' so 'aallipi só'maq liỹaataco' so Jesús co'na' chicqochi'ñi yi Galilea qai'neeta eec ra'ajnaxane'oga so lahi'. Ca ỹauanchigui aca qaillaugui so Jesús.

Lucas 24:10

Ca' saua ỹodooro da la'xaỹaxague' saua nelaatqa, chaqaisaua saua María lase yi Magdala, Juana, María late'e so Jacobo, chaqai so liỹa 'aallipi.

Lucas 24:33

Ca' quiyi, ca qaica ca nauaandaque, chaqa'ma' quetegue so nayic, pile' queda Jerusalén. Ca co'na' ỹovite', ca iuanterelec lapoota'ta' so once lelaatqaipi, chaqai sá'ogue so liỹaripi.

Lucas 24:53

Ca' chaqai 'neesari' sqai ỹaxandac hueesau'a aso no'ueenaxanaxaqui late'ogue', ỹo'ueensac ñi qota'olec. Ajá'a, ca' chaqaida 'neeta dajo.

Lucas 8:20

Ca 'uo' so ra'qaataxanem so Jesús, 'naaco': —Ada qachii'i' chaqai daua rqaỹachi' pa'aasauec, ỹahosaque quiyim nauanchiguita.

Hechos 2:1

Co'na' noviro so na'xa'a leenaxat Pentecostés, ca sá'ogue só'maq huelec so Jesús lapoỹata' cá'ogue ca neeta'ñi.

Hechos 2:42

Ca sá'ogue so qomyipi ỹaatqajam quejlec chaqai ỹa'maxate'tegue da lapaxaguinataxanaxague' saua lelaatqa so Jesús, chaqai ỹaatqajam na'deene'ejta', chaqai quena' nqouagaxain chaqai quena' que'e, ca lotqai lapoỹata'.

Hechos 2:46

Chaqai naua'que naua na'xata' lapootecta' cañi no'ueenaxanaxaqui quiyi Jerusalén, chaqai quenaua la'aate' nouanta'ta' quena' que'e 'xoic laỹaac chaqai ỹaatqajam hueetagui añi le'taxanata da neneequesenaxac.

Hechos 6:4

Ca' qomi' qolqatalec da qanqouagaxainaxac chaqai sapaxaguinataxanaxague da la'qaatec ñi qota'a.

Romanos 12:12

Netooñita'gue dá'maq quiyim 'ue da naquitaxaguii. Chaqai ỹaatqajam neualaxaviñi'e' quiyim 'ue ca ne'guenaxaguii. Chaqai sqai 'xañiñi da nqouagaxainaxaguii.

1 Corintios 14:13

Ca vichiguiño' ca qom no'm hueeto'ot quiyim ishit ỹa'xate' naua na'qaatqa se qaiuanapegalo, ca 'maxaraic quiyim ỹashiila ñi qota'a quiyim qaỹa'deenaxanaxanegue quiyim ichoxot ca leloxoỹaxague' naua na'qaatqa.

Efesios 6:18

Qam nqouagaxaiñii quiyim 'viichii dá'ogue dajo. Se neme ne'xorishiñitacot ñi qota'a, qam quiichigui nqai'ñii da rashiilaxanaxaguii so Espíritu. Ỹaatqajam nelohitec, qaiyi shichii 'viichii dajo. Se reuallitegueñi, chaqai nqouagaxaiñitalec ná'ogue ná'maq lalamaxaret ñi qota'a.

Colosenses 4:2

Quiitalec sqai 'xañiñi da nqouagaxainaxaguii. Nelohitauec, chaqai 'ỹaañitacot da na'aachicyaxaguii ñi qota'a.