Hechos 1:13 - La'qaatqa ñi qota'olec Qota'olec & Qota'olec Novita Na Qomyipi

¹³ Ca co'na' ỹovirera'a yi na'a' lodegaxat, ca tarishi'ma ca pa'aashiguim 'imec cá'maq chaqai'eno' quen neesaugui. Ca quesaua'maxare ỹalequesaho' saua Pedro, Jacobo, Juan, Andrés, Felipe, Tomás, Bartolomé, Mateo, chaqai so Jacobo, Alfeo llaalec, chaqai so Simón só'maq ỹalequetaugui na cananistaipi, chaqai so Judas, Jacobo lqaỹa.

Hechos 1:13 Iomraidhean Croise

Mateo 9:9

Ca so Jesús co'na' eec, ca iuane'ta so ỹale leenaxat Mateo nqa'xantañi, neetaugui so lo'ueenataxanaxaqui quiyim icona'piguit ana nishiuete so nashi quiyi Roma. Ca 'naaco': —Quitegue aỹim. Ca' so Mateo ne'laxashiguim, ca' quegue so Jesús.

Marcos 14:15

Ca ma'le, ca ichoxotema qamiri ñi 'imec lodegaxat, pa'aashiguim, shi'gue ỹa'maqatañi. Ca' quiyi, ca 'maxachiñi ca qarqui'ỹaaqa'.

Marcos 14:33

Ca' ỹauec so Pedro, Jacobo chaqai so Juan, ca 'ec 'xoic na lqolonaxa chaqai rachitata.

Marcos 2:14

Ca co'na' eec, ca iuane'ta so Leví só'maq llaalec so Alfeo. Nqa'xantañi quiyi nishiuetenaxanqa' quena qomyipi quena' qaishiueten so nashi quiyi Roma. Ca 'naapego': —Quitegue aỹim. Ca' so Leví ne'laxashiguim, ca' quegue.

Marcos 5:37

Ca so'maxare qaica ca liỹa naueca'pegue', qaisauate' saua Pedro, chaqai Jacobo, chaqai so lqaỹa Juan.

Marcos 9:2

Ca co'na' mashic ỹore'ueguelo saua seis na'xata', ca' so Jesús qaisauate' ỹauegue' saua Pedro, Jacobo, chaqai so Juan, ca taashi'megue aso quemaralec ladocai. Ca' quiyi hua'ño' na' qaỹadalaxat da no'ueenataxac so'maxare, ỹauanchiguilo' nqohine' na'le saua'maxare.

Lucas 22:12

Ca' ca'maxare ỹachaxanalo qamiri ma'le yi nqui'ỹaaqa' ỹaatqajam lodegaxat, pa'aashiguim queda lelaq ñi 'imec, shi'gue qaỹa'maxatetañi; ca' 'maxachiñi ma'le ca qonoq.

Juan 11:16

Ca' so Tomás, só'maq qaỹamata'gue huaaya', 'naapegalo saua liỹa' napaxaguinatqa: —Qomi' liỹa qolaq, qaiyi qolqata'ñi' da'maxare ma' ileu.

Juan 14:22

Ca' so Judas (qam mesqai so Iscariote) 'naaco': —Qami' qara'gaxala', ¿chi'neco' ma' qoqometa qomi' nachaxañitalo, qam se nachaxañita ná'ogue na qom hueetalec na 'laua?

Juan 18:17

Ca' so neloxoỹaxa quiñi lasom inato' so Pedro: —¿Mesqai qami'o' qai'neeta lapaxaguinatec sojo ỹale? Ca' so Pedro 'naaco': —'E', mesqaỹim.

Juan 21:2

Saua'maxare lapoota'ta' saua Simón Pedro, Tomás só'maq qaỹamata'gue huaayo'lec, Natanael só'maq na'ño' yi Caná huaugui yi Galilea, chaqai saua llaalqa so Zebedeo, chaqai saua liỹa' dos lapaxaguinatqa so Jesús.

Hechos 12:17

Qam so Pedro ỹa'ue da letanec quiyim i'maqajlec, nanojshiguim ada laua, ca' ỹa'xat dá'maq 'neeto' na' qanaqatec quiñi qara'gaxala' cañi ncoñiitaxanaxaqui. Ca 'naaco': —'Xachiỹo' dajo queca Jacobo chaqai queca liỹa qarqaỹaripi. Ca quiyi, ca' eec, ỹoqa'a ca taigue.

Hechos 15:13

Ca co'na' ime da la'qaataxanaxague', ca' so Jacobo 'naaco': —Qamiri ỹaqaỹa', ñaq na'xaỹaxañiua':

Hechos 2:14

Ca' so Pedro nachajñi, chaqai saua liỹa' once lelaatqa so Jesús. Ca' retaqa so Pedro, nelamaxaren, 'naaco': —Qamiri ỹalliripi ñiỹa'ñi na Judea, chaqai ná'ogue na na'ñi na Jerusalén, sahotaque 'yiiñita dajo, chaqai na'xaỹaxañii'ta dá'maq sham sa'xat.

Hechos 2:38

Ca' so Pedro saat, ca 'naaco': —Qamiá'ogue 'xañiñi naua se no'ueene' no'ueenataxagohi, chaqai qanachilaxane' qamiri, qaỹouen da leenaxat so qara'gaxala' Jesucristo, qaiyi ñi qota'olec ỹapalaxate' naua rasauaxashichiri, ca' ỹaañiỹaxarom ca Espíritu Santo.

Hechos 20:8

Qam cá'maq senqataugui 'imec qoỹoqoshi'ma, 'xoic ana ncoỹeraxanaxaqui ỹaviquetaugui.

Hechos 4:13

Co'na' so nashillipi ỹa'den quiyim se no'chiiralec da letaxaỹaxague' so Pedro chaqai so Juan, chaqai retane' quiyim saua ỹale' sqai napaxaguinaxaqa chaqai saua'maxare chaqai qomi', ca 'ue da le'laqa'. Ca' qaỹa'deene' quiyim ỹalequesaugui na nauegaxauaripi so Jesús.

Hechos 4:19

Qam so Pedro chaqai so Juan 'neraco': —Ñaqai 'deenataxañiỹac qamiri tegue' chaqai 'maxaraic quiñi qota'olec quiyim ña'xaỹaxanaxalo qamiri, ca' ñi'maxare, ca' se ña'xaỹaxanaxa.

1 Corintios 15:7

Ime, ca' lotqai nachaxana so Jacobo, ime, ca lotqai nachaxana sá'ogue so lelaatqaipi.

Gálatas 1:19

Qam qaica ca liỹa seuana queso liỹa lelaatqaipi so qara'gaxala', qaisoota so Jacobo só'maq lqaỹa so Jesús.

Gálatas 2:9

Vichiguiño' saua Jacobo, Pedro, chaqai so Juan, sauá'maq paguec na'gaxalate', ỹa'deenda'a quiyim chaqaiñi ñi qota'a nañaañim dajo no'ueenataxanaxac. Ca necona'guita na'le qomi', ỹim chaqai so Bernabé. Ca' dajo qaneconaxac netanec quiyim chaqai qomi' niỹa', chaqai qaỹa'maxarenta quiyim qomi' so'ueenataxanaxaugui na mesqai judioipi, ca' saua'maxare, ca ro'ueenataxandougui na judioipi.

Santiago 1:1

Aỹim Santiago, aỹim la'ac ñi qota'a chaqai so qara'gaxala' Jesucristo, selata da iquinaxanaxac na qomyipi quená'maq chicqaugui so doce llaalqaipi so Israel quená'maq neuagaxajlec ná'ogue na 'laua.

2 Juan 1:1

Ỹim, mashic aỹim ñauapec na'gaxala', shiriñi anajo ilaata, tai'a nqaishin aca qarqaỹa lca'acse ñi qota'a, chaqai na llaalqaipi ná'maq ỹaatqajam llic se'xoren. Chaqai mesqaỹimeta se'xoren, ma' qai'neeta ná'ogue ná'maq ỹa'den da na'qaatec lliqueta.

Judas 1:1

Ỹim Judas, ỹim la'ac so Jesucristo, chaqai ỹaqaỹa so Jacobo. Shiriñi anajo ilaata quená'maq loỹaxanqateripi chaqai ỹoỹoote'oga ñi qota'olec quiyim ỹauaaque lalamaxareteripi, ná'maq qaicochiitapega ma' na'deetau'a so Jesucristo.