Hechos 1:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca ñaq ra'iisashiguim saua'maxare co'na' nqo'neetashiguim so Jesús, co'na' chaqai huaqatero saua dos ỹale', imerañi lalagaxaqa naua loho, huaqatero quesaua'maxare.

Hechos 1:10 Iomraidhean Croise

2 Reyes 2:10

Ca' so Elías 'naaco': —Ỹaatqajam sqai cocho'qui' da shiilaxañisaque. Qam no'm huañitetegue aỹim ma' qaỹoỹoote'oga aỹim caqami', ca' qoỹaañiraxorom. Qam no'm sqai huañitegue aỹim, ca' se qoỹaañiraxorom.

Daniel 7:9

Ca' ñaqai queeta sa'ajantac, ca vire'ta qoỹande'oguiyi saua nashi nqa'xanaxaqui, ca' 'ue so qo'xoicoqui' nqa'xanñi. Saua loho lalagaxaqa 'ec ana loñi nacañi, na lqahic laue 'ec na qagreta laue co'teeta. So nqa'xanaxaqui chaqai saua laviol ỹaatqajam norec lauaq,

Mateo 17:2

Ca na' reloqosaho saua'maxare nadalaxat da no'ueenataxac. Ca' 'ec ra'aasa na lauaq na lashic, chaqai saua loho ỹaatqajam ỹalacte' 'ec na lauaq.

Mateo 28:3

Ca so'maxare ỹaatqajam ỹaviquetaugui, 'ec na nqai'legaxa, chaqai saua loho ỹaatqajam lalagaxaqa, 'nejme' ana loñi.

Marcos 16:5

Ca' inoxondougui aso napal lahi', ca' iuanteta so ne'nec nqa'xantañi pa'aata'gue da loic, ladocaqa saua loho lalagaxaqa, ca no'daxateterec.

Lucas 24:4

Ca' ỹaatqajam 'uo' da lqolonqa' saua'maxare, chaqai se ỹa'deene' ca 'neete', ca idaanda'alo saua dos ỹale' nachaatesañi, huaqata'to saua'maxare, qashilgue' saua loho.

Juan 20:12

Ca iuane'talo' saua dos nelaatqa piguim lase', lalagaxaqa naua loho, nqa'xansa'ñi yí'maq qailla'ño' na'le so Jesús. 'Óna so nqa'xanta'ñi yi na'xanqa', chaqai so liỹa neeta'ñi yi nichinqa'.

Hechos 10:3

'Uo' so na'xa'a mashic rashiiñi aso ra'aasa, ca 'uo' so leuanaxanaxac, iuano' so chicqashiguim qota'a lelaatec inoxonou'a quiyi neeta'ñi. Ca 'naaco': —¡Cornelio!

Hechos 10:30

Ca' so Cornelio 'naaco': —Mashic cuatro na'xata' nagui, 'nejem nagui chaqaiyi yi ñiichi'ñi añi ra'aasa quiyim aỹim senta'ñi na ỹa'a', ñqopaaqachitetac, so'ueetetac yi qouagaxainaxac quiyi vit. Ca' queca na'le, ca seuana so ỹale ỹaatqajam qashilgue' saua loho.

Apocalipsis 3:4

Qam 'ue na qomyipi quená'maq neeta'ñi na Sardis se napio'xote' naua loho. Ca na'maxare ñauequeta'pegue' ma'le, ỹansañi caua noho lalagaxaqa, ma' chi no'ueenataxac nqohin.

Apocalipsis 7:14

Ca' ỹim shinac na'le: —Taque', qami' ỹa'gaxala', maq 'yiiñi'. Ca' so'maxare 'naapiguiỹa': —Nauajo nauá'maq ca'laxaterauec só'maq chalego lecaic ne'xoric. Ca naua'maxare quiỹo' naua loho chaqai lalagaxaqa nqai'ne', ỹahota'ahi saua leuo' ñi qagreta llaalec.