Hebreos 9:4 - La'qaatqa ñi qota'olec Qota'olec & Qota'olec Novita Na Qomyipi

⁴ Hueetaugui aso ncopatoxonaxalate 'oro, aso'maxare ncopatoxolate na nichiinaxanaxat. Chaqai aso lahi' so naqataxaquipi, aso'maxare sá'ogue qaỹa'meenlec quena 'oro, so'maxare hueetañigui aso nehoma 'oro hueetagui so pan leenaxat nega'ỹo' ná'maq najo. Qai'neeta hueeta'anyi aso lashilete so Aarón só'maq liỹa no'ualauco' na'le, chaqai saua qari naneretalgoto saua na'qaatqa queso 'maqataxac.

Hebreos 9:4 Iomraidhean Croise

1 Reyes 8:21

Chaqai qai'neeta so'uet cañi'maxare yi loma' añi lahite' naua naqataxaco ỹaanema na'le so 'auaxaic qareta'allipi na' naqata'a quiyi Egipto.

1 Reyes 8:9

Ca' aso lahite' saua naqataxaco qaica ca liỹa hueragui, qaisauate' saua dos qari illa'ñiguilo na'le so Moisés quiyi Horeb, saua qari hueesalec da na'maqataxac na' na'maxate'e' ñi qota'olec so llaalqaipi so Israel na' ca'e yi Egipto.

Éxodo 32:15

Ca co'na'le, ca' so Moisés rapilñi caso hueetalec quemaralec qa' ladocai, ne'xatete' saua dos qari naneretalgoto da nelaataxanaxaquipi. Saua'maxare qoỹeretalgoto naua'que naua lahil.

Éxodo 34:29

Ca co'na' ime, ca renotec so Moisés caso qa' ladocai leenaxat Sinaí, i'xatete' saua dos qari hueesalec da nelaataxanaxaquipi. Qam co'na' noviriñi caso qa', ca' se retan quiyim 'ue na lauaq na lashic sauaxat retaqata'pegue' ñi qara'gaxala'.

Éxodo 40:3

Ca' ñiraugui ma'le añi lahi' naua nelaataxanaxaco, ca' vite ma'le ca viqui' lapooque'.

Levítico 16:12

Ime, ca' icona ma'le aca lahi' na nichiinaxanaxat, ca no'xataxachigui cana poqo ỹachigoxotalec aso ncopatoxonaxalate só'maq neeta'ñi yi leseeque'ta yi ñqa'xanqa', chaqai dos napoquena ỹaconougui so nichiinaxanaxat lo'daxaraic na lahita, ca' pa'xanauo queso napoxonaxat.

Apocalipsis 11:19

Ca na'le, ca qaỹauatougui ñi lo'ueenaxanaxaqui ñi qota'a neeta'gue da piguim. Ca' ỹaatqajam re'qoota aso lahite' saua diez laqataxaco ñi qota'a. Ca' 'ue so nqai'legaxa, nalataxa, soxonaxallipi, so le'loxolaxa na 'laua, chaqai aso late'ogue' qalachi.

Apocalipsis 8:3

Ca na' ime, ca lotqai novi' so liỹa nelaatec piguim le'ec no'qoota'a so nichiinaxanaxat lahi' 'oro. Ca' nachaato caso ncopatoxonaxalate. Ca 'xoic so qoỹaanem nichiinaxanaxat, ma' qaỹahotaque ỹaano liỹaataho nqai'en na nqouagaxainaxaquipi ná'maq lalamaxareteripi ñi qota'a, qaillaalec aso ncopatoxonaxalate 'oro queda reloqota'gue so nashi nqa'xanqa'.