Hebreos 9:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca só'maq 'auaxaic 'maqataxac 'vii naua no'ueenataxaco quena' qaimaqachin ñi qota'a, qam huaugui aca no'ueenaxanaxaqui neetalec na 'laua.

Hebreos 9:1 Iomraidhean Croise

Éxodo 25:8

Chaqai 'viichii ca na'daañi 'imec lodegaxat, qaiyi sentañiguilo qamiri ma'le.

Lucas 1:6

Saua'maxare ỹaatqajam no'viiñi qomi', ỹa'maxarente' ñi qota'olec. Chaqai ỹaatqajam na'xaỹaxanteta dá'ogue da lelaataxanaxaquipi ñi qara'gaxala'. Ca vichiguiño' se qaishit 'ue ca qaipataxalec lasauaxasete' saua'maxare.

Romanos 9:4

Ma' na'maxare chaqai llaalqaipi so Israel, chaqai ñi qota'a icoñiguit 'neeta'gue meca llaalqaipi. Ñi'maxare ỹaatqajam ỹalequetaugui na'le na'maxare chalego loyac so lauaq, chaqai ỹaanema naua na'maqataxaco, na naqataxaquipi chicqo'ot so Moisés, chaqai da leloxoỹaxac quiyim qaimaqachin ñi'maxare, chaqai naua ỹachaxanta'pe quiyim ỹaanema.

Colosenses 2:8

Rovichiỹari'o', 'neeto' lotqai quii'uegue ná'maq ỹahotaque rayiñii, ỹahote'e ná'maq na'deenaxanaxa huelec najo chaqai na sqai llic na'deenataxanaxac. Ma' na'maxare sqai chicqochigui so Cristo; ta'ta'a ná'maq chi no'ueenataxac na qomyipi, chaqai quedá'maq la'deenataxanaxac chaqainaata ỹa'deentapega ná'maq nanchaqaina re'qoochigui.

Hebreos 8:13

Co'na' ỹa'xat ñi qota'a so dalaxaic 'maqataxac, ca ñi'maxare 'ec qo'oq nqai'en só'maq 'auaxaic; chaqai ná'maq mashic qo'oq chaqai mashic ite', ca na'maxare qaỹaloq imeuo.

Hebreos 8:2

Ca' chaqaiso só'maq qaretaxaỹaxanqajnec quiyim retaxaỹa'pegue' ñi qota'a quecá'maq ỹaatqajam lauo' ñi qota'a queda piguim, cá'maq 'imec chi lo'ueenatec ñi qara'gaxala', mese lo'ueenatec ca chaqai qom.

Hebreos 8:7

Ma' quetqai só'maq 'auaxaic 'maqataxac ỹa'maqachiguiñi quiyim ỹapalaxat na lasauaxaset na qomyipi, ca' se ipacaque quet quiyim qaỹadalaxat ca liỹa 'maqataxac.

Hebreos 9:24

Ma' so Cristo se inoxonougui aca no'ueenaxanaxaqui lo'ueenata ca chaqai qom, ma' so'maxare chi lqui'i acá'maq ỹaatqajam no'ueenaxanaxaqui. Ta'ta'a quiyim ỹaatqajam inoxonot na piguim, ca' nagui, ca inoxona'a ñi qota'a quiyim retaqalgoto qomi'.