Hebreos 8:9 - La'qaatqa ñi qota'olec Qota'olec & Qota'olec Novita Na Qomyipi

⁹ Qam totqai 'nejem so ña'maqataxac quesó'maq 'auaxaic leta'allipi na'maxare, quesó'maq na'xa'a na' secona da lqai'laxat quiyim ñaqata'a quiyi 'laua Egipto; ma' se ỹomachirigui so ña'maqataxac, vichiguiño' salat na'le so qomyipi, 'naac ñi qara'gaxala'.

Hebreos 8:9 Iomraidhean Croise

Génesis 19:16

Qam ma' so Lot 'xoic da laỹaloxo, ca' saua nelaatqa piguim lase' iconalo naua laua', ma' ñi qara'gaxala' i'xoren so'maxare. Qai'neeta qaicona'a aso loua chaqai saua llaale, ca' naqata'alo quiyi na'a', qaiyi nca'lerec.

Isaías 40:11

Naqueta 'ec ca neloxoỹaq quiyim reloqota'a aca lalo qagreta; nanojshiguim ca qagreta llaalec, ca qa'aalto'ot, hueetalec nqai'en ana lotogue, chaqai ỹaatqajam quelola aná'maq chita'gue co'ootac.

Isaías 41:13

Ma' ỹim, ỹim na'gaxala' qota'olec caqami', ỹim secona da rqai'laxachi'; ỹim shinac caqami': Totaxan ro'chi'i', ỹim sotauañi'. (41.14-29 Ñi qota'olec queetapegueu'a na nashiilqaipi nqolaquipi.)

Jeremías 31:32

Dajo qana'deenaxac totqai 'nejem so qana'deenaxac queso 'auaxaic qataa'illipi, na' secona'a da lqai'laxat, ca' ñaqata'a quiyi Egipto; ma' saua'maxare se ipacqajanyigui so ña'deenaxac, 'eno'm ỹaatqajam ỹalamaxaret. Ỹim na'gaxala', se'taxajñi da ỹa'qaatec.

Ezequiel 16:59

Ỹim na'gaxala' shinac caqami' Jerusalén: Sa'ue ma'le cá'maq vi'saque, ma' sqai pacqajñirigui cá'maq 'ỹaañirec ra'qaachiqui' chaqai da qana'deenaxac.

Ezequiel 16:8

Ca lotqai liỹa shique'tot qami', ca' sa'ajñi'; ca mashic nalootañi pa'ii'. Ca' sepeguenlec qami' so ipo', ca' sapolec na roshicmaxa'e' neetauec na'le, ca' qami' ñapiitaxaua, 'ue na'le da qana'deenaxac caqami' quiyim qami' ỹalamaxarete. Ỹim na'gaxala', se'taxajñi da ỹa'qaatec.

Amós 5:22

Se sa'maxaren ná'maq 'ỹaañiuo quiyim qaicopata'a quiyim yimaqachiñii, vire'ta ana 'ỹaañiuo nanecsec ala; se secoñiguit ná'maq huaqui llaalec 'uegaxasaq rachitaxanataxanaxachii quiyim pilliỹot aỹim.

Malaquías 2:13

Qam qamiri paguec lecaic dá'maq 'viichitac: ma' 'paxanaxachiijlec ada ncopatoxonaxalate quiñi qara'gaxala' quena rachiripi quena' noỹiñitac, ma' ñi qara'gaxala' tot netooñi'chiguit quena' 'ue ca rachitaxanataxanaxachii.

Marcos 8:23

Ca so'maxare icona ada laua so qai'laq, ca ỹauegue'oguiyi quiyi na'a'. Ca ỹa'miiñi'nguilo naua nqote' cana la'le, ca ỹashil-lec so'maxare. Ca inatetac quiyim 'ue ca ne'pelaxana'gue.

Hechos 13:11

Ca' nagui rouaxañi' ñi qara'gaxala'; ca 'vio' caua na'xata' qami' qai'laq, sqai huañita ca lauaq añi ra'aasa. Ca chaqa'ma' se neuanñi, hueetaugui so napalaxa, ca ipootete'era quiyim ỹahotaque 'ue ca icoñiguit ada laua.

Hechos 7:36

Ca' chaqaiso so Moisés so naqatec so 'auaxaic qareta'allipi na' neeta'ñi yi Egipto, chaqai chaqaiso so ỹo'uet ná'maq se qaiuanapega chaqai na netanqaipi co'na' neeta'ñi yi Egipto, chaqai co'na' ỹovita aso huaaxai, leenaxat Huaaxai Toc, chaqai co'na' ỹovita yi 'laua qaica qom chaqai quesaua'que saua cuarenta ñaxari.

Hechos 9:8

Ca' quiyi, ca ne'laxashiguim so Saulo. Qam co'na' ỹauachiguilo naua nqote', ca se neuanñi. Vichiguiño' qaicona ada laua, ca qaỹauegueu'a yi Damasco.

Gálatas 4:24

Ca' dajo, chi qaraloqojnaxañigui. Saua dos 'aalo ñiguilo nqohine' saua dos 'maqataxaco. 'Óna so quesaua 'deenaxaco ñigui nqohin aso quemaralec ladocai leenaxat Sinaí, ca' chaqaso só'maq ñigui nqohin aso Agar. Ca ná'maq hueetaugui sojo 'maqataxac ne'qaañi, qam tai'a quiyim na'ac.