Hebreos 8:2 - La'qaatqa ñi qota'olec Qota'olec & Qota'olec Novita Na Qomyipi

² Ca' chaqaiso só'maq qaretaxaỹaxanqajnec quiyim retaxaỹa'pegue' ñi qota'a quecá'maq ỹaatqajam lauo' ñi qota'a queda piguim, cá'maq 'imec chi lo'ueenatec ñi qara'gaxala', mese lo'ueenatec ca chaqai qom.

Hebreos 8:2 Iomraidhean Croise

Éxodo 25:9

Qam cajo 'imec na'daañi cá'maq sentaugui ma'le, chaqai ca laseripi, ỹaatqajam denaxachichirigui da no'ueenataxac cá'maq sachaxanem qami' ma'le.

Lucas 24:44

Ca co'na' ime, ca 'naapegalo' saua'maxare, 'naaco': —Dá'maq sovirau'a chaqaida dá'maq shi'gue shinac na' llaq ñauequetecto qamiri: quiyim ipaquichigui nqohin ná'ogue ná'maq qoỹeretañi caỹim quena nelaataxanaxaquipi queso Moisés, chaqai ana lerecse so la'qaataxanqajanqaipi ñi qota'a, chaqai so nerecseripi leenaxat No'ueenqaipi.

Romanos 15:8

Ma' quedá'maq shinac, quiyim so Cristo nanac ma' ỹahotaque quelola na judioipi, ma' ỹahotaque ipacqajanchigui ỹo'uet dá'maq qaỹachaxantapeguem na'le so 'auaxaic qareta'allipi, qaiyi ichoxot quiyim ñi qota'olec ipacqajanchiguilo nauá'maq ỹachaxanta'pe.

2 Corintios 5:1

Ma' qomi' sa'deenaq quiyim ma' imeho na qaroshicmaxa ma' 'nejem ca 'imec quiyim sqaỹaloq 'guiñi, qam ñi qota'a shi'gue ỹa'maxatetañi ca qara'a' sqaica lqodoc quena piguim, qam mese lo'ueenatec ca chaqai qom.

Colosenses 2:11

Chaqai quiyim na'yiitau'a so Cristo, ca' qaỹa'ue na netanegue' qamiri; qam mesqai ná'maq re'qoochigui quena noshicmaxa, ta'ta'a quiyim na' qanca'laxaterec qamiri quena nasauaxaset queda lamaanaxanqachic na roshicmaxahi. Ca dajo dá'maq netanaxac na qom chicqo'ot so Cristo.

Hebreos 10:11

Ca' ná'ogue na letaxaỹaxanqajnec na judioipi quena' retaxaỹa'pegue' ñi qota'a, na'maxare queetalec da lo'ueenataxanaxac quenaua'que naua na'xata' chaqai queetalec quiyim piltalec ỹaantapego ana nachitaxanataxanqate, 'eno'm najo nachitaxanataxanqateripi se ishit naqat na nasauaxaseteripi.

Hebreos 10:21

Ca' chaqaiso so Jesús só'maq chalego lecaic qaretaxaỹaxanqajnec reloqota'a ca la'a' ñi qota'olec.

Hebreos 11:10

Ma' so Abraham nauaantaque ca na'a' qaica ishit ỹopoxoỹaxachigui, chaqai chaqaiñi ñí'maq qota'a ñí'maq no'viishiguim da no'ueenataxac, chaqai chaqaiñi ñí'maq no'xonshiguim.

Hebreos 9:1

Ca só'maq 'auaxaic 'maqataxac 'vii naua no'ueenataxaco quena' qaimaqachin ñi qota'a, qam huaugui aca no'ueenaxanaxaqui neetalec na 'laua.

Apocalipsis 21:3

Ca' sa'xaỹaque so na'qaatec ỹaatqajam lam, 'maqot na piguim, 'naac: —Ñaqa 'ajñi', nagui ñi qota'olec ỹalequetaugui na qomyipi, ỹaatqajam lauoraripi. Na'maxare ỹaatqajam lauo' laseripi, chaqai chaqaiñi ñi qota'olec ỹalequetaugui yi'maxare, ca' lalamaxaret ñi qota'olec yi'maxare.