Hebreos 7:9 - La'qaatqa ñi qota'olec Qota'olec & Qota'olec Novita Na Qomyipi

⁹ Chaqai nagui ishit qohinac quiyim so Leví, chaqai ná'ogue ná'maq netaxaỹaxanqajanqaipi llaalqaipi so'maxare, quená'maq nagui 'ue aca no'lau'a quena qomyipi, ishiueteno' na'le aso no'lau'a so Melquisedec, na' qaishiueten queso Abraham.

Hebreos 7:9 Iomraidhean Croise

Génesis 14:20

chaqai ỹaatqajam qaimaqachin ñí'maq qaica 'nejem qota'olec, ñí'maq ỹo'uet quiyim qadoxonqui' so npa'guenaxaua'e'. Ca' so Abram ỹaanem so Melquisedec quesá'ogue so louootaxanaxat naqata'a añi 'oono'lli' quecaua diez.

Mateo 7:8

Ma' cá'maq rashiilaxan, ca' icoñiguit ca rashiilaxanaque; chaqai cá'maq idaanaque, ca ỹanata; chaqai cá'maq ỹotogoxouo ñi lasom, ca' qaỹauate'oga.

Romanos 5:12

Ca quiyim chicqochigui so 'oonoqui' ỹale quiyim 'ue da nasauaxaset quena 'laua, ca ỹo'uet lligo da nelauaxa, ca' da nelauaxa quigui ná'ogue na qomyipi, ma' ná'ogue 'uo' na lasauaxaset.

Deuteronomio 26:12

Ca ma' ỹovire'ogalo caua tres ñaxari quiyim ỹovita qoỹaano añi 'oono'lli' quecaua diez quecá'ogue cá'maq hueeto'ot na qomyipi, ca' quiyim mashic añi 'oono'lli' quecaua diez quená'ogue ná'maq la na qadañicshiqui', ca 'ỹaañitem na llaalqaipi so Leví, chaqai ná'maq ỹoqa'a ca chicqa'gue quená'maq neetauguilo qamiri, chaqai na na'pelyipi, chaqai ana pa'ỹellipi, qaiyi que'e ná'maq qomyipi ỹalequetauguilo qamiri quecá'ogue cá'maq nisha'a,

Hebreos 7:10

'Nesa ma' llic quiyim na'maxare 'ec nachaatetauo qai'neeta queso Abraham, ma' hueetagui na loshicmaxa na llaalqaipi so'maxare na' saqa' ne'qaañi, na' qaỹanaqta'guit queso Melquisedec.

Hebreos 7:4

Ca' nagui 'ajñii da lecaico' na'le so Melquisedec, ma' só'maq 'auaxaic qareta'a Abraham ỹaanem yi 'óna quecaua diez louootaxanqate' queso nashillipi queso lauataq.

Hebreos 7:8

Nagui quenauá'maq qomi' quená'maq naqata'a añi 'óna queca diez quena lalamaxaret na qomyipi, na'maxare chaqai qomyipi tai'a quiyim ileu. Qam quedá'maq 'neeta so Melquisedec, naua naneresañi na'qaatqa ỹa'xate' so'maxare quiyim 'ec ñaqaiso nca'leetauec.