Hebreos 7:8 - La'qaatqa ñi qota'olec Qota'olec & Qota'olec Novita Na Qomyipi

⁸ Nagui quenauá'maq qomi' quená'maq naqata'a añi 'óna queca diez quena lalamaxaret na qomyipi, na'maxare chaqai qomyipi tai'a quiyim ileu. Qam quedá'maq 'neeta so Melquisedec, naua naneresañi na'qaatqa ỹa'xate' so'maxare quiyim 'ec ñaqaiso nca'leetauec.

Hebreos 7:8 Iomraidhean Croise

Juan 14:19

Qam sqaỹalqotac, ca' na qomyipi tot iuañiua', qam qamiri huañiỹa ma'le aỹim. Ma' qamiri rca'lliiuec, ma' ỹim yca'leetauec.

Juan 14:6

Ca' so Jesús 'naaco': —Ỹim ná'maq ỹim nayic, chaqai aỹim lliqueta, chaqai qai'neeta ỹim nca'laxa. Ỹim qaỹimeta ñigo, ca ishit qaỹovira'a ñi qota'a.

Hebreos 3:16

Ca ¿nega'ỹo' só'maq se na'xaỹaxano' na'le na' 'xaỹaque da la'qaatec ñi qota'a? Sá'ogue só'maq naqateco' na'le so Moisés quiyi 'laua Egipto.

Hebreos 5:6

Qaican ỹapaguec quedá'maq liỹa 'naaco' na'le quenaua naneresañi la'qaatqa ñi qota'a, 'neracsa': Qami' sqaica lqodoc quiyim qami' letaxaỹaxanqajnec na qomyipi quiyim taqaira'pegue' aỹim, 'nejem da 'neetari' na'le so Melquisedec.

Hebreos 6:20

só'maq inoxonouguio' na'le so Jesús, ca' ỹauategue ca qoyic. Ca' chaqaida 'neeto' na'le so Jesús, ca' ỹovira'a quiyim qaisoota qaretaxaỹaxanqajnec quiyim retaxaỹa'pegue' ñi qota'a, 'nejem da no'ueenataxac na'le so Melquisedec.

Hebreos 7:23

Só'maq liỹa netaxaỹaxanqajanqaipi ỹoviretalco' quiyim 'xoic, ma' ileueta'oguit, ca' se ishit quiyim queeta.

Hebreos 7:7

Ca' qaica quet cá'maq ỹoqolliguit dajo quiyim cá'maq ỹaan ca qouagaxa paguec lecaic quecá'maq nqouaguegue.

Hebreos 7:9

Chaqai nagui ishit qohinac quiyim so Leví, chaqai ná'ogue ná'maq netaxaỹaxanqajanqaipi llaalqaipi so'maxare, quená'maq nagui 'ue aca no'lau'a quena qomyipi, ishiueteno' na'le aso no'lau'a so Melquisedec, na' qaishiueten queso Abraham.

Hebreos 9:27

Ca' chaqai 'nejem quiyim ná'ogue na qom 'oonoqui' ileu, ime, ca nauaanaque ca na'xa'a quiyim qanimit ná'ogue najo,

Apocalipsis 1:18

Ỹim ná'maq yca'leetauec. Ma' yileu na'le, qam nagui, ca' sqaica lqodoc quiyim yca'leetauec. Ỹim llo'qoota'alo soiquenta'pe naua lauaatqate da nelauaxa chaqai quecá'maq lapooqo' na lqui'i na leuaxaiquipi.