Hebreos 7:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qam so Melquisedec, 'eno'm sqa chigoxougui so Leví ni'ic, qam no'lau'a añi 'óna quecá'maq diez lalamaxaret so Abraham só'maq icoñiguito' na'le so ỹachaxantac ñi qota'a. Ca' na'le, ca' so Melquisedec ỹaanem da nqouagaxa so Abraham.

Hebreos 7:6 Iomraidhean Croise

Génesis 12:13

Ca qouaquiric, 'ñiraco' quiyim qami' ỹaqaỹa, qaiyi sqaican qohinegue aỹim, ca' se qayalauat sasougui qami'.

Génesis 12:2

Ca' queca qachaalaxai'pi, ca' sachigoxochichigui ca ni'ic lodegaxat; chaqai saanem qami' da iqouagaxa, chaqai so'uet quiyim qami' choxoraic ma'le, chaqai chicqochigui qami' ma'le ca la'maxa na liỹaripi.

Hechos 3:25

Naua ỹachaxanta'pe ñi qota'olec ỹaanouguilo saua la'qaataxanqajanqa ỹaatqajam taỹauguilo qamiri. Ma' qaỹahotaque ca ra'maxahi, ma' ñi qota'olec co'na' na'maxate'e' so 'auaxaic qareta'allipi co'na' 'naapega so Abraham: “Ná'ogue na ỹoreta'oguit qomyipi neetalec na 'laua 'uo' da na'aachicyaxac, qam chicqotougui ma'le ca qachaalaxai'ipi.”

Romanos 4:13

Ma' ñi qota'a ỹachaxan na'le dajo queso Abraham chaqai quena llaalqaipi quiyim qoỹaanem ma'le na 'laua quiyim lalamaxaret la'a'. Qam na' qaỹachaxanapeguem dajo so Abraham, mesqaida quiyim ỹo'ueetetaiquet dá'maq 'naac na naqataxaquipi, ta'ta'a quiyim 'ue da lpi'ỹaxac quiñi qota'olec. Ca' ñi'maxare icoñi'chiguit, ca ỹamata'gue lo'yaxanec ỹale.

Romanos 9:4

Ma' na'maxare chaqai llaalqaipi so Israel, chaqai ñi qota'a icoñiguit 'neeta'gue meca llaalqaipi. Ñi'maxare ỹaatqajam ỹalequetaugui na'le na'maxare chalego loyac so lauaq, chaqai ỹaanema naua na'maqataxaco, na naqataxaquipi chicqo'ot so Moisés, chaqai da leloxoỹaxac quiyim qaimaqachin ñi'maxare, chaqai naua ỹachaxanta'pe quiyim ỹaanema.

Gálatas 3:16

Qam nagui retañite', ñi qota'a na' 'vii naua ỹachaxanta'pe queso Abraham chaqai queso llaalec, ca' naua nerecse' la'qaatqa ñi'maxare sqai 'nerac: “ca qachaalaxai'pi”, 'ec quiyim 'xoic ca qomyipi 'neetapega. Ta'ta'a quiyim 'naac: “ca qachaalqui'.” Ca' dajo 'oonoqui' cá'maq 'neetapega, ca cá'maq qohintapega chaqaiso so Cristo.

Hebreos 11:13

Sá'ogue so qomyipi nelliviñi, qam se icoñiguit ca qaỹachaxantapeguem quiñi qota'a. Qam 'ue da lpi'ỹaxac so qomyipi, ca iuana, qam qoỹoqo'ta, chaqai ma' mashic huelec, ca' chalego loyac nqai'en na' ỹa'ajantac. Ca chaqaida 'neeto' na'le so qomyipi co'quena' ỹa'xatetac quiyim se lalamaxaret la'a' najo 'laua.

Hebreos 11:17

Qai'neeta so Abraham 'uo' da lpi'ỹaxac co'na' qai'guen quiñi qota'a, ca' ỹauec so Isaac quiyim ỹalauat chaqai ỹavigaxat, ca' ỹaanot ñi qota'a. Ỹaatqajam qaica ca huapigui lauel, ta'ta'a quiyim ỹaano so 'oonoqui' llaalec, 'eno'm chaqaiso só'maq ỹachaxantaco' na'le ñi qota'a, co'na' 'naac:

Hebreos 7:1

So Melquisedec nasho' na'le quiyi Salem chaqai letaxaỹaxanqajnec na qomyipi quena' qaretaxaỹa'pegue' ñi qota'a ñí'maq ỹapacauec. Co'na' so Abraham rapil queso lauataq só'maq huaugui na' ỹalauat so nashillipi, ca' so Melquisedec ỹanaxachi'chiguit so Abraham, ca' ỹaanem da nqouagaxa.

Hebreos 7:7

Ca' qaica quet cá'maq ỹoqolliguit dajo quiyim cá'maq ỹaan ca qouagaxa paguec lecaic quecá'maq nqouaguegue.