Hebreos 7:2 - La'qaatqa ñi qota'olec Qota'olec & Qota'olec Novita Na Qomyipi

² Ca' so Abraham ỹaanem 'óna queca diez louootaxanaxat ỹachigoxotaugui so lauataq. Ca' dajo neenaxat Melquisedec, dajo 'auaxaic 'naac “nashi naloochiguiñi da no'ueenataxac”; chaqai, ma' so'maxare nasho' na'le quiyi Salem, ca' dajo Salem 'naac “neuagaxa”, ca' dajo neenaxat qai'neeta 'naac “nashi queda neuagaxa”.

Hebreos 7:2 Iomraidhean Croise

Génesis 28:22

Ca' najo qa' salamaxajñi, ca' chaqaina lauo' ma'le ñi qota'olec. Chaqai se neme quiyim saanem ñi qota'olec ca 'óna queca diez quecá'ogue cá'maq nañaañim ñi'maxare.

2 Samuel 23:3

Ñi qota'olec quena llaalqaipi so Israel retaqa; ñí'maq quepaqataxanteguelec na llaalqaipi so Israel 'naapiguiỹa': Ca nashi quiyim reloxoi'a na liỹaripi, ca ỹaatqajam 'maxaraic ca la'deenataxanaxac, ca ỹale quiyim reloxoi'a na liỹaripi, qam ỹaatqajam no'cha'a ñi qota'olec,

Miqueas 5:5

Ca'maxare noviraxat ma'le da no'daxa. (5.5b-15 Ñi qara'gaxala' qa'viỹa'gue ma'le na ỹoqa'a qomyipi.)

Mateo 1:23

Aca nequetegaxai saqa' 'on, qam 'manaxai ma'le, ca' 'ue ca llaalec. Qam ca'maxare leenaxato' ma'le Emanuel. Ca' dajo 'naac: Ñi qota'olec ỹalequetauguilo qomi'.

Lucas 2:14

¡Ỹaatqajam lodegaxat da quiyim qaỹo'ueentac ñi qota'olec ñí'maq neeto'ot na piguim, chaqai quena 'laua 'uo' da la'maxa na qomyipi ná'maq ỹa'maxarenta ñi'maxare!

Romanos 3:26

'Neeta dajo, ma' ñi qota'a ỹahotaque ỹachaxan quiyim ñi'maxare ỹo'ueetetac da ỹa'maqachiguiñi. Chaqai se neme da 'neetari' quiyim icoñi'chiguit ñi'maxare ná'maq huelec so Jesús.

Hebreos 7:1

So Melquisedec nasho' na'le quiyi Salem chaqai letaxaỹaxanqajnec na qomyipi quena' qaretaxaỹa'pegue' ñi qota'a ñí'maq ỹapacauec. Co'na' so Abraham rapil queso lauataq só'maq huaugui na' ỹalauat so nashillipi, ca' so Melquisedec ỹanaxachi'chiguit so Abraham, ca' ỹaanem da nqouagaxa.

Hebreos 7:3

Ca so'maxare re'oq quiyim qaica ca leta'a, chaqai aca late'e, chaqai quecá'maq 'auaxaic leta'allipi. Chaqai se qaỹa'xat quiyim ne'qaañi, chaqai quiyim ileu. Ca chaqaida dá'maq 'neeta so'maxare, ca 'nejem da no'ueenataxac so llaalec ñi qota'a. Ca so'maxare se neme netaxaỹaxanqajnec quiyim retaxaỹa'pegue' ñi qota'a.

1 Samuel 8:15

Chaqai rouootaxana'gue añi 'óna queca diez hueeto'oto qamiri quena trigo chaqai cana 'uva, ca ỹaanem ma'le na lotauaripi nashillipi.

1 Samuel 8:17

Chaqai ỹacona'a ma'le aca 'óna quecaua diez quena qalohipi, chaqai ỹovire'ta qamiri 'ueenataxañiỹot ma'le ca'maxare.