Hebreos 7:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Na llaalqaipi so Israel na' icoñiguit so naqataxaquipi, qam chicqotougui nqohin so netaxaỹaxanqajanqaipi llaalqaipi so Leví, só'maq qai'neeta llaalqaipi so Aarón. Ca vichiguiño' quiyim najo netaxaỹaxanqajanqaipi quetqai ishito' quiyim nalogoñi 'maxaraic nqai'en da no'ueenataxac ná'maq queeta'pegue' na naqataxaquipi, ca se qaipacaque quet ca liỹa netaxaỹaxanqajnec sqai 'nejem da no'ueenataxac so Aarón, ta'ta'a quiyim 'nejem da no'ueenataxac so Melquisedec.

Hebreos 7:11 Iomraidhean Croise

Hebreos 8:7

Ma' quetqai só'maq 'auaxaic 'maqataxac ỹa'maqachiguiñi quiyim ỹapalaxat na lasauaxaset na qomyipi, ca' se ipacaque quet quiyim qaỹadalaxat ca liỹa 'maqataxac.

Gálatas 2:21

Ca se sa'maxaren quiyim lliỹoqa'piguit quet dá'maq lqouagaxa ñi qota'a. Ma' quet ishit ca 'óna quiyim qaỹa'maxarenta quiñi qota'a quiyim quiichi'nguilo naua naqataxaco chicqoro'ot so Moisés, ma' queta'le, ca' qaica quet ca 'negue da lelauaxa so Cristo.

Hebreos 7:21

Na liỹa netaxaỹaxanqajanqaipi qaica ca qai'taxajñi quiyim qaipacqajanchigui ca na'qaatec. Qam quedá'maq dajo, ca 'uo' na'le so na'qaatec quiyim ỹaatqajam qai'taxajñi quiyim qaipacqajanchigui. Ma' quiyaua naneresañi na'qaatqa qohinaco' na'le: Ñi qara'gaxala' nanecalta' quiyim i'taxajñi da la'qaatec, ca' sqaica ma' ỹadalaxat quet co'na' 'naac: “Se neme quiyim qami' netaxaỹaxanqajnec, 'nejem ma'le da no'ueenataxac so Melquisedec.”

Hebreos 7:15

Ca' quedajo, ca' paguec ỹaatqajam ỹaatqata quiyim só'maq dalaxaic netaxaỹaxanqajnec re'oq, 'nejem da no'ueenataxac so Melquisedec.

Hebreos 5:6

Qaican ỹapaguec quedá'maq liỹa 'naaco' na'le quenaua naneresañi la'qaatqa ñi qota'a, 'neracsa': Qami' sqaica lqodoc quiyim qami' letaxaỹaxanqajnec na qomyipi quiyim taqaira'pegue' aỹim, 'nejem da 'neetari' na'le so Melquisedec.

Gálatas 4:9

Qam nagui mashic huañiỹa ñi qota'a, qam paguec la'maxa quiyim qohinac, ñi qota'a mashic ỹauanalo qamiri, ca ¿negue' quet cá'maq 'neeta quiyim lotqai pillii'ogalo quet naua napaxaguinataxanaxaco qaica ca lquesaxanqa', chaqai qaica ca 'netegue quiyim lotqai liỹa 'guiñiỹoto quiyim liỹa qamiri loiquenatqa?

Hebreos 6:20

só'maq inoxonouguio' na'le so Jesús, ca' ỹauategue ca qoyic. Ca' chaqaida 'neeto' na'le so Jesús, ca' ỹovira'a quiyim qaisoota qaretaxaỹaxanqajnec quiyim retaxaỹa'pegue' ñi qota'a, 'nejem da no'ueenataxac na'le so Melquisedec.

Hebreos 5:10

Ca' ñi qota'a ỹanagui quiyim chaqaiso so la'gaxala' na netaxaỹaxanqajanqaipi quiyim qaretaxaỹa'pegue' ñi'maxare, 'nejem na'le da no'ueenataxac so Melquisedec.

Gálatas 4:3

Ca' chaqaida 'neeta coqomi'. Ma' na' 'ec ñaqai qomi' ñaaqolqai', ca qomi' qolqata'ueguelo naua chaqai qom la'deenataxanaxaco hueesalec na 'laua.

Hebreos 7:10

'Nesa ma' llic quiyim na'maxare 'ec nachaatetauo qai'neeta queso Abraham, ma' hueetagui na loshicmaxa na llaalqaipi so'maxare na' saqa' ne'qaañi, na' qaỹanaqta'guit queso Melquisedec.

Hebreos 7:12

Ma' quiyim qaỹadalaxat ca netaxaỹaxanqajnec, ca' qai'neeta ỹouen quiyim qaỹadalaxat na naqataxaquipi.

Hebreos 7:13

Ca' so qara'gaxala' só'maq ỹiquesapega naua naneresañi na'qaatqa na' 'naac dajo, so'maxare chicqaugui so liỹa ni'ic llaalqaipi so Israel, qam queso'maxare qaica quet ca chicqaugui quiyim netaxaỹaxanqajnec.

Hebreos 9:6

Qohine'teco' na'le dajo na' qaỹa'maxajñi sojo 'imec, ca' na netaxaỹaxanqajanqaipi inoxontapougui naua'que naua na'xata' só'maq 'auaxaic noma' quiyim ỹo'uet da lo'ueenataxanaxac quiyim qaimaqachin ñi qota'a.