Hebreos 7:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ 'Nesa ma' llic quiyim na'maxare 'ec nachaatetauo qai'neeta queso Abraham, ma' hueetagui na loshicmaxa na llaalqaipi so'maxare na' saqa' ne'qaañi, na' qaỹanaqta'guit queso Melquisedec.

Hebreos 7:10 Iomraidhean Croise

Génesis 35:11

ca 'naaco' queso'maxare: Ỹim ná'maq ỹim qota'olec sqaica lqalanec; 'xoic ma'le ca qachaalaxai'pi chaqai ca qauachi'ipi. Qami' chicqochigui ma'le ca 'xoic ỹoreta'oguit qomyipi, ca' queca qachaalaxai'pi 'ue ma'le ca chicqaugui nashillipi.

Génesis 46:26

Ca sá'ogue só'maq qomyipi liỹaatac so Jacob na' ỹovi' queda Egipto. Chaqai sá'ogue chi lalamaxaret ỹovi' sesenta y seis ỹalliripi, qam se qanaloqojna'oga ana loua so llaalqaipi.

1 Reyes 8:19

qam mesqaiqami' ná'maq no'xoñirishiguim ma'le aca'maxare, ta'ta'a cá'maq qachaalqui'. Ca' chaqaica cá'maq no'xonshiguim ma'le aca no'ueenaxanaxaqui.

Hebreos 5:6

Qaican ỹapaguec quedá'maq liỹa 'naaco' na'le quenaua naneresañi la'qaatqa ñi qota'a, 'neracsa': Qami' sqaica lqodoc quiyim qami' letaxaỹaxanqajnec na qomyipi quiyim taqaira'pegue' aỹim, 'nejem da 'neetari' na'le so Melquisedec.

Hebreos 7:11

Na llaalqaipi so Israel na' icoñiguit so naqataxaquipi, qam chicqotougui nqohin so netaxaỹaxanqajanqaipi llaalqaipi so Leví, só'maq qai'neeta llaalqaipi so Aarón. Ca vichiguiño' quiyim najo netaxaỹaxanqajanqaipi quetqai ishito' quiyim nalogoñi 'maxaraic nqai'en da no'ueenataxac ná'maq queeta'pegue' na naqataxaquipi, ca se qaipacaque quet ca liỹa netaxaỹaxanqajnec sqai 'nejem da no'ueenataxac so Aarón, ta'ta'a quiyim 'nejem da no'ueenataxac so Melquisedec.

Hebreos 7:5

Qam quenaua laqataxaco so Moisés ilarelec na netaxaỹaxanqajanqaipi llaalqaipi so Leví quiyim naqata'a añi 'óna queca diez quena lalamaxaret na qomyipi, 'eno'm chi lqaỹarinquipi chaqai llaalqaipi so Abraham qai'neeta.

Hebreos 7:9

Chaqai nagui ishit qohinac quiyim so Leví, chaqai ná'ogue ná'maq netaxaỹaxanqajanqaipi llaalqaipi so'maxare, quená'maq nagui 'ue aca no'lau'a quena qomyipi, ishiueteno' na'le aso no'lau'a so Melquisedec, na' qaishiueten queso Abraham.