Hebreos 6:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ma' ná'maq mashic shi'gue icoñiguit quiyim qaicoỹarelec da la'deenataxanaxac, chaqai mashic shi'gue i'guentac cá'maq lame ñi qota'a, chaqai mashic ta'ñigui so Espíritu Santo,

Hebreos 6:4 Iomraidhean Croise

Mateo 5:13

Qamiri 'ec qamiri o'ue louenec ná'maq neetalec ana 'laua. Qam ca o'ue no'm tot qaica ca lochiviaxa, ¿negue' quet cá'maq 'neeta quiyim liỹa 'ue ca lochiviaxa? Ma' tot qaica ca taiguit. Ta'ta'a quiyim qainaxauec, ca' qaico'vigui quena qomyipi.

Juan 15:6

Ma' cá'maq se na'deetau'a ỹim, ca' qainaxauec, ca' ỹaso, 'nejem aná'maq lasote quena' qalapoon, ca' qaỹavigaxat queca norec.

Efesios 2:8

Ma' quedá'maq le'xorenataxanaxa ñi qota'a, ca' nca'lerec qamiri, chicqochigui da rpi'ỹaxaguii. Qam dajo sqai qamiri chi ro'ueenachiguii, ta'ta'a quiyim chaqai ỹaanema qamiri ñi qota'a.

Juan 3:27

Ca' so Juan 'naapegalo': —Qaica ca qom quiyim chi nanoiquentac 'ue ca ỹo'uet, no'm sqo ỹaanem quiñi qota'olec cá'maq ỹo'uet.

Hebreos 10:32

Qam o'lliinchiỹau'galo qamiri saua 'auaxaqa ñaxari na' ñaqai chita'gue qaicoỹarelgoto qamiri, na' ỹaatqajam 'ue da la'ñaxac qavillii quiyim na'ñaxachiiguit da re'xoriguii quedá'maq chalego lecaic ne'guenaxaguii.

Mateo 12:45

Ime, ca' pile'tegue que'ogalo saua siete liỹa' paguec qa'uaiqa queso'maxare. Ca saua'que tarougui so ỹale. Ca na'le, ca' so ỹale paguec la'aaxa dá'maq 'neetari' quecá'maq 'auaxaic no'ueenataxac. Ca' chaqaida 'neeta ma'le najo hualoxonaq qomyipi.

Gálatas 3:2

Ñigo' ñaqai 'xachiim aỹim nagui cá'maq 'neeta dajo: Na' 'viichitac da naqataxaquipi chicqo'ot so Moisés, ca ¿chicqochiquio' na'le quiyim coñiguit so Espíritu chicqo'ot ñi qota'a? loqo'm ¿chicqochigui na' viilec da na'qaatec 'xahichigui?

2 Timoteo 2:25

chaqai neneequesenta quiyim ralamqataxan quená'maq pa'guenaxantac, sha'apiguito' quiyim ñi qota'a netogochigui lauel nqai'en, ma' ỹahotaque quiyim ỹa'den dá'maq ỹaatqajam lliqueta,

1 Juan 5:16

Ca no'm 'ue ca iuana ca lqaỹa quiyim 'ue ca lasauaxaset se ỹauequeta'a yi nelauaxa, ca' nqouagaxain. Ca' ñi qota'a ỹaanem da nca'laxa cajo nqaỹa, no'm quená'maq nasauaxaset se ỹaueca'a ca lelauaxa ca qom. Ma' 'ue na nasauaxaset ỹaueca'a ca lelauaxa ca qom, ca quecajo nasauaxaset sqai shinac quiyim qanqouagaxainlec.

Hebreos 2:4

Chaqai ñi qota'a qai'neeta 'chichiguiñi nqai'en dajo na'qaatec. Ca ỹa'vii naua netanqa, chaqai ná'maq ỹo'uet da ne'laxa, chaqai 'xoic na ỹo'uet quená'maq se qaiuanapega, chicqochigui nqai'en so Espíritu Santo quiyim ỹaanema qomi' ná'maq ỹoreta'oguit ỹoiquentac quecá'maq 'ne'tegue.

1 Timoteo 4:14

Ỹaatqajam quirelec 'viichi' dá'maq lo'ueenataxanaxac dá'maq qoỹaañiraxarom quiñi qota'a na' saua la'gaxalate' ná'maq icoñiguit da na'qaatec queda llilnataxanaxac ñi qota'a quiyim ỹashil-lec qami'.

Hechos 11:17

Ca' no'm ñi qota'olec ỹaanem so Espíritu Santo yijo qomyipi sqai judioipi, 'nejem qomi' na' nañaanoxoroma na' qomi' seuaqlec so qara'gaxala' Jesucristo, ca ¿negue' quet aỹim quiyim sanaxat da lo'ueenataxanaxac ñi qota'olec?

Efesios 4:7

Qam quiñi 'óna coqomi' 'maxaraic nqohin yí'maq laloqo' quiyim ro'ueenataxan cá'maq qoỹaanem, qanaloqojontagui cá'maq laloqo' nqai'en so Cristo.

Efesios 3:7

Ca' ỹaatqajam qaica ca sahotaque chi yi'laqac, qa' mashic qailarilec da na'qaatec. Qam da'maxare chicqochigui da lquesaxanaxa ñi qota'a.

Hechos 10:45

Ca só'maq mashic ỹacoñiguit da na'qaatec judioipi nauegaxauaripi so Pedro ỹaatqajam chalego le'laxa quiyim so Espíritu Santo qai'neeta qoỹaanem na mesqai judío.

Hechos 8:20

Ca' so Pedro 'naapego' so Simón: —Qami' chaqai ana qadami' qui'sa'ñi', ra'lliỹañi. Ma' 'ñi'sapega quiyim qarishiujnaxana ca lame ñi qota'olec.

Juan 6:32

Ca' so Jesús 'naaco': —Ỹaatqajam lliqueta da shinac caqamiri: Quiyim mesqaiso so Moisés só'maq ỹaanema qamiri so pan chicqashiguim, ta'ta'a ñí'maq ita'a ñí'maq ỹaanema qamiri cá'maq ỹaatqajam pan chicqashiguim queda piguim.

Números 24:3

Ca co'na'le, ca' so Balaam 'ue ca la'qaatec, 'neetasa': Da la'qaatec na Balaam ná'maq llaalec ñi Beor, ná'maq ỹale ỹaatqajam qoỹoqo'tegue da leuanaxanaxac;

Gálatas 3:5

Ñi qota'a na' ỹaanema qamiri so ne'Espíritu, chaqai na' ỹachaxan ná'maq ỹo'uet na ne'laxa huauguilo nqai'ne' qamiri, ca ¿chi'neco' ma' ỹo'uet dajo? Ñi'maxare ỹo'uet, qam sqai chicqaugui quiyim qamiri 'viichitac dá'maq 'naac na naqataxaquipi. Ta'ta'a quiyim viilec dá'maq 'xahichigui na'qaatec.

Hechos 15:8

Ca' ñi qota'olec, ma' ỹa'deene' naua ne'taxanatal, ỹachaxan quiyim ỹacoñiguit na'maxare na' ỹaanem so Espíritu Santo, 'neete'm qomi' na'le.

Juan 4:10

Ca' so Jesús 'naaco': —Huategue' queta' 'yiiñi' cá'maq ỹaan ñi qota'olec chaqai ná'maq ỹashiilatac qami' queca laquip, ca' qami' quet aná'maq yashiila'e', ca' ỹim saanem qami' ca huaxaỹaq se neme ne'paxantashiguim.

2 Timoteo 4:14

Ca lecat lo'o leenaxat Alejandro ỹaatqajam 'xoic na se no'uen 'ne'tegue caỹim, qam so qara'gaxala' ishiueten ma'le dá'ogue dá'maq 'ne'tegue caỹim.

Romanos 1:11

Ma' sahotaque ñauanto qamiri, ca' sa'ue ca ỹotaanaxanaxac quena chicqo'ot so Espíritu Santo, qaiyi qaica ishite' qamiri.

2 Corintios 4:4

Ma' so na'ỹaapec se neuanñi nqai'en da la'deenataxanaxac, ca' sqai huelec, qaiyi se iuana da lauaq dá'maq ỹaatqajam no'uen na'qaatec re'oq nqai'en da lauaq so Cristo, ma' chaqaiso só'maq lqui'i nca'leetauec ñi qota'a.

2 Corintios 4:6

Ma' ñi qota'a ñí'maq nela' aso lcoỹeraxanaxaqui quiyim naviguec na'le queso napalaxa, chaqaiñi ñí'maq naviguec nqai'en aso lcoỹeraxanaxaqui cañi qare'taxanata, qaiyi seuanaxa da lauaq ñi qota'a quena' naviguec quena lashic so Jesucristo.

Efesios 1:18

Ca sashiilatac ñi qota'a quiyim coỹarigui yi ra'deenataxanaxaguii, qaiyi 'yiiñii cá'maq 'neeta ca naquitaxaguii quiyim qaroỹaxañiỹaxaua', chaqai dá'maq chalego lecaic nesallaxa ỹaanec ma'le ñi qota'a quená'maq lalamaxareteripi,