Hebreos 6:2 - La'qaatqa ñi qota'olec Qota'olec & Qota'olec Novita Na Qomyipi

² chaqai da llicyaxac quiyim qanachilaxan ca qom, chaqai dá'maq quiyim qaỹashil-lec ná'maq mashic icoñiguit da na'qaatec, chaqai quiyim pilac qanca'laxatec na leuaxaiquipi, chaqai ma' qanimit ná'ogue najo.

Hebreos 6:2 Iomraidhean Croise

Eclesiastés 12:14

Ñi qota'olec qarenat ma'le quená'ogue ná'maq so'ueetqatac lo'yaxanec loqo'm se no'uen, 'eno'm ñañoxotqatañi quiyim so'ueetaq.

Mateo 28:19

Ca' vichiguiño' qamiri selarii quiyim quiipegue' ná'ogue na ỹoreta'oguit qomyipi. Ca' 'viichii quiyim ỹim napaxaguinaxala', chaqai chilaxanataxañiỹa da leenaxat ñi qota'olec, chaqai najo llaalec, chaqai so Espíritu Santo.

Mateo 3:14

Qam na' ñaqai 'aueta, se ỹa'maxaren quiyim nachilaxan. Ca 'naaco' queso Jesús: —Aỹim souen quiyim qami' yachilaxañi', qam ¿qami' naquirepegue' aỹim?

Marcos 16:16

Ca cá'maq huelec, ca' qanachilaxan, ca' chaqaica cá'maq qanca'laxatec ma'le; qam cá'maq sqai huelec, ca' chaqai 'neetari' sqa nac ca lasauaxaset.

Marcos 7:4

Chaqai no'm chicqa'a ca nemeenqa', se que'e no'm saqa' nquiỹo. Chaqai 'vii naua liỹa' 'ueenataxaco queetalgoto, 'nejem da quena' qaiquiỹo ana 'taxaqui, chaqai ana nehoma, chaqai ana 'ueena, chaqai na nomala'.)

Marcos 7:8

Ma' qamiri mashic lachii' naua lapaxaguinataxanaxaco ñi qota'olec, ca' quiilgoto nauá'maq chi no'ueenataxaco na qomyipi, quena' quiỹohi ana nehomahi, chaqai ana ne'taxaguii, chaqai 'xoic na liỹa 'viichitac 'nejem da'maxare.

Lucas 11:38

Ca' so fariseo ỹaatqajam 'ue da le'laxa, ma' iuanchigui so Jesús quiyim se ipacqajanchigui quiyim quiỹo' naua lqai'laqate' quena' sham que'e.

Lucas 12:50

Aỹim sai'a quiyim 'xoic ca i'xoric, 'nejem ca nocoraxanaxac, chaqai ¡chalego na ỹachicoxo quiyim chaqa'ma' sahotaque quiyim ỹovirelec!

Lucas 14:14

qaiyi ỹaatqajam chalego ca ra'maxa'e'. Ma' na'maxare se ishit quiyim rishivichiñi'. Qam qami' ma'le 'ue ca nishiuetenaxaqui', ma' ỹovita quiyim liỹa qanca'laxatec ná'maq ỹaatqajam 'maxaraic da no'ueenataxac qomyipi.

Lucas 3:16

Qam so Juan 'naapega sá'ogue so qomyipi, 'naaco': —Aỹim llic nagui ñachilaxañiguilo qamiri na huaxaỹaq, qam 'ue na coỹaretailec, na'maxare nachilaxanguilo qamiri ma'le ca Espíritu Santo chaqai ca norec. Chaqai na'maxare paguec da lquesaxanaxa, sqai 'nejem aỹim, chaqai aỹim sqa saiguit quiyim sosoorec naua lapelate' lequeete'.

Juan 1:33

Qam ỹim saqa' sa'den na'le nega'ỹo'ca cajo ỹale. Qam ñí'maq yila' quiyim sachilaxanataxana na huaxaỹaq, 'naapega aỹim: “Ma' huañita so Espíritu Santo ma' anac chicqashiguim, ca' quecá'maq hueetalec qom, ca' chaqaica cajo ỹale rachilaxanataxana ma'le ca Espíritu Santo.”

Juan 5:29

ca nenoxonshiguim ma'le quena leuaxaic lahiripi. Ca ná'maq ỹa'maqachiguiñi ná'maq ỹo'uet, ca icoñiguit da lca'laxa; qam ná'maq se no'uen dá'maq ỹo'uet, liỹa nenoxonshiguim, qam icoñiguit da nouaxanaxaset.

Hechos 10:47

Ca' so Pedro 'naaco': —¿Negue' quet ca 'neeta quiyim se qanachilaxan najo qomyipi quiyim mashic icoñiguit so Espíritu Santo, 'nejme' qomi'?

Hechos 13:3

Ca co'na' ime da nqouagaxainaxac chaqai da nqopaaqachitaxac so qomyipi, ca' qaỹashil-lgoto saua'maxare, ca qailate'.

Hechos 16:15

Ime, ca' qanachilaxan chaqai sá'ogue so llaalqaipi. Ime, ca' ne'xoresene'toto qomi', ca 'naac: —No'm chaqaida nqai'ñii quiyim ya'yiiñii quiyim ỹaatqajam seuelec ñi qara'gaxala' Jesús, ca ñaqai cocho'qui' ñiỹa'ñi yi ỹa'a' la'xasqori. Ca' ỹaatqajam ipacoxoua', ca seuqa'anyi.

Hechos 16:33

Ca' queso pe so neloxoỹaq cañi ncoñiitaxanaxaqui quiỹota'pe saua lcoñiraxa'. Ca' quiyi so'maxare qanachilaxan chaqai sá'ogue so llaalqaipi.

Hechos 17:18

Qam 'vio' saua ỹale' napaxaguinsapega da lapaxaguinataxanaxac na leenaxat epicúreo, chaqai na liỹaripi napaxaguintapega da lapaxaguinataxanaxac na leenaxat estoico, ca' chaqaina na retaqata'pegue' so Pablo. 'Uo' na 'naac: —¿Negue' ca ỹa'xatetapeguema qomi' da ỹale? Ma' 'xoic da letaxaỹaxac. Ca 'uo' na naashiguim, 'naac: —'Ec talaxanteguelec ca ỹoqa'a qota'olqaipi. Ỹa'xat dajo so qomyipi, ma' qana'xaỹaxantapega quiyim ỹa'xatetac so Jesús chaqai quecá'maq ileu, ishit liỹa nca'leuec.

Hechos 2:38

Ca' so Pedro saat, ca 'naaco': —Qamiá'ogue 'xañiñi naua se no'ueene' no'ueenataxagohi, chaqai qanachilaxane' qamiri, qaỹouen da leenaxat so qara'gaxala' Jesucristo, qaiyi ñi qota'olec ỹapalaxate' naua rasauaxashichiri, ca' ỹaañiỹaxarom ca Espíritu Santo.

Hechos 2:41

Ca sá'ogue só'maq huelec da la'qaatec so Pedro, ca' qanachilaxan. Ca' quesojo na'xa'a, ca' noquiiguec so inoxona'a da na'qaatec 'uo' ca tres mil qomyipi.

Hechos 23:6

Ca' so Pablo retan quiyim 'vio' saua nashil ỹalequesaho naneresaugui na leenaxat fariseo, ỹalequesa'guit so liỹa naneretaugui na leenaxat saduceo. Ca ỹa'uo' da la'qaatec so Pablo, qam nelamaxaren, 'naaco': —Qamii ỹaqaỹa', aỹim fariseo le'ec, sachicqaugui na fariseo. Ca' nagui qayimitetac, ma' sasouetapigui da ñaquitaxac quiyim liỹa qanca'laxatec ná'maq ileu.

Hechos 24:15

Chaqai 'nejem da ñaquitaxac quiñi qota'olec dá'maq naquitaxague' naua'maxare, quiyim na leuaxaic liỹa nca'leuec nqohin, ná'ogue na huagaxaraic chaqai na nocqaic.

Hechos 24:21

Loqo'm chaqaida da sasoualec ma' se ñconaỹañi na' setaqa, shinac: “Nagui yimichitac queca ỹasauaxaset, ma' ỹim seuelec ñi qota'olec quiyim ishit liỹa nca'laxatec ná'maq shi'gue ileu.”

Hechos 24:25

Qam co'na' so Pablo ỹa'xat queca qom ỹalamaxateta da no'ueenataxac, chaqai queca netelalta', chaqai ca nouaxanaxaset ma'le ca sqai huelec ñi qota'a. Ca' so Félix co'na' 'xaỹa dajo, ca no'chi. Ca 'naapego' so Pablo: —Yi, mo'e' nagui, toco' ma' 'ue ca idaaqa', ca liỹo' soỹaxañiraxaua'.

Hechos 26:8

Ca' ¿mesqai viilco' qamiri qai'neeta quiyim ñi qota'a ishit liỹa nca'leuec nqai'en ca mashic shi'gue ileu?

Hechos 4:2

Ỹaatqajam sá'ogue ro'o, ma' so Pedro chaqai so Juan ỹapaxaguinsac so qomyipi, ỹa'xatesac quiyim no'm 'ue ca ileu ishit liỹa nca'leuec, ỹaatqajam re'qoochigui nqohin, ma' liỹa nca'leuec so Jesús.

Hechos 6:6

Co'na'le, ca qaỹaueguero saua'maxare quiyi hueese'e saua Jesús lelaatqa. Ca qanqouagaxainlgoto chaqai qaỹashil-lgoto saua'maxare.

Romanos 2:16

quecajo pa'aatec na'xa'a, ma' ỹovita quiyim ñi qota'olec imite' naua se re'xoguilo no'ueenataxaco ná'ogue na qomyipi chicqochigui nqai'en so Jesucristo. Ca' ipaquichigui ma'le dajo sa'xatetac na'qaatec chicqaugui da nca'laxa.

1 Corintios 10:2

Ca' chaqaida 'neeta quiyim sá'ogue qanachilaxan ma' na'deetau'a so Moisés queso naueguelec chaqai caso huaaxai.

1 Corintios 12:13

Ma' qomi' 'eno'm qomi' judío lase', loqo'm sqai judío lase', loqo'm qomi' nelaatqa, loqo'm sqo qomi' nelaatqa, qam na' qanachilaxane' qomi', ca 'eco' qarenocau'a so 'oonoqui' noshicmaxa chicqochigui so Espíritu. Chaqai qomá'ogue 'ec qane'taxanguilo só'maq 'oonoqui' Espíritu Santo.

2 Corintios 5:10

Ma' qomá'ogue ñachaataxau'a ma'le cá'maq hua'ñi so Cristo quiyim imit na nasauaxaseteripi, ca' quiñi 'óna icoñiguit ca laseue' ca lo'ueenatec na' ñaq ỹouootegueri', 'maxaraic, loqo'm se ỹa'maxañi.

Filipenses 3:21

So'maxare ỹadalaxat ma'le na qaroshicmaxa ma' tai'a quiyim ileu, qaiyi shinqata só'maq chi loshicmaxa so'maxare 'ue da lauaq. Qam ỹo'uet ma'le, ỹahote'e dá'maq chi lquesaxanaxa quiyim ỹoiquentac ná'ogue nanchaqaina.

Colosenses 2:12

Ma' cana' qanachilaxane' qamiri, ca' riỹahita'ñi' na' qarishiñiñi so Cristo. Ca' quedajo, ca' qai'neeta riỹahitashi'me' so'maxare na' liỹa qanca'laxatec, ma' viilec da lquesaxanaxa ñi qota'a ñí'maq liỹa nca'laxatec na'le so'maxare.

2 Timoteo 2:18

Ma' saua'maxare ỹoxorec, ỹite' dá'maq ỹaatqajam leloxoỹaxac, ma' 'nerac shi'gue ỹoxogue dá'maq quiyim qanca'laxatec ná'maq shi'gue leuaxaiquipi. Ca chaqaida dá'maq 'em mashic na'axat da lpi'ỹaxac na liỹa.

Hebreos 11:35

'Uo' ana 'aalo liỹa icoñiguit na lasauaxanec liỹa nca'leuec. Chaqai 'uo' na ileu queda ne'guenaxac, qam se ỹa'maxaren quiyim qaỹosouec, ma' ỹahotaque quiyim liỹa qanca'laxatec quecá'maq paguec loyac nca'laxa.

Hebreos 9:10

Ma' da'maxare chaqaidaata dá'maq re'qoochigui nqui'ỹaxac, chaqai da 'taxac chaqai ná'maq ỹoreta'oguit quiỹoxoc, quená'maq chi no'ueenataxac na qaroshicmaxa. Ca' dajo ñaqa 'ue nqai 'negue, toco' ma' ñi qota'a ỹadalaxat da no'ueenataxac na'maxare.

2 Pedro 3:7

Qam ná'maq piguim chaqai na 'laua ñaqa 'vii nagui, naua'maxare tai'alo nqohine' ca norec, qam qaiyiita chicqochigui da la'qaatec ñi qota'a. Cajo norec ỹavigaxate' ma'le naua'maxare, ma' ỹovita ca na'xa'a quiyim qaimit ná'ogue najo, ma' qaỹomat ná'ogue na hualoxonyipi.