Hebreos 6:1 - La'qaatqa ñi qota'olec Qota'olec & Qota'olec Novita Na Qomyipi

¹ Ca vichiguiño' 'maxaraic quiyim qolqata, qaiyi sovirqata'a quiyim ỹiite' qomi'. Le'en dá'maq 'auaxaic qanapaxaguinataxac queso Cristo. Sqai pilac sa'xataxe' da 'neeta ca qom quiyim netogochigui na lauel queda 'auaxaic no'ueenataxac ma' tai'a da lelauaxa ca'maxare, chaqai queda npi'ỹaxac quiñi qota'a,

Hebreos 6:1 Iomraidhean Croise

Mateo 21:29

Qam so llaalec 'naaco': “¡'E', sqa shic!” Qam na' ncopa, ca ỹadalaxat da la'deenataxanaxac. Ca' eec, ro'ueenataxan.

Mateo 21:32

Ma' só'maq nachilaxanataxanaq leenaxat Juan novi' quiyim ỹapaxaguine' qamiri quedá'maq no'uen ñicyaxac, qam sqai viilec. Qam ná'maq icona'piguit ana nishiuete so nashi chaqai ana nedequenaxai huelec so'maxare. Qam qamiri ỹaatqajam huañichigui dajo, qam se retacochahi quiyim viilec.

Mateo 3:2

Ca' da la'qaatec 'neetasa': —Netogochiguilo nqai'ñii' naua qavilyii, ma' mashic tot qoỹoqaque da lo'ueenataxanaxac ñi qota'a neeta'gue da piguim quiyim ỹoiquentac ná'ogue najo.

Mateo 4:17

Co'na'le, ca' taañi da la'qaataxanaxac so Jesús, 'naaco' quen: —Netogochiguilo nqai'ñii' naua qavilyii, ma' nepalata da lo'ueenataxanaxac ñi qota'a neeta'gue da piguim quiyim ỹoiquentac ná'ogue najo.

Mateo 5:48

Ca' ỹaatqajam 'maxaraic nqai'ñii ca no'ueenataxaguii, qaiyi 'ñiitari' ñi qota'a ñí'maq viilec neeta'gue da piguim ỹaatqajam 'maxaraic naloochiguiñi da no'ueenataxac.

Mateo 7:25

Ca' novi' na ỹaxat, chaqai i'paxanlec aso lachiugue, chaqai anac na nonot lodegaxat, qam sqai 'guiñi so 'imec, ma' qaỹa'deetalec so qa'.

Marcos 1:1

'Eda 'neeto' na'le co'na' ñaqai chita'gue taañi da na'qaatec qaỹa'xatetac so Jesucristo só'maq llaalec ñi qota'olec.

Marcos 6:12

Ca saua'maxare que', ca ỹa'xate' da na'qaatec quena qomyipi, qaiyi ỹaxañiñi naua shi'gue loico.

Lucas 6:48

ca'maxare 'nejem ca ỹale quiyim ỹo'uet ca lauo', ca' 'au quiyim ri'ỹaxan, ỹaatqajam qoỹoqochi'ñigui nqai'en ca li'ỹac. Ime, ca' pa'xanañi ca qa', ca' no'xonshiguim ca 'imec. Ca co'na' ỹovita nqo'ñishiguim aso lachiugue, ca' anac na huaxaỹaq ỹaatqajam quesaxan na lo'paxa quiyim ỹouaxanot cajo 'imec. Qam se ishit idaxanac, ma' so 'imec no'xontalec nqohin so qa'.

Juan 12:44

So Jesús nelamaxaren na' retaqa, 'naaco': —Cá'maq huelec aỹim mesqaỹimeta huelec, ma' qai'neeta huelec ñi ita'a ñí'maq yila'.

Juan 14:1

Sqaica huapigui qavillii. Ta'ta'a quiyim viilec ñi qota'olec, chaqai viilec aỹim qai'neeta.

Juan 5:24

Ca' ỹaatqajam lliqueta dá'maq sa'xat caqamiri: Cá'maq ỹa'maxachichiguiñi ca na'xaỹaxanaxac quedá'maq sa'xat, chaqai huelec ñí'maq yila', ca 'ue ca lca'laxa sqaica lqodoc; chaqai sqaica ca nouaxanaxaset, ma' mashic shi'gue napaguelec da nelauaxa, ca inoxona'a da nca'laxa.

Hechos 11:18

Ca co'na' so nqaỹaripi quiyi Jerusalén 'xaỹa dajo, ca' sá'ogue i'maxañi, ca imaqachintac ñi qota'olec. Ca 'neraco': —¡Ca chaqaido' quiyim ñi qota'olec ỹa'ue ca ledaaqa' quiyim na mesqai judío netacocha, ca'ahi naua no'ueenataxaco, qaiyi 'ue ca lca'laxa sqaica lqodoc!

Hechos 17:30

Ñi qota'olec se nqovilga da lo'maxac na qom quesaua 'auaxaqa na'xata'. Qam nagui relaataxan quená'ogue na qom quena lahil na 'laua quiyim ỹalate' naua se no'viiñi no'ueenataxaco.

Hechos 2:38

Ca' so Pedro saat, ca 'naaco': —Qamiá'ogue 'xañiñi naua se no'ueene' no'ueenataxagohi, chaqai qanachilaxane' qamiri, qaỹouen da leenaxat so qara'gaxala' Jesucristo, qaiyi ñi qota'olec ỹapalaxate' naua rasauaxashichiri, ca' ỹaañiỹaxarom ca Espíritu Santo.

Hechos 20:21

Quená'maq judío chaqai quena sqai judío shinapega quiyim ca'ahi naua no'ueenataxaco se no'viiñi, ca' quegue ñi qota'olec, chaqai huelec so qara'gaxala' Jesucristo.

Hechos 26:20

Ta'ta'a quiyim sa'auaxanchiguiñi saanougui da na'qaatec yi na'ñi yi Damasco, ime, ca qalam yi na'ñi yi Jerusalén, chaqai yá'ogue yi 'laua Judea, chaqai qai'neeta na mesqai judioipi. Shintapega quiyim ỹalate' naua lanatqa, ca quelec ñi qota'a, ỹo'uet da lo'yaxanec no'ueenataxanaxac, qam re'qoota nqai'en ca nadalqataxac.

Hechos 3:19

Vichiguiño' nagui no'uen quiyim 'xañiñi naua no'ueenataxagohi, ca' nañaañiỹot ñi qota'olec, qaiyi ñi'maxare ỹapalaxate' naua rasauaxashichiri. Ca' ñi qara'gaxala' ishit quiyim nelatalo qamiri caua na'xata' quiyim ra'maxaichiguiñi,

1 Corintios 13:10

Qam ma' ỹovita quiyim dá'ogue sa'deenaq, ca' palac ma'le ná'maq se nalogoñi.

1 Corintios 2:6

Qam qomi' sa'xataxai' naua letaxaỹaxaco naua 'deenaxanqachaqaqa, qam taỹaugui ná'maq mashic 'chichiguiñi da lpi'ỹaxac. Qalaxam dajo na'deenec sqai huaalecna, chaqai sqa chicqaugui na nashillipi hueetalec najo, ná'maq taata'a quiyim qaỹaloq imeho.

2 Corintios 7:1

Ca vichiguiño' qamiri ñauochaxaua' ỹaqaỹa', 'enaua nauá'maq qaỹachaxanta'pe coqomi'. Vichiguiño' se squeuocqau'a ná'ogue ná'maq ishit napio'xote' qomi' quena qaroshicmaxa, chaqai quena qara'al. Qaro'cha'a ñi qota'a, chaqai somatqo'ot da qanachaalataxac ñi'maxare.

2 Corintios 7:10

Ma' cá'maq nachicoxo quiyim qana'ñaxachiguit quiyim nqo'ta ñi qota'a, ca chicqaugui ca togotaxa, ca' re'oq nqai'en ca nca'laxa. Ca' sqai qanetogoteta'pegue. Qam da nachicoxo hueetalec na 'laua, ca chicqaugui da nelauaxa.

Efesios 2:1

Ñi qota'a ỹaanema qamiri quiyim rca'laxauahi so Cristo, 'eno'm ñaqai viitaugui na'le da nelauaxa sauaxat na se no'uen chaqai na nasauaxaset

Efesios 2:5

ca' ỹaanema qomi' quiyim qarca'laxaua so Cristo, ma' 'eno'm ñaqai seuqataugui yi nelauaxa sauaxat na qarasauaxaseteripi. Qam chaqaida dá'maq chi lqouagaxa ñi qota'a, ca' nca'laxaterec qamiri.

Efesios 4:12

Ca' chaqaida 'ne'teco' na' ỹa'maxatetegueñi ná'maq lalamaxareteripi na' ỹahotaque quiyim ỹo'ueenataxanaxan, qaiyi noquiiguec na lalamaxareteripi so Cristo,

Colosenses 1:28

Qomi' sa'xatqatac so Cristo. Ca' 'ue da qaraqataxac quená'ogue, chaqai ná'ogue sapaxaguinqatac, qaiyi ỹaatqajam ỹa'deenta ca leloxoỹaxac, qaiyi quiñi 'óna ỹaatqajam noquiiquetashiguim ma' na'deetau'a so Cristo.

Colosenses 3:14

Qam dá'maq ỹapacauec quená'ogue, quiyim 'xoic ca re'xorenataxanaxahi, ma' chaqaida dá'maq lapoonta' qamiri, chaqai nalogoñi nqai'en ná'ogue nanchaqaina.

Colosenses 4:12

Ilatalo qamiri da liquinaxanaxac ñi Epafras. Ñi'maxare qai'neeta lelaatec so Jesucristo, chaqai qai'neeta chicqotouguilo qamiri na'le. Ñi'maxare ỹaatqajam se neme nqouagaxainteguelgoto quen qamiri, qaiyi qaica ca se no'uen ra'deenataxanaxaguii. Ta'ta'a quiyim ỹaatqajam nañaañita quiyim 'viichii cá'maq ỹahotaque ñi qota'a.

1 Timoteo 3:16

Ca' sqaica ỹoqolliguit dá'maq se re'xogui leloxoỹaxac dá'maq seuaxalec ỹaatqajam chalego lecaic: Ñi qota'a na' nachaxan, qam ỹaatqajam chaqaida dá'maq re'qoochigui no'ueenataxac na qom; dá'maq shi'gue ỹa'xat so Espíritu Santo quiyim só'maq ỹaatqajam no'uen ỹale, chaqai qaiuanchigui quená'ogue na chicqashiguim qota'a lelaatqaipi. Chaqai qaỹa'xatem ná'ogue na ỹoreta'oguit qomyipi, chaqai 'ue na huelec quená'ogue na 'laua, chaqai qaicoñi'chiguit queda piguim.

1 Timoteo 6:19

Qaiyi dajo nesallaxa se re'xogui ishit quiyim 'ue ca quitaxac quecá'maq ñaqa naataho, chaqai quiyim laueguec ca nca'laxa sqaica lqodoc.

2 Timoteo 2:19

Qam ñi qota'a mashic ỹa'yiñi só'maq 'eco' no'xonaxanaxala' queda lo'ueenataxanaxac, ca' qaica ca idaxan. Ca' so'maxare naneretalec so nerec, 'neetasa': “Ñi qara'gaxala' ỹa'deenta ná'maq mashic lalamaxat”; chaqai: “Ná'ogue ná'maq ỹodootac da leenaxat so Cristo ỹaatqajam ca'e ná'ogue na se no'uen.”

Hebreos 11:6

Qam qaica quet cá'maq qaỹa'maxarenta quiñi qota'a no'm qaica ca lpi'ỹaxac. Ma' quiyim qanqo'neu'a ñi'maxare, ca' ca qom huelec quiyim 'ue ñi qota'a chaqai quiyim ñi'maxare ishiueten cá'maq nimitaque ñi'maxare.

Hebreos 12:13

chaqai daañiỹaque so nayic ỹalamqata, qaiyi imeuec cá'maq nipia' se ra'ñiigue chaqai tot liỹa namaqatari'.

Hebreos 7:11

Na llaalqaipi so Israel na' icoñiguit so naqataxaquipi, qam chicqotougui nqohin so netaxaỹaxanqajanqaipi llaalqaipi so Leví, só'maq qai'neeta llaalqaipi so Aarón. Ca vichiguiño' quiyim najo netaxaỹaxanqajanqaipi quetqai ishito' quiyim nalogoñi 'maxaraic nqai'en da no'ueenataxac ná'maq queeta'pegue' na naqataxaquipi, ca se qaipacaque quet ca liỹa netaxaỹaxanqajnec sqai 'nejem da no'ueenataxac so Aarón, ta'ta'a quiyim 'nejem da no'ueenataxac so Melquisedec.

Hebreos 9:14

Ca no'm chaqaida 'neeta dajo, ¡huose'quet sqai paguec lquesaxanqa' saua leuo' so Cristo! Ma' chicqochigui da lquesaxanaxa so Espíritu sqaica lqodoc quiyim so Cristo chi nañaanot ñi qota'a, 'nejem aca nachitaxanataxanqate quiyim ỹaatqajam co'teeta. Ca' saua leuo' co'taxate' yi qara'deenataxanaxac loma' quenauá'maq qarasauaxasete' rauecqataxansa'a da nelauaxa, qaiyi seshitaq so'ueenataxanqot ñi qota'olec se neme nca'leetauec.

Santiago 1:4

Qam nquipichiỹa'pegue' quiyim da reualaxaviguii ỹaatqajam naloochiguiñi, qaiyi 'ñiitam ca qom mashic qo'xoic, ỹaatqajam naloochiguiñi, qaica ca ỹouentaque.

1 Pedro 1:21

Ma' chicqochigui so Cristo quiyim qamiri viilec ñi qota'a ñí'maq liỹa nca'laxatec na'le so'maxare queda lelauaxa, ca' ỹaanem quiyim qaimaqachin. Vichiguiño' qamiri 'ue da rpi'ỹaxaguii chaqai da naquitaxaguii quiñi qota'a.

1 Pedro 5:10

Qam ma' ime quiyim cocho'qui' viriỹa'guit dajo ne'xoric, ca' ñi qota'a nachiñiñi nqai'ne' qamiri, ra'ñichiriñi, quesaxanaxaqa, qaica ỹayogote' qamiri. Chaqaiñi ñi qota'a ñí'maq ỹaanema qomi' dá'ogue da lqouagaxa chaqai roỹaxanalo qomi' quiyim ñouanqau'a da lauaq sqaica lqodoc quiyim ña'daqatau'a so Jesucristo.

1 Juan 4:12

Ñi qota'a qaica ma' 'ue quet ca iuana. Qam no'm ñi'xoresenaqta', ca' ñi'maxare ỹalequetauguilo qomi', ca' da le'xorenataxanaxa ỹaatqajam nachinchiguiñi coqomi'.