Hebreos 5:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' chaqaida 'neeta nqohin so Cristo; so'maxare se nanoiquentac 'naac quiyim lashi na netaxaỹaxanqajanqaipi, ta'ta'a quiyim chaqaiñi ñi qota'a ỹaanem da lemaqachic. Ma' chaqaido' dá'maq 'naaco' na'le: Qami' na' qami' ỹaalec, saañiraxarom da rca'laxa'e' nagui.

Hebreos 5:5 Iomraidhean Croise

Salmos 2:7

Ỹim sa'xat dá'maq ỹahotaque ñi qota'olec: ñi'maxare 'naac caỹim: Qami' ná'maq qami' ỹaalec; nagui, ca' ỹim qataa'i'.

Miqueas 5:2

Qam caqami' na'a' Belén Efrata, paguec qami' cocho'qui' quená'maq chigoxougui so Judá, chicqotougui qami' ma'le ca nashi ỹoiquentac ma'le na Israel. Ca'maxare chigoxougui so 'auaxaic qomyipi.

Juan 3:16

Ma' ñi qota'olec ỹaatqajam 'xoico' da lauochaxa quena qomyipi, ca ỹaanec na 'oonoqui' llaalec, qaiyi se ileu cá'ogue cá'maq huelec na'maxare. Ta'ta'a quiyim 'ue da lca'laxa sqaica lqodoc.

Juan 7:18

Cá'maq chi lo'ueenatec ca ỹa'xat, ỹo'uet, ma' ỹahotaque quiyim qaimaqachin quena qom. Qam cá'maq ỹahotaque quiyim qaimaqachin cá'maq nelaatqo', ca' chaqaica cá'maq ỹaatqajam llic ca ỹa'xatetac, chaqai qaica ca na'maachic hueetagui.

Juan 8:54

Ca' so Jesús 'naaco': —Quiyim chaqaỹim chi ñimaqachinteguelta', ca' qaica ca 'negue da imaqachic. Qam ñí'maq yimaqachintac chaqaiñi ñí'maq ita'a, chaqaiñi ñí'maq qota'olec ñí'maq qamiri 'ñiitapega viilec.

Hechos 13:33

Ca' qomi' ma' qomi' llaalqa saua'maxare. Ca' nagui ipacqajanchigui ñi qota'olec coqomi' dá'maq shi'gue ỹa'xateta'guit, quiyim liỹa nca'laxatec so Jesús, ma' shi'gue qoỹeretañi quiyi lpa'axaua yi 'auaxaic salmo: “Qami' ná'maq qami' ỹaalec, saañiraxarom nagui da rca'laxa'e'.”

Romanos 8:3

Ma' ñi qota'a ỹo'uet dá'maq se ishit ỹo'uet dá'maq naqataxaquipi chicqo'ot so Moisés. Ma' na naqataxaquipi se nalo'guit da lquesaxanaxa da lamaanaxanqachic na noshicmaxa. Ca' ñi qota'a ỹo'uet na' nela' so lalamaxaret llaalec quiyim 'nejem nqai'en ca qom, qaiyi qaishit qaỹalauat quiyim ishiueten da nasauaxaset. Ca' dajo 'neetasa': na' nela', qam 'nejem nqai'en ca qom sauaqhuaic. Ca co'na'le, ca' ỹo'uet so nouaxanaxaset só'maq nasauaxaset hueetaugui nqai'en so loshicmaxa so Jesús.

Hebreos 1:1

Queso 'auaxaic ñaxaripi ñi qota'a 'xoico' quen da letaxaỹaxac queso 'auaxaic qareta'allipi, qam ỹoreta'oguit na leloxoỹaxaquipi nqai'en quena' retaqa nqai'en so letaxaỹaxaquiripi.

Hebreos 1:5

Ma' ñi qota'a se ỹauana 'ue ca 'naapega quena lelaatqaipi piguim laseripi: Qami' na' qami' ỹaalec; saañiraxarom da rca'laxa'e' nagui. Chaqai sqaica ca 'naapega quena piguim laseripi: Ỹim shintari' ca leta'a so'maxare, chaqai so'maxare shinta'gue ca ỹaalec.

Hebreos 2:17

Ca' chaqaida dá'maq quiyim so'maxare 'ec nqohin dá'maq no'ueenataxac na lqaỹaripi, qaiyi ỹovira'a qamaxaraic chaqai hualaxauaic nashi quiyim retaxaỹa'pegue' ñi qota'a quiyim naqat na lasauaxaset na qomyipi chicqochigui dá'maq quiyim nañaanalta' quiyim qaỹalauat.

Hebreos 3:1

Vichiguiño' qamiri ỹaqaỹa', ma' mashic qamiri lca'acse' ñi qota'a chaqai roỹaxanalo qamiri quiyim qamiri lalamqate', ca ỹaatqajam ra'ijlec so Cristo Jesús só'maq nelaatec quiyim qara'gaxala' quiyim retaxaỹa'pegue' ñi qota'a chicqochigui quiyim seuaqlec da na'qaatec.

Hebreos 5:10

Ca' ñi qota'a ỹanagui quiyim chaqaiso so la'gaxala' na netaxaỹaxanqajanqaipi quiyim qaretaxaỹa'pegue' ñi'maxare, 'nejem na'le da no'ueenataxac so Melquisedec.