Hebreos 5:1 - La'qaatqa ñi qota'olec Qota'olec & Qota'olec Novita Na Qomyipi

¹ Ma' quiñi 'óna la'gaxala' na netaxaỹaxanqajanqaipi qanca'au'a quena qomyipi quiyim retaqalec nqohin na qomyipi quiñi qota'a, chaqai quiyim ỹaano ana nachitaxanataxanqate chaqai ana liỹa qaỹavigaxat, qaiyi qaỹapalaxat na nasauaxaset.

Hebreos 5:1 Iomraidhean Croise

Levítico 9:7

Co'na' ime, ca' so Moisés 'naaco' queso Aarón: —Ñaq nqo'ñira'a añi ncopatoxonaxalate, ca 'ỹaañiro ca rachitaxanataxanaxachi' quiyim qaỹavigaxat qaiyi qaỹapalaxat na rasauaxashichi', chaqai 'ỹaañiro ca isecỹac quiyim vigaxachi' qaiyi qaỹapalaxat na rasauaxashichi' chaqai na lasauaxaset na Israel llaalqaipi. 'Ỹaañiro qai'neeta ca lachitaxanataxanaxat na Israel llaalqaipi qaiyi qaỹapalaxat ca lasauaxaset. Pacqajñichirigui dá'maq 'naac ñi qara'gaxala'.

Romanos 15:17

Ma' mashic seuelec so Cristo Jesús, ca' chaqaida chicqochigui da ñitoonaxac quiyim so'ueenataxantacot ñi qota'olec.

1 Corintios 15:3

Dá'maq 'avichiguiñi nqaishin quiyim sa'deenaxanaxañiigue dá'maq napaxaguinataxanaxac qanañaañim. Ca vichiguiño' sapaxaguiñiigue quiyim so Cristo ileualgoto naua qarasauaxasete', ipaquichigui dá'maq 'nerac yaua naneresañi la'qaatqa ñi qota'a.

Hebreos 10:11

Ca' ná'ogue na letaxaỹaxanqajnec na judioipi quena' retaxaỹa'pegue' ñi qota'a, na'maxare queetalec da lo'ueenataxanaxac quenaua'que naua na'xata' chaqai queetalec quiyim piltalec ỹaantapego ana nachitaxanataxanqate, 'eno'm najo nachitaxanataxanqateripi se ishit naqat na nasauaxaseteripi.

Hebreos 10:12

Qam so Jesucristo na' nañaanalta' sauaxat na nasauaxaseteripi, ca tot liỹa nañan. Ime, ca' nqa'xanñi queda loic ñi qota'a.

Hebreos 11:4

Ma' 'uo' da lpi'ỹaxac so Abel, ca' paguec loyac so lachitaxanataxanaxat caso lachitaxanataxanqate so Caín. Ca' ñi qota'a icoñiguit 'neeta'gue ca lo'yaxanec ca no'ueenataxac na' icoñiguit so lachitaxanataxanaxat. Ca 'eno'm tot qaica so Abel, qam da lpi'ỹaxac ñaqai queeta ra'qaataxantac.

Hebreos 2:17

Ca' chaqaida dá'maq quiyim so'maxare 'ec nqohin dá'maq no'ueenataxac na lqaỹaripi, qaiyi ỹovira'a qamaxaraic chaqai hualaxauaic nashi quiyim retaxaỹa'pegue' ñi qota'a quiyim naqat na lasauaxaset na qomyipi chicqochigui dá'maq quiyim nañaanalta' quiyim qaỹalauat.

Hebreos 7:27

Mesqai 'nejem ná'maq liỹa lashi na netaxaỹaxanqajanqaipi, ma' na'maxare ỹouen quiyim ỹalauat na iseripi, ca ỹaantapego naua'que naua na'xata' quiyim ỹavigaxat ana lachitaxanataxanqate, qaiyi qaỹapalaxate' naua chi lasauaxasete', ime, ca lot qalam na lasauaxaset na qomyipi. Qam so Jesús imaauec 'oonoqui' ỹaano so lachitaxanataxanaxat na' ỹaano dá'maq chi nachaalataxac.

Hebreos 8:3

Ná'ogue ná'maq lashi na netaxaỹaxanqajanqaipi qoỹana'ñi yi loma', ma' qaỹouen quiyim ỹaantapego ana nachitaxanataxanqate chaqai ana qoỹaano quiyim qaỹavigaxat. Vichiguiño' so Jesucristo qai'neeta ỹouen quiyim 'ue aca ỹaano lachitaxanataxanqate.

Hebreos 8:4

Quetqai so'maxare ñaqai hueetalec na 'laua, ca qaica ma' ishit quet quiyim netaxaỹaxanqajnec, ma' ñaqa 'ue ná'maq netaxaỹaxanqajanqaipi quiyim ỹaantapego ana nachitaxanataxanqate relaataxanlec so naqataxaquipi chicqo'ot so Moisés.

Hebreos 9:9

Dá'ogue dajo 'ec ca chi naloqojnaxanaxaqui quenauá'maq na'xata' seuqatauguilo nagui. Ma' ná'maq nachitaxanataxanqate chaqai aná'maq liỹa qaỹavigaxat huaugui so'maxare quiyim qoỹaanot ñi qota'a, naua'maxare se ishite' quiyim nachinñi nqai'ne' da la'deenataxanaxac ná'maq queetalec dajo.