Hebreos 4:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ma' quetqai so Josué inoxona'a nqai'en ca nco'mataxac so Israel llaalqaipi, ca ¿negue' quet ca 'neeta quiyim ñi qota'a 'ue quet ca ỹiquetapigui liỹa na'xa'a?

Hebreos 4:8 Iomraidhean Croise

Hechos 7:45

Ca' sojo nopele' 'au ỹacoñiguit so 'auaxaic qareta'allipi, ca' queetagui sá'ogue chaqai sauá'maq liỹareta'pe so Josué qai'neeta ne'xatete' co'na' nenoxonda'a najo 'laua. Qam najo 'laua neetalec so ỹoqa'a qomyipi ỹoreta'oguit, só'maq ñi qota'olec ỹo'daauec, ỹahotaque quiyim la'a' najo so 'auaxaic qareta'allipi. Ca' chaqaida 'neeta ỹovireta'guit so nashi David.

Deuteronomio 12:9

Ca' ỹaatqajam saqa' viriỹa yí'maq 'laua hua'ñi quiyim tot qaica ca idaxane' qamiri quiyim ñi qara'gaxala' qota'olec caqamiri ỹaanema qamiri ma'le quiyim ñiỹalec.

Hebreos 1:1

Queso 'auaxaic ñaxaripi ñi qota'a 'xoico' quen da letaxaỹaxac queso 'auaxaic qareta'allipi, qam ỹoreta'oguit na leloxoỹaxaquipi nqai'en quena' retaqa nqai'en so letaxaỹaxaquiripi.

Hebreos 4:9

Ca' ñaqa 'ue cajo na'xa'a co'mataxaqui naataho, qaỹahotaque nco'mataxaqui na lalamaxareteripi ñi qota'a.