Hebreos 4:3 - La'qaatqa ñi qota'olec Qota'olec & Qota'olec Novita Na Qomyipi

³ Qam qomi' ma' mashic seuaqlec, ca qomi' senoxonaxauo ma'le queca co'mataxac 'neetapega na'le ñi qota'a na' 'naaco': Vichiguiño' so'ỹa na'le so qomyipi, ca' shinapega so'maxare quiyim se inoxona'a aỹim ma'le quiyim ñco'mataxaua. Qam ñi qota'a shi'co' ỹomat na'le da lo'ueenataxanaxac na' ỹo'uet na 'laua.

Hebreos 4:3 Iomraidhean Croise

Génesis 1:31

Ca' ñi qota'olec iuana quiyim sá'ogue so lo'ueenatec ỹa'maqachiguiñi. Ca' chaqaido' dá'maq 'neeto' na'le na' ỹovirerec saua seis na'xata'.

Salmos 95:11

Ca na' so'o, ca' saanec da ỹa'qaatec quiyim se inoxona'a ma'le yi ñco'matqa'.

Éxodo 20:11

Ma' ỹim ra'gaxalari quecaua seis na'xata', ca so'uet na'le na piguim, na 'laua, ana huaaxai, chaqai ná'ogue nanchaqaina 'ue quena'maxare. Ca ñco'matec na' ime' saua seis na'xata'. Vichiguiño' lloyagaxat da ỹa'qaatec quesojo na'xa'a ñco'mataxaqui, ca soỹoote'oga quiyim sauaaque qayimaqachin quesojo na'xa'a.

Isaías 28:12

Shi'gue 'neetapegalo qamiri quesom: “Hua'ñi najo, ca' lo'yiiñi, hua'ñi najo, ca' nco'machiuec; ca nco'matec queda lesoochi ca soochaxaic.” Qam se na'xaỹaxañii.

Mateo 13:35

Dajo 'ue, qaiyi ipaquichigui dá'maq la'qaatec só'maq letaxaỹaxanqajnec ñi qota'a, co'na' ỹiriñi: Sa'qaataxan ma'le, qam sahote'e ca ỹaloqojnaxanaxaqui; sa'xate' nauá'maq se qaỹa'deene' caua leloxoỹaxague' shi'que na' ñaqai chita'gue ñi qota'olec ỹo'uet na 'laua.

Mateo 25:34

Ca' ca nashi 'naac ma'le casó'maq pa'aata'gue da loic: “Qamiri ỹalahi quenajo, qamiri nauá'maq qanqouagueque quiñi ita'a. Coñiguit dá'maq ralamaxarichii no'ueenataxanaxac mashic ỹa'maqatañi nouetaxanatec qaỹaqatqajantari' caqamiri shi'gue na' ñaqai chita'gue qaỹo'uet na 'laua quiñi qota'olec.

Efesios 1:4

Ñi qota'a qomi'o' lca'acse' chicqochigui nqai'en so Cristo na' saqa' ỹo'uet na 'laua, qaiyi seuqato'ot ñi'maxare quiyim co'teeta da qanachaalataxac chaqai qaica ca qarasauaxaset.

Hebreos 3:11

Vichiguiño' so'ỹa na'le so qomyipi, ca' shinapega na'le so'maxare, quiyim se inoxona'a aỹim ma'le quiyim ñco'mataxaua.

Hebreos 3:14

Ma' no'm ña'ñaxatqachiguiñi qolqatalec da qanaquitaxac 'nejem na' ñaqai 'avichiguiñi, soviraxatqa'ta ca lqodoc, ca' ñouanqau'a ma'le da 'neeta so Cristo.

Hebreos 9:26

Ma' quetqai chaqaido' 'neeta dajo, ca 'xoic quet quiyim qaỹalauat chicqochi'ñi na' ñaqai chita'gue qaỹo'uet na 'laua. Qam nagui ma' mashic imiguilo nqohine' naua na'xata', ca re'oq so Cristo nachaxan 'oonoqui', ca' dá'ogue ỹomachigui. Ma' chi nañaanalta' so'maxare, qaiyi naqat ná'ogue na nasauaxaset.

1 Pedro 1:20

So Cristo chaqai'eno' qaỹa'maxatetañi quiyim qoỹaano na' saqa'leca na 'laua, qam chaqainaquita nagui re'oq nqohin quenaua pa'aaterec na'xata', ma' qaỹahotaque quiyim ra'maxaiñi qamiri.