Hebreos 4:2 - La'qaatqa ñi qota'olec Qota'olec & Qota'olec Novita Na Qomyipi

² Ma' qai'neeta mashic qaỹa'xatema qomi' da na'qaatec chicqaugui da nca'laxa, 'nejem qomi' na'le so'maxare na' qara'qaataxanem. Qam queso'maxare 'ec qaica ca 'negue da na'qaatec, ma' 'qaatapega, qam sqai huelec.

Hebreos 4:2 Iomraidhean Croise

Hechos 13:46

Qam so Pablo chaqai so Bernabé se no'chirelec da letaxaỹaxague', ca 'neraco': —Qam 'eco' paguec la'maxa quiyim sa'auaxanaxe' qamiri quiyim sa'xataq da la'qaatec ñi qota'a ma' qamiri judío lase'; qam sqai coñiguit, chaqai sqa 'maxariñii quiyim viriỹau'a yi nca'laxa sqaica lqodoc, ca' nagui, ca qolaqpegue' na mesqai judioipi.

Hechos 3:26

Na' ñi qota'olec liỹa nca'laxatec so llaalec, ca' 'au ilatalo qamiri, ỹahotaque ỹaanouguilo qamiri cá'maq no'uen, qaiyi quecá'maq 'óna caqamiri ỹalate' caua se no'viiñi no'ueenataxaco.

Romanos 2:25

Ỹaatqajam llic 'ue ca 'ñitegue no'm 'ue ca netanec na roshicmaxa'e', no'm 'viichi' dá'maq 'naac na naqataxaquipi chicqo'ot so Moisés; qam no'm se na'xaỹaxañita, ca 'ec sqaica ca netanec na roshicmaxa'e'.

Romanos 3:3

Qam ¿negue' cá'maq 'neeta quiyim no'm 'ue ca se ipacqajñigui da na'qaatec? Ca' ¿ñi qota'olec ỹaxanño' da la'qaatec quiyim se ipacqajñigui?

1 Corintios 13:3

Chaqai no'm saan ná'ogue na hueetaỹot, chaqai no'm saanec na ỹoshicmaxa quiyim qaỹavigaxat, qam qaica ca i'xorenataxanaxa, qaiyiita qaica ca 'negue caỹim.

Gálatas 3:2

Ñigo' ñaqai 'xachiim aỹim nagui cá'maq 'neeta dajo: Na' 'viichitac da naqataxaquipi chicqo'ot so Moisés, ca ¿chicqochiquio' na'le quiyim coñiguit so Espíritu chicqo'ot ñi qota'a? loqo'm ¿chicqochigui na' viilec da na'qaatec 'xahichigui?

Gálatas 3:8

Ma' naua naneresañi la'qaatqa ñi qota'a ma' shi'gue idaansa'a dajo quiyim qai'neeta ná'maq sqai judío laseripi, ca' ñi qota'a ỹa'maxarenta ma'le ná'maq 'ue ca lpi'ỹaxac. Ca' naua naneresañi na'qaatqa 'nerac queso Abraham quiyim: “Ná'ogue na ỹoreta'oguit qomyipi 'ue ma'le ca nqouagaxa chicqotougui aqami'.”

Gálatas 4:13

Ma' qamiri mashic shi'gue 'yiiñii dá'maq 'neeta, na' 'aueta sa'xat caqamiri da na'qaatec chicqaugui da nca'laxa. Shi'ntegue na'le dajo, ma' sauaxat 'ue ca hueetailec yalolaxa.

1 Tesalonicenses 1:5

Ma' na' qomi' sa'xataq caqamiri da na'qaatec chicqaugui da nca'laxa, mese nodaachiriñi naua chi qara'qaatqa, ma' qai'neeta da lquesaxanaxa so Espíritu Santo, chaqai ỹaatqajam sa'deenqata quiyim dá'maq sa'xatqatac ỹaatqajam lliqueta. Qamiri 'yiiñita dá'maq qana'maqataxac na' salecqatauguilo qamiri, ma' sahoqotaque quiyim ra'maxaiñi.

1 Tesalonicenses 2:13

Ca' chaqaida dá'maq 'em quiyim saanqatacot da qana'aachic ñi qota'a, ma' na' na'xaỹaxañiỹa da sa'xatqatac la'qaatec ñi qota'a, ca' coñiguit, qam mesqai 'ñiita'gue ca chi la'qaatec ca qom, 'ñiita'gue quiyim qota'a la'qaatec. Qam lliqueta quiyim ỹaatqajam qota'a la'qaatec da'maxare, ma' re'oq da lo'ueenataxanaxac caqamiri na' viilec.

1 Timoteo 4:8

Ma' dá'maq lpa'ataxaric na qaroshicmaxa 'ue da 'negue, qam qailligueme'. Qam no'm ỹaatqajam qoyiquejlec ñi qota'a, ca' ỹaatqajam 'ue da 'negue. Ma' ỹaatqajam chicqaugui da 'aachicyaxac queda qanachaalataxac nagui, chaqai quecá'maq chaalataxac ñaqa naata.

Hebreos 11:6

Qam qaica quet cá'maq qaỹa'maxarenta quiñi qota'a no'm qaica ca lpi'ỹaxac. Ma' quiyim qanqo'neu'a ñi'maxare, ca' ca qom huelec quiyim 'ue ñi qota'a chaqai quiyim ñi'maxare ishiueten cá'maq nimitaque ñi'maxare.

Hebreos 3:12

Ca' qamiri ỹaqaỹa', richilliỹaño', 'neeto' lotqai 'ue caqamiri hueetagui ca nonogoxonaxac añi le'taxanata, ca ỹahotaque sqai quelec ñi qota'a nca'leetauec ma' sqai huelec ñi'maxare.

Hebreos 4:6

Qam 'ue ma'le ca inoxona'a cajo co'mataxac, ma' só'maq 'auaxaic 'xaỹa da na'qaatec chicqaugui da nca'laxa sojo qomyipi se ishit inoxono, ma' se na'xaỹaxan.

Santiago 1:21

Vichiguiño' 'xañiỹac ná'ogue ná'maq ỹo'maqajnac ca qom, chaqai ná'ogue na se no'uen. Qaidaata quiyim ne'xorishiñita coñiguit da la'qaatec ñi qota'a, dá'maq mashic qoỹanlgoto naua re'taxanatahi. Ma' dajo na'qaatec 'ue da lquesaxanaxa quiyim nca'laxaterec qamiri.

1 Pedro 1:12

Qam ñi qota'a ỹa'deenaxanaxanque quiyim dá'maq ỹo'ueetesac saua'maxare se lalamaxarete', ta'ta'a quiyim taỹauguilo qomi'. Ma' dajo dá'maq qaỹa'xatema nagui qamiri quesauá'maq ỹa'xate' da na'qaatec chicqaugui da nca'laxa, chicqochigui da lquesaxanaxa so Espíritu Santo só'maq qanela' queda piguim. Ca' nauajo nauá'maq só'maq nelaatqaipi piguim laseripi qai'neeta ỹahotaque iuanchigui.