Hebreos 3:6 - La'qaatqa ñi qota'olec Qota'olec & Qota'olec Novita Na Qomyipi

⁶ Qam so Cristo ma' ñaalec paguec ỹaqamaxateta da lo'ueenataxanaxac quiyi la'a' ñi qota'a, yijo na'a' chaqainaua naua qomi' naua'maxare, no'm qolqatalec ña'ñaxatqa'chiguiñi queda qarpi'ỹaxac chi ỹovireta'a ca lqodoc, ñitoonqata'gue ma' 'ue da qanaquitaxac.

Hebreos 3:6 Iomraidhean Croise

Mateo 10:22

Ná'ogue na qomyipi noquii'alo qamiri ma'le ma' 'xachitac da ỹeenaxat. Qam cá'maq na'ñaxachichiguiñi, chi ỹovireta'a ca lqodoc aca lqauaxaqui, ca' chaqaica cá'maq qanca'laxatec.

Mateo 16:18

Ca' ỹim shinac caqami' Pedro ma' qami' qa'. Ca' quenajo qa' so'xonejlec ma'le aca ỹo'ueenaxanaxaqui. Ca' vire'ta da nelauaxa se ishit ỹosogui ma'le aca'maxare.

Mateo 24:13

Qam cá'maq se nañaxanñi, chi ỹovireta'a ca lqodoc aca lqauaxaqui, ca chaqaica cá'maq qanca'laxatec.

Romanos 11:22

'Ajñi' quiyim chalego leuagaxaric ñi qota'a, qam qai'neeta qaica lqouagaxat. Ma' ñi'maxare se nqouaguegue na'le cá'maq 'ue ca ỹasauaxat, qam caqami', ca' huagaxaraic. Qam qui'salec da lqouagaxa; ma' no'me', qami' qai'neeta qarichaqairec.

Romanos 12:12

Netooñita'gue dá'maq quiyim 'ue da naquitaxaguii. Chaqai ỹaatqajam neualaxaviñi'e' quiyim 'ue ca ne'guenaxaguii. Chaqai sqai 'xañiñi da nqouagaxainaxaguii.

Romanos 15:13

Ca' ñi qota'olec ma' chicqo'ot da qanaquitaxac, no'xaguilo nqai'ne' qamiri queda netoonaxaguii chaqai queda ra'maxahi quiyim mashic viilec ñi'maxare, qaiyi no'qaachiguilo qamiri quedá'maq naquitaxaguii chicqochigui da lquesaxanaxa so Espíritu Santo.

Romanos 5:2

Ma' chaqaiso só'maq Cristo só'maq 'em quiyim seconaxaguit da lqouagaxa ñi qota'olec, qam dajo chicqochigui da qarpi'ỹaxac. Ca' dajo qanqouagaxa ỹaatqajam ña'ñaxatqa'tegue, chaqai 'ue da qanetoonaxac, ma' mashic 'ue da qanaquitaxac quiyim ñouanqau'a da lauaq ñi qota'olec.

1 Corintios 3:16

¿Sqa 'yiiñio' quiyim qamiri lauo' ñi qota'a, chaqai so Espíritu Santo chicqo'ot ñi'maxare neetanguilo qamiri?

1 Corintios 6:19

¿Sqa 'yiiñio' qamiri quiyim na roshicmaxahi mashic lauo' so Espíritu Santo, só'maq ỹaanema qamiri ñi qota'a, chaqai so'maxare mashic neetauguilo qamiri? Ca' qamiri se ralamaxarichii dá'maq no'ueenataxaguii,

2 Corintios 6:16

¿Peeta'a ỹa'maqachiguiñi quiyim qoỹanaugui ca nashiilec nqolac ca 'imec qouagaxainaxaqui quiñi qota'a? 'E', ma' qomi' lauooto' ñi qota'a ñí'maq nca'leetauec. Ma' ñí'maq qota'a 'naac: Sentaugui chaqai salequetaugui na'maxare; ca' chaqaỹim ná'maq ỹim qota'olec quena'maxare, chaqai na'maxare, ca ỹalamqateripi.

Gálatas 6:10

Vichiguiño' quiyim 'ue ca seshitaq so'ueetaq, ca 'ue ca so'ueetaq ỹa'maqachiguiñi quená'ogue na qomyipi, qam paguec quená'maq chi qarpi'ỹaxauaripi.

Gálatas 6:9

Ca' vichiguiño' 'maxaraic quiyim se qarco'te'guesop quiyim so'ueetqatac ca ỹa'maqachiguiñi; ca no'm se qarco'teuec, ca ma' ỹovita ca laloqo', ca seconaxaguit ca laseue' cá'maq so'ueetqatac.

Efesios 3:12

Chaqai chicqochigui so Cristo, ca' seuacqachiguiñi quiyim ñqo'naxau'a ñi qota'a, ma' 'ue da qarpi'ỹaxac queso'maxare.

Colosenses 1:23

Qam quedajo, 'maxaraic quiyim na'ñaxachichiguiñi queda rpi'ỹaxaguii, 'ñiitari' aca qo'paq ỹaatqajam qoỹorichi'nguilo caua lpa'yii. Chaqai sqai 'xañiñi da naquitaxaguii chicqochigui dá'maq na'qaatec chicqaugui da nca'laxa na' 'xaiỹa. Dajo dá'maq na'qaatec qaỹa'xatetac quenaua'que naua lahil na 'laua. Chaqai aỹim Pablo sotaanaxanegue quiyim sa'xat da'maxare.

1 Tesalonicenses 5:16

Qaidaato' da quiyim ỹaatqajam netooñitac.

2 Tesalonicenses 2:16

Ca' chaqaiñi ñí'maq qara'gaxala' Jesucristo chaqai ñi qota'olec, quedá'maq lqouagaxa, ca qare'xoren, ca' sqaica lqodoc nqai'en da la'maxa qouel chaqai da 'maxaraic qanaquitaxac,

1 Timoteo 3:15

qaiyi no'm sqaua' sovi', qam 'yiiñite' cá'maq no'uen no'ueenataxac queca 'óna quena llaalqaipi ñi qota'a, ná'maq qohinac mashic icoñiguit da la'qaatec ñi qota'a ñí'maq ỹaatqajam nca'leetauec, ma' na'maxare nolliitañi dá'maq ỹaatqajam llic leloxoỹaxac chaqai quepaqataxanteguelec.

Hebreos 1:2

Qam nagui quenaua pa'aaterec na'xata', ca' retaqauguilo qomi', chicqochigui nqai'en so llaalec. Ñi qota'a chicqochigui nqai'en so llaalec na' ỹo'uet ná'ogue nanchaqaina, ca' chaqaiso só'maq pataxalec quiyim idaanlec ná'ogue na'maxare.

Hebreos 10:19

Ca' vichiguiño' qamiri ỹaqaỹa', nagui, ca paguec qaica ca huapiguilo naua qovilli' quiyim senoxonaxau'a yi noma' qaica ishit ỹovira'a, chicqochigui nqohin na' qaỹocorerec saua leuo' so Jesucristo.

Hebreos 10:21

Ca' chaqaiso so Jesús só'maq chalego lecaic qaretaxaỹaxanqajnec reloqota'a ca la'a' ñi qota'olec.

Hebreos 10:23

Ca' ña'ñaxatqa'tegue da qanaquitaxac quedá'maq seuaqlec, sqai saxanaxañi, ma' ñi qota'a ipacqajanchigui dá'maq ỹachaxantac ma'le coqomi'.

Hebreos 10:35

Ca' vichiguiño' qaica ca ro'chiitaque, ma' chalego lecaic ma'le ca nishiuetenaxaguii.

Hebreos 11:1

Quiyim 'ue ca npi'ỹaxac, ca' chaqaida dá'maq ỹaatqajam 'chichiguiñi nqai'en quiyim seconaxaguit cá'maq ñauaanqataque, chaqai ỹaatqajam se'taxatqachiguiñi quiyim 'ue cá'maq se seuanaxa chaqaica cá'maq ỹaatqajam lliqueta.

Hebreos 3:14

Ma' no'm ña'ñaxatqachiguiñi qolqatalec da qanaquitaxac 'nejem na' ñaqai 'avichiguiñi, soviraxatqa'ta ca lqodoc, ca' ñouanqau'a ma'le da 'neeta so Cristo.

Hebreos 4:11

Ca' ña'ñaxataq, qaiyi senoxonaxau'a cajo co'mataxac, 'neeto' lotqai 'ue ca queetalec da 'neetari'o' na'le so qomyipi se na'xaỹaxan.

Hebreos 4:14

So Jesús só'maq llaalec ñi qota'a chaqaisoota qaretaxaỹaxanqajnec quiyim inoxona'a retaxaỹa'pegue' ñi qota'a. Vichiguiño' ỹaatqajam ña'ñaxataq qolqatalec dá'maq seuaqlec na'qaatec.

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.

Hebreos 6:11

Qam sahoqotaque quiyim quiñi 'óna caqamiri queetalec dajo, ỹovireta'a nqai'en ca lqodoc quiyim chaqaidaata 'neetari', qaiyi ipaquichigui nqohin ná'ogue ná'maq naquichitaque.

Hebreos 6:18

Ca' chaqaida dá'maq 'neeta quiyim 'vii naua dos quiyim se ishit quiyim 'ue ca qaỹadalaxat, ca quenaua'maxare, ca ñi qota'a se ishit na'majan. Ca' quedaua'maxare, ca' ñi qota'a ỹo'uet quiyim ỹa'maxaguilo qovilli', ca ña'ñaxatqachiguiñi, ma' mashic shi'gue sedaanqataque quiyim quepaqataxanlgoto qomi', ca' seuaqlec quedá'maq qanaquitaxac ỹaanema qomi'.

Hebreos 7:19

Ma' so naqataxaquipi chicqo'ot so Moisés qaica quet cá'maq ỹa'maxajñi. Qam nimiiñiguit nqohin da qanaquitaxac, ca' paguec loyac, ca chaqaida chicqochigui quiyim seshitaq ñqo'naxau'a ñi qota'a.

1 Pedro 1:8

Ma' qamiri 'xoriñii so Jesucristo, 'eno'm sqai huañiỹa; chaqai quiyim viilec so'maxare nagui quiyim sqai huañiỹa, ca' ỹaatqajam chalego da netoonaxaguii chaqai da lemaqachic, ca da'maxare se ishit qaichoxochichigui,

1 Pedro 2:5

Ca' qamiri qai'neeta 'ñiitari' ca qa' nca'leetauec, ca 'xañiỹac ñi qota'a quiyim ỹouene' qamiri, ca ro'ueenataxanalo qamiri queca lo'ueenaxanaxaqui se re'xogui, chaqai quiyim letaxaỹaxanqajanqa qamiri na qomyipi quiyim taxaỹa'pegue', quiyim nañaañi'tot ñi qota'a. Ca' 'ỹaañitapego na rachitaxanataxanaxachii se re'xogui, chicqochigui so Jesucristo, acá'maq ishit icoñi'chiguit ñi qota'a.

1 Pedro 4:17

Ma' mashic ỹovita yi laloqo' quiyim qaimit na lalamaxareteripi llaalqaipi ñi qota'a. Chaqai no'm dá'maq nimiitaxanaxac ỹovirouguilo qomi', ¿negue' cá'maq 'neeto' ma'le ca lqodoc ná'maq se na'xaỹaxana da la'qaatec ñi qota'a?

Apocalipsis 2:18

Qai'neeta lachita ma'le aca lere ñi nelaatec reloqota'a yí'maq mashic icoñiguit da na'qaatec na'ñi yi Tiatira. 'Ñiracsa': “'Eda da 'neeta da la'qaatec na llaalec ñi qota'a ñí'maq 'nejme' ca norec lauaq naua nqote', chaqai naua lapiaate' 'nejme' ca lecat leenaxat bronce nquiỹocsec, 'naacsa':

Apocalipsis 2:25

Qam lo'xoichiguiño' cá'maq mashic coñiguit, toco' ma' ỹovita ca na'xa'a quiyim ñovi'.

Apocalipsis 2:26

Qam cá'maq rauegaxan, chaqai quiyim queetalec ỹo'ueetetac dá'maq sahotaque quiyim qaỹo'uet, ỹoviraqteta'a ca lqodoc, ca' ca'maxare saanem da lquesaxanaxa quiyim ila' ná'ogue na ỹoreta'oguit qomyipi.

Apocalipsis 3:11

Sqaỹaloq ñovi'. Lo'qo'ichiriñi ná'maq mashic hueeto'ot aqami', qaiyi qaica ca rouootaxana'gue ma'le ca raviguiqui'.