Hebreos 3:5 - La'qaatqa ñi qota'olec Qota'olec & Qota'olec Novita Na Qomyipi

⁵ Ca' chaqaida 'neeta so Moisés ỹaatqajam ỹaqamqata quená'ogue ná'maq ỹo'uet quiyi la'a' ñi qota'a; dá'maq lo'ueenatec qaidaata quiyim ỹa'xatetac dá'maq ỹa'xat ñi qota'a ma'le.

Hebreos 3:5 Iomraidhean Croise

Éxodo 14:31

Ca' so Israel llaalqaipi na' iuanchigui da chalego lecaic lquesaxanaxa ñi qara'gaxala' quedá'maq 'ne'tegue queso Egipto laseripi. Ca' só'maq Israel llaalqaipi ỹa'dooto naua le'cootal ñi qara'gaxala'. Ca' queco'na'le, ca' ỹaatqajam qoyiuejlec ñi qara'gaxala' chaqai so lelaatec Moisés.

Éxodo 40:16

Ca' so Moisés ỹo'uet ipacqajanchigui dá'ogue dá'maq qaỹamaxalec quiñi qara'gaxala'.

Mateo 24:45

¿Nega'ỹo' cá'maq nelaatec qamaxaraic chaqai 'deenaxanqachaqaic, cá'maq reloxoỹa'a nqai'en sá'ogue so la'a' ca na'co' quiyim qui'ỹaxanac quiyim ỹovita ca laloqo'?

Mateo 25:21

Ca só'maq a'co' 'naaco': “Ajá'a, ỹa'maqachiguiñi, ỹaatqajam qami' no'uen chaqai qamaxaraic nelaatec. Ma' qami' qamaxaraic quecá'maq sqa looqui', ca' paguec lecaic cá'maq spataqairaxalec. Nagui nenoxoñiro, ca' qami' ñitoonaxaua.”

Lucas 12:42

Ca' so qara'gaxala' 'naaco': —¿Ca nega'ỹo' ca 'nejem ca nelaatec qamaxaraic chaqai 'deenaxanqachaqaic quecá'maq ca na'co' pataxalec cá'ogue ca louenec queca la'a' quiyim qui'ỹaxanataxan ma' ỹovirelec ca laloqo'?

Lucas 24:27

Ca' quiyi, ca ichoxotema da leloxoỹaxac da na'qaatec naneretañi, quenaua nerecse' la'qaatqa ñi qota'a ỹa'xatesa'guit so'maxare, ỹachigoxochichiguilo saua 'avichiriñi lerecse' so Moisés, ỹovira'oga nqai'en aso pa'aatec lerecse so la'qaataxanqajanqaipi ñi qota'a.

Lucas 24:44

Ca co'na' ime, ca 'naapegalo' saua'maxare, 'naaco': —Dá'maq sovirau'a chaqaida dá'maq shi'gue shinac na' llaq ñauequetecto qamiri: quiyim ipaquichigui nqohin ná'ogue ná'maq qoỹeretañi caỹim quena nelaataxanaxaquipi queso Moisés, chaqai ana lerecse so la'qaataxanqajanqaipi ñi qota'a, chaqai so nerecseripi leenaxat No'ueenqaipi.

Juan 5:39

Qamiri ỹaatqajam 'ue da reuogoxohi quena' napaxaguiñitapegalo naua naneresañi la'qaatqa ñi qota'a, ma' 'ue da naquitaxaguii quiyim chigoqchiỹaugui quiyim nachiỹa ca nca'laxa sqaica lqodoc. Qam chaqainaua naua naneresañi na'qaatqa nauá'maq ỹa'xatesa'guit aỹim.

Hechos 28:23

Ca vichiguiño' qaỹa'uo' so na'xa'a naloqojnec. Ca co'na' ỹovire'oga sojo na'xa'a, ca 'xoic so qomyipi ỹovira'a yi neeta'ñi so Pablo. Ca' ñaq nete'eta na' retaqa so Pablo chi ỹovireta'guit so avit, ỹa'xatetac da lo'ueenataxanaxac ñi qota'a ma' ỹoiquentac ná'ogue najo. 'Ne'tegue dajo so Pablo, ma' ỹahotaque qoyiuelec so Jesús. Vichiguiño' ỹachigoxochichigui da la'qaatec so naqataxaquipi chicqo'ot nqohin na'le so Moisés, chaqai ana lerecse so letaxaỹaxaquiripi ñi qota'a.

Hechos 7:37

Chaqai chaqaiso so Moisés só'maq 'naapega so Israel llaalqaipi, 'naaco': “Ñi qota'olec nelatalo qamiri ma'le ca la'qaataxanqajnec, qam ca'maxare chi ralamaxarichii rqaỹahi, 'nejem aỹim na' yila'. Na'xaỹaxañiỹo' ma'le ca'maxare.”

Romanos 3:21

Qam nagui le'en nqaishinaq so naqataxaquipi. Ca' ñi qota'olec ỹa'deenaxanaxanque dá'maq 'neeta quiyim ỹa'maxarente' qomi' ñi'maxare. Ca' dajo re'oq quena' qaretaqalec aná'maq lere hueetalec na naqataxaquipi chaqai quenaua la'qaatqa so qota'a letaxaỹaxaquiripi.

1 Corintios 4:2

Ca quiyim cá'maq 'ue ca qaipataxalec, no'uen quiyim ỹaatqajam nepeet quecá'maq icoñiguit.

Deuteronomio 34:5

Ca' chaqaida dá'maq 'neeta na'le so Moisés só'maq lelaatec ñi qota'olec ileualec yi 'laua Moab, ma' chaqaida dá'maq 'naaco' na'le ñi qara'gaxala'.

1 Timoteo 1:12

Saanot da ña'aachic ñi qara'gaxala' Jesucristo, ñí'maq nañaañim da ña'ñaaqataxac quedajo, ma' ỹa'den quiyim yaqamqata, ca' pataxailec da lo'ueenataxanaxac.

Hebreos 1:1

Queso 'auaxaic ñaxaripi ñi qota'a 'xoico' quen da letaxaỹaxac queso 'auaxaic qareta'allipi, qam ỹoreta'oguit na leloxoỹaxaquipi nqai'en quena' retaqa nqai'en so letaxaỹaxaquiripi.

Hebreos 3:2

Ma' so Jesús ỹaatqajam qamaxaraic quiñi qota'a, ma' roỹaxana quedajo no'ueenataxanaxac, ca 'nejem so Moisés ỹaatqajam ỹaqamaxateta da lo'ueenataxanaxac quiyá'ogue yi la'a' ñi qota'a.

Hebreos 3:4

Canchaqaica 'imec 'ue cá'maq lo'ueenatec; qam ñi qota'a ñí'maq ỹaatqajam ỹo'uet ná'ogue nanchaqaina 'ue.

Hebreos 8:5

Qam dajo lo'ueenataxanaxac na netaxaỹaxanqajanqaipi chi ladenqataxanaxac chaqai 'ec la'al cá'maq hueeta'gue da piguim. Sa'deenqata quiyim nadenqataxanaxac, ma' so Moisés co'na' sham ỹo'uet ca lauo' ñi qota'a, qam ñi'maxare 'naaco' na'le queso'maxare: “'Ajñite' ma'le, ca 'viichi' dá'ogue dá'maq no'ueenataxac. Denaxachichirigui cá'maq no'ueenataxac só'maq sachaxanem qami' na'le cada quemaralec ladocai leenaxat Sinaí.”

Hebreos 9:24

Ma' so Cristo se inoxonougui aca no'ueenaxanaxaqui lo'ueenata ca chaqai qom, ma' so'maxare chi lqui'i acá'maq ỹaatqajam no'ueenaxanaxaqui. Ta'ta'a quiyim ỹaatqajam inoxonot na piguim, ca' nagui, ca inoxona'a ñi qota'a quiyim retaqalgoto qomi'.

Josué 1:2

—Ma' mashic tot qaica so ilaatec Moisés, ca' qami' chaqaqami' ná'maq ỹapaca'ta nqai'ñi' ana lachiugue Jordán, riỹa'isa'ta ná'ogue na llaalqaipi so Israel, qaiyi quiipegue' yí'maq 'laua saanema qamiri.

Josué 1:7

Qam chaqaidaata sahotaque quiyim na'ñaxachi' chaqai se illivigui na qavilli', chaqai ỹaatqajam pacqajñichiriguilo na ỹaqataxaco ỹaanema qami' na'le so ilaatec Moisés. Ỹaatqajam pacqajñichiriguilo naua'maxare, qaiyi 'ue ca 'negue cá'maq canchaqaica coñita.

Apocalipsis 15:3

Ca' so qomyipi ỹo'ueentac da lo'ueenec so Moisés só'maq lelaatec ñi qota'a chaqai da lo'ueenec so 'ec qagreta llaalec, 'neetasa': Ỹaatqajam chalego lecaic chaqai da loyac ná'ogue ná'maq ro'ueenachiqui', qami' qara'gaxala', qami' qota'olec qaica ca qalañirac. Ỹaatqajam ỹalamqate' chaqai lliquete' naua nayigohi', qami' lashi ná'ogue na ỹoreta'oguit qomyipi.