Hebreos 3:12 - La'qaatqa ñi qota'olec Qota'olec & Qota'olec Novita Na Qomyipi

¹² Ca' qamiri ỹaqaỹa', richilliỹaño', 'neeto' lotqai 'ue caqamiri hueetagui ca nonogoxonaxac añi le'taxanata, ca ỹahotaque sqai quelec ñi qota'a nca'leetauec ma' sqai huelec ñi'maxare.

Hebreos 3:12 Iomraidhean Croise

Génesis 8:21

Ca co'na' ỹovitot ñi qara'gaxala' da lo'daxa na lahita. Ca 'naaco': —Nagui, ca' tot qaica ma' liỹa quet so'uet ca se ỹa'maxañi sauaxat na qom, ma' naqueta'ogue' na qomyipi quiyim qaica ca liỹa la'deenataxanaxac, qaidaata dá'maq se no'uen. Chaqai tot nilliviñi nqaishin, totqai shine'tegue nagui.

Proverbios 1:32

Ná'maq se retanaxanac, ca' ileuapeguem ma'le quiyim qaica ca letanaxanaxac, chaqai ná'maq se ra'deenataxan, na'laxatañi dá'maq quiyim qaica ca ỹa'den;

Isaías 59:13

Ỹaatqajam spa'guenqatac chaqai se qaraqamaq quiñi qara'gaxala' qota'olec, se sahoqotaque qolaxalec, socachaqata'a quiyim sa'xataq na se no'uen, sahoqe ca qana'deenaxac, ca' sayinaq na liỹa qom.

Jeremías 18:12

Na qomyipi ishit 'naapega qami' ma'le: ¡Qaica quet cá'maq 'neeta quiyim taqai'sac! Qomi' sapacqajanqauec dá'maq qomi' qarqo'ta, qolqatalec dá'maq se no'uen taata'gue añi qare'taxanata. (18.13-23 Qaỹa'xalentac so Jeremías. Da nqouagaxainaxac so Jeremías.)

Jeremías 2:13

Na ỹalamaxareteripi mashic dos daua lasauaxasete': yalat ca'e aỹim, ỹim lahi' na huaxaỹaq ỹo'uet da nca'laxa, ca ỹo'uet aná'maq chi li'ỹa, ana ni'ỹa raqac, ca' sqai vigui na huaxaỹaq. (2.14-37 Dá'maq 'neeta quiyim se ỹaqamaq yi Israel. Da npa'guenaxac yi Israel, ca ta'chiguit quiyim qaỹa'ue ca nouaxanaxaset.)

Oseas 1:2

Ca só'maq la'qaatec ñi qara'gaxala' só'maq ỹahotaque ỹa'xat so Oseas 'neetasa': Na naalec na 'laua Israel 'ec nedequen, ca' noỹootec caỹim. Ca' qami' denaxachichirigui, mo'e', daañiraque aca roua'e' nanatqa lo'o', ca' vite ca qachaalaxahi' caca'maxare, qaiyi llaalqa ma'le aca 'aalo nanatqa lo'o'.

Mateo 16:16

Co'na'le, ca' so Simón Pedro 'naaco': —Qami' ná'maq qami' nashi nca'laxaqui, qami' ná'maq qami' llaalec ñi qota'olec ñí'maq se ileu.

Mateo 24:4

Co'na'le, ca' so Jesús 'naaco' quesaua'maxare: —Rovichiỹari'o', qaiyi qaica ca rayiñii.

Marcos 13:23

Qam ỹaatqajam ra'iichigui dá'maq shinac caqamiri, ma' ỹim shinac na' saqa'leca canchaqaica.

Marcos 13:33

Vichiguiño' qamiri ỹaatqajam nelohitauec, chaqai na'maxachitañi chaqai nqouagaxaiñitac, ma' sqa 'yiiñii quiyim ỹovita ca laloqo' dajo.

Marcos 13:9

Qam chi ncochiỹalta' qamiri, ma' qoỹaaneu'alo qamiri ma'le na nashillipi, chaqai huaugui ma'le ana lapoxoqui na judioipi, ca qaỹouaxanta'pe qamiri. Vire'ta qaraviguiu'a ma'le na nashillipi neloxoỹaripi quena qom chaqai ná'maq lashi na nashillipi sovitapigui aỹim. Ca' quiyi, ca' shichii 'xachii aỹim quena'maxare.

Lucas 21:8

Ca' so Jesús 'naaco': —Rovichiỹari'o' ma'le, 'neeto' 'ue ca rayiñii. Ma' 'xoic ma'le ca anac, naquetaugui da ỹeenaxat, ca 'naac: “Aỹim chaqaỹim ná'maq nashi nca'laxaqui”; chaqai “Nagui ỹovita yi laloqo'.” Qam qamiri se coỹari'tegue.

Romanos 11:21

Ma' quiyim ñi qota'olec se i'xorene' saua lalamaxarete lasote na' ichaxarec, ca qai'neeta qami' se re'xoriñi' ma'le.

1 Corintios 10:12

Ca' vichiguiño' quiyim 'ue ca 'neetapega ra'ñichiguiñi, ca' no'uen quiyim netelañi, qaiyi sqai huaañi.

Colosenses 2:8

Rovichiỹari'o', 'neeto' lotqai quii'uegue ná'maq ỹahotaque rayiñii, ỹahote'e ná'maq na'deenaxanaxa huelec najo chaqai na sqai llic na'deenataxanaxac. Ma' na'maxare sqai chicqochigui so Cristo; ta'ta'a ná'maq chi no'ueenataxac na qomyipi, chaqai quedá'maq la'deenataxanaxac chaqainaata ỹa'deentapega ná'maq nanchaqaina re'qoochigui.

1 Tesalonicenses 1:9

Ma' chaqaina na'maxare ỹa'xatetac dá'maq 'neeta na' sovitaxalo qamiri, chaqai ỹa'xatetac dá'maq 'neeta da rquelolaxahi coqomi', chaqai dá'maq 'neeta na' quiỹa'ahi na nashiilec nqolaquipi, ca' quiilec 'ueenataxañiỹot ñí'maq ỹaatqajam qota'a nca'leetauec, mesqai chi nadenqatec.

Hebreos 10:31

¡Chalego lichic quiyim seuqo'oto naua lqai'laqate' ñi qota'a ñí'maq chaqai 'neetari' nca'leetauec quiyim 'ue ca naqajñi!

Hebreos 10:38

Qam cá'maq ỹim secoñi'chiguit quiyim chaqaica cá'maq 'maxaraic da no'ueenataxac, ca' da lpi'ỹaxac chicqochigui da lca'laxa. Qam no'm pilec, ca' se ishit quiyim ñitoonta'pegue ca'maxare.

Hebreos 12:15

Richilliỹaño' quiyim 'neeto' 'ue ca se icoñiguit da lotaanaxanaxac ñi qota'a ỹachaxantac, qaiyi qaica ca 'nejem aca nanecse chim quiyim na'axat chaqai idoon nqai'en aca liỹa.

Hebreos 12:22

Qam qamiri mashic nqo'ñiu'a aso quemaralec ladocai leenaxat Sión, yí'maq na'a' lodegaxat ñi qota'a ñí'maq sqaica lqodoc nca'leetauec, yí'maq qohinac Jerusalén hueeta'gue da piguim, yí'maq hueete'e ná'maq ỹaatqajam 'xoic nelaatqaipi piguim laseripi,

Hebreos 12:25

Vichiguiño' ỹaatqajam richilliỹaño' 'neeto' lotqai 'ue ca se icoñiguit ñí'maq retaqatapegalo qomi'. Ma' sqaica ca qohit quesó'maq se na'xaỹaxano' na'le ñi qota'a na' qatetapega so qomyipi quenajo 'laua, ca ¿huose'queto' qohite' qomi' no'm se ña'xaỹaxanaxa ñí'maq qota'a neteltapegalo qomi' neeta'gue da piguim?

Hebreos 3:1

Vichiguiño' qamiri ỹaqaỹa', ma' mashic qamiri lca'acse' ñi qota'a chaqai roỹaxanalo qamiri quiyim qamiri lalamqate', ca ỹaatqajam ra'ijlec so Cristo Jesús só'maq nelaatec quiyim qara'gaxala' quiyim retaxaỹa'pegue' ñi qota'a chicqochigui quiyim seuaqlec da na'qaatec.

Hebreos 3:10

Ca vichiguiño' so'ỹa na'le so qomyipi, ca' shinac: “Se neme da lo'maxac ma' queeta'pegue' da chi la'deenataxanaxac, chaqai se ỹa'maxaren iuanalo naua ñayicyaxaco.”

Hebreos 3:19

Ca' sa'deenaq quiyim se inoxono' na'le, ma' se na'xaỹaxan.

Hebreos 9:14

Ca no'm chaqaida 'neeta dajo, ¡huose'quet sqai paguec lquesaxanqa' saua leuo' so Cristo! Ma' chicqochigui da lquesaxanaxa so Espíritu sqaica lqodoc quiyim so Cristo chi nañaanot ñi qota'a, 'nejem aca nachitaxanataxanqate quiyim ỹaatqajam co'teeta. Ca' saua leuo' co'taxate' yi qara'deenataxanaxac loma' quenauá'maq qarasauaxasete' rauecqataxansa'a da nelauaxa, qaiyi seshitaq so'ueenataxanqot ñi qota'olec se neme nca'leetauec.