Hebreos 3:10 - La'qaatqa ñi qota'olec Qota'olec & Qota'olec Novita Na Qomyipi

¹⁰ Ca vichiguiño' so'ỹa na'le so qomyipi, ca' shinac: “Se neme da lo'maxac ma' queeta'pegue' da chi la'deenataxanaxac, chaqai se ỹa'maxaren iuanalo naua ñayicyaxaco.”

Hebreos 3:10 Iomraidhean Croise

Génesis 6:6

Ca' ỹaatqajam netocteta'pegue quiyim ỹo'ueeto' na'le na qom, ca ỹaatqajam 'xoic da lqui'ic nqai'en.

Salmos 67:2

qaiyi ná'ogue na ỹoreta'oguit qomyipi quena 'laua ỹa'den dá'maq vi'saque chaqai da nca'laxa.

Salmos 95:10

Quecaua cuarenta ñaxari so'ootapega so qomyipi, chaqai shinac: Najo qomyipi chalego da llitaxanaxac; ¡se na'xaỹaxanalo naua ilaataxanaxaco!

Isaías 28:7

Chaqai 'ue na liỹa rapaqategueri' nqohin quena lataxa, chaqai 'ue na qoñicqojlec sauaxat da lquesaxanaxa na lataxa: na netaxaỹaxanqajanqaipi chaqai na letaxaỹaxaquiripi ñi qota'olec rapaqatajlec sauaxat da lquesaxanaxa ná'maq ne'teetapigui, na'laxatañi yi la'deenataxanaxac sauaxat na lataxa; huaañi sauaxat da lquesaxanaxa na ne'teetapigui, chi rapaqategueri' ỹit quena' 'ue da leuanaxanaxac, se nachiñigui ca llicyaxac ca 'neeta quena' imit ca nasauaxaset.

Jeremías 4:22

Na ỹalamaxaret ỹaatqajam se nouoogoñi, se no'uenegue aỹim —'naac ñi qara'gaxala'—. Ỹaatqajam ñaalqaipi se na'maxat, ma' ỹaatqajam se retanaxan. Ỹaatqajam ỹa'den quiyim ỹo'uet na se no'uen, qam se ỹa'den ỹo'uet ca ỹa'maqachiguiñi.

Mateo 20:24

Ca co'na' saua liỹa' diez lapaxaguinatqa 'xaita dajo, ca ro'ỹalo saua dos nqaỹa'.

Marcos 3:5

Co'na'le, ca so Jesús ro'oogui na' ỹamataugui so qomyipi. Ca' 'ue da lachicoxo, ma' saua'maxare se na'xaỹaxane'. Ca 'naapego' só'maq ỹale: —Ỹeguec nqai'ñi' na rqai'laxachi'. Ca' ỹeguec nqai'en da lqai'laxat, ca chaqa'ma' imeuec.

Juan 8:45

Qam ma' ỹim sa'xat da lliqueta, ca' qamiri sqai viilec aỹim.

Romanos 1:28

Ma' mashic tot ỹa'deenapega ñi qota'a, ca' ñi'maxare ca'e na'maxare quedá'maq se no'uen la'deenataxanaxac, qaiyi ỹo'uet ná'ogue ná'maq se no'uen.

Romanos 3:7

Qam no'm dá'maq ỹa'maachic paguec re'oq nqai'en da lauaq dá'maq ỹaatqajam llic no'ueenataxac ñi qota'olec, ca ¿chi'neco' ma' qaimit aỹim, qohinta'gue aỹim quiyim 'ec ỹim sauaqhuaic?

Efesios 4:30

'Neeto' lotqai rachico nqai'ñii ñi Espíritu Santo chicqo'ot ñi qota'a. Ma' quiñijo Espíritu chicqochigui quiyim qaitane' qamiri, qaiyi qamiri lalamaxarete' ñi qota'a, chi ỹovireto'o' cá'maq na'xa'a quiyim ñi'maxare ỹaanema qamiri cá'maq ỹaatqajam naloochiguiñi nca'laxa.

Hebreos 3:12

Ca' qamiri ỹaqaỹa', richilliỹaño', 'neeto' lotqai 'ue caqamiri hueetagui ca nonogoxonaxac añi le'taxanata, ca ỹahotaque sqai quelec ñi qota'a nca'leetauec ma' sqai huelec ñi'maxare.