Hebreos 3:1 - La'qaatqa ñi qota'olec Qota'olec & Qota'olec Novita Na Qomyipi

¹ Vichiguiño' qamiri ỹaqaỹa', ma' mashic qamiri lca'acse' ñi qota'a chaqai roỹaxanalo qamiri quiyim qamiri lalamqate', ca ỹaatqajam ra'ijlec so Cristo Jesús só'maq nelaatec quiyim qara'gaxala' quiyim retaxaỹa'pegue' ñi qota'a chicqochigui quiyim seuaqlec da na'qaatec.

Hebreos 3:1 Iomraidhean Croise

Salmos 110:4

Ñi qara'gaxala' qota'olec ỹaanec da la'qaatec, ca' se netogot: Nagui, ca qami' netaxaỹaxanqajnec sqaica lqodoc ma' qaretaxaỹa'pegue' aỹim, 'ec na'le so Melquisedec.

Isaías 1:3

Ca ñii'lola no'uenegue ca na'co' chaqai ca 'ashin ỹa'den ca nqui'ỹaxanatqo'; qam ná'maq ỹalamaxaret llaalqaipi so Israel se ỹa'deenaỹa' chaqai qaica ca la'deenataxanaxac.

Isaías 5:12

Nodaachiguiñi na niviigue 'ue lequet, nouaxana chaqai ana npe'te, chaqai 'xoic na lataxa quenaua nqui'ỹaxaco; qam se nqovilga dá'maq ỹo'ueetetac ñi qara'gaxala', se ỹa'deena'a ná'maq ỹo'ueetetac.

Ezequiel 18:28

Qam no'm ỹa'deena'uegue dá'maq se no'uen ỹo'ueetetac, ca' dá'ogue ỹaxanñi, ca' ỹaatqajam llic nca'leuec, se ileu.

Hageo 1:5

Ỹim na'gaxala' sqaica lqalanec, shinac nagui caqamiri quiyim ỹaatqajam, 'ajñita dá'maq 'ñiitari'.

Hageo 2:15

Ca' nagui chaqa'ma' taachi'ñi quiyim qamiri 'yiiñitapega dajo. Ma' saqa' 'iiñi quiyim no'xoñiishiguim ca no'ueenaxanaxaqui,

Juan 17:3

Ca' dajo nca'laxa sqaica lqodoc chicqochigui quiyim qaiuañiraxaua', quiyim ỹaatqajam qaqamite' qami' qota'olec, chaqai na qachaalqui' Jesucristo ná'maq qami' nelachi'.

Juan 20:21

Ime, ca' so Jesús lotqai liỹa 'naac: —'Ue ma'le ca reuagaxahi. Ca' chaqaida dá'maq 'ne'tegue quiyim yila' ñi qota'a, ca' chaqaida shine'tegue quiyim selate' qamiri.

Juan 20:27

Ime, ca 'naaco' queso Tomás: —Shichiro quenajo ana rpalaaqachi'i', chaqai 'ajñi' ana ñapoquena. Quitot ana napoquena'e', ca' shichiro quena ỹahi. Totqai qollictaxañite', ta'ta'a quiyim virelec.

Hechos 1:15

Ca 'uo' so na'xa'a, co'na' lapoota'ta', ca' so Pedro nachajñi quena lavinñi so nqaỹaripi, 'uo' ca ciento veinte so qomyipi, ca 'naaco':

Romanos 11:17

Ca 'uo' ná'maq judioipi 'ec lasote aso nanecse leenaxat olivo mashic shi'gue qaichaxauec. Ca quiyí'maq chicqochi'ñi, ca' qaỹa'deuo qami', ma' qami' 'ñiisari'o' na'le aca olivo hueuec. Ca shichi' nouañirau'alo saua lpa'yii chaqai da lca'laxa aso nanecse olivo.

Romanos 15:27

Ca 'eco' 'maxaraic nqai'en quiyim ỹo'uet dajo, chaxaso' ma' llic 'ue ana na'uale quiyi'maxare. Ma' 'nejem ná'maq mashic icoñiguit da na'qaatec quena judioipi nouane'te' na'le quená'maq no'uen se re'xogui ná'maq sqai judioipi, ca na'maxare nagui ỹotauan quena re'qoochigui nesallaxa ná'maq mashic icoñiguit da na'qaatec quena judioipi.

Romanos 15:8

Ma' quedá'maq shinac, quiyim so Cristo nanac ma' ỹahotaque quelola na judioipi, ma' ỹahotaque ipacqajanchigui ỹo'uet dá'maq qaỹachaxantapeguem na'le so 'auaxaic qareta'allipi, qaiyi ichoxot quiyim ñi qota'olec ipacqajanchiguilo nauá'maq ỹachaxanta'pe.

Romanos 9:24

Ma' ñi qota'olec na' roỹaxanalo qomi', ca' 'ue na ỹachigoxotaugui na judioipi chaqai na liỹaripi ỹachigoxotaugui na mesqai judioipi.

1 Corintios 1:2

Ca' nagui selatalo qamiri ana ỹerecse, qamiri ỹaqaỹaripi ma' mashic viilec ñi qota'a, ñiita'ñi na na'a' lodegaxat Corinto. Qamiri lalamaxarete' ñi qota'a, ma' na'yiitau'a so Cristo Jesús. Ñi'maxare roỹaxañiỹaxaua' ma' ỹahotaque quiyim co'taxat da nachaalataxaguii, 'nejem ná'ogue na 'neeta'ogalo naua liỹa' 'lauari ná'maq mashic nqouagaxaintacot so qara'gaxala' Jesucristo, só'maq la'gaxala' na'maxare, neete'm qomi'.

1 Corintios 10:17

Ca 'eno'm qomi' 'xoic, qam qomá'ogue sa'guinaq ñouanqachigui so 'oonoqui' pan, ca vichiguiño' 'ec qomi' 'oonoqui' noshicmaxa.

1 Corintios 9:23

Ca' quená'ogue sadenaxat, ma' sahotaque quiyim ñouanau'a na chicqaugui dajo na'qaatec chicqaugui da nca'laxa.

2 Corintios 1:7

Ma' qomi' ỹaatqajam ñaquitqatalgoto qamiri ma' sa'deenaq quiyim nouañiỹau'a da ne'xoric, chaqai qai'neeta nouañiỹau'a da qana'ñaaqataxac chicqo'ot ñi qota'a.

2 Corintios 9:13

Ca yaua'maxare imaqachine' ma'le ñi qota'a, ma' quedajo rotaanaxanaxaguii, ca re'oq quiyim na'xaỹaxañii'ta da na'qaatec ỹa'xat so Cristo. Chaqai qai'neete' yaua'maxare imaqachine' ma'le ñi qota'a queda rqouagaxahi quiyi'maxare chaqai quená'ogue.

Efesios 3:6

Dajo se re'xogui leloxoỹaxac 'neetasa': quiyim chicqochigui nqohin da na'qaatec chicqaugui da nca'laxa quiyim ná'maq sqai judioipi qai'neeta icoñiguit dá'maq ỹachaxantac ñi qota'a, 'nejem nqohin ná'maq judioipi, chaqai qai'neeta ỹalecau'a so loshicmaxa so Cristo, chaqai qai'neeta ỹalecau'a ná'maq ỹachaxantac ñi qota'a queso Cristo Jesús.

Efesios 4:1

Ca' vichiguiño' saqatalo qamiri quiyim na'maxachita ma' mashic qaroỹaxanalo qamiri quiñi qota'a, ma' qaycoñiretari', sasouetapigui so qara'gaxala'.

Efesios 4:4

'Ue so 'oonoqui' noshicmaxa lapohitagui, chaqai 'oonoqui' so Espíritu Santo. Ca' qai'neeta roỹaxanalo qamiri ñi qota'a, qaiyi 'oonoqui' ca naquitaxaguii.

Filipenses 3:14

qaiyi sovirau'a cá'maq naloqojnec chaqai quiyim ỹaueguec cá'maq ỹachaxantac ñi qota'a quiyim roỹaxanta'lo qomi' queda piguim quiyim seconaxaguit, ma' ña'daqatau'a so Cristo Jesús.

Colosenses 1:12

chaqai 'ỹaañitacot da na'aachicyaxaguii ñi qota'olec, ma' ñi'maxare ỹa'maxatetañi ỹaanem cá'maq ỹachaxantac ná'maq lalamqateripi ma' ỹovita quiyim seuqataugui cá'maq lauaq ñi'maxare.

Colosenses 1:22

ỹachigoxochichigui da re'qoochigui lelauaxa so Cristo. Dajo 'ne'tegue, ma' ỹahotaque nachaalataxando qamiri, qam co'chiita quecá'maq hueete'e so'maxare, quiyim 'ec qaica ca ro'maxashichii chaqai ca rasauaxashichii.

Colosenses 3:12

Ma' ñi qota'a i'xorene' qamiri, ca nca'au'alo qamiri ma' quiyim qamiri lalamaxarete'. Ca no'uen quiyim qamiri qouagaxanqachaqaqa, 'naxanaxaraqa, sqai qamiri nemaqajnaxaqa, nemanataxaiqa chaqai hualaqhuaqa.

1 Tesalonicenses 2:12

Chaqai saqataxalo qamiri quiyim ỹaatqajam quiijlec da leloxoỹaxac ná'maq mashic queeta'pegue' ñi qota'a, ma' roỹaxanalo qamiri, qaiyi viriỹau'a nqai'en da lo'ueenataxanaxac ma' ỹoiquentac ná'ogue najo chaqai da lichoxoric.

1 Tesalonicenses 5:27

Saqatalo qamiri nagui ma' ỹim lelaatec so qara'gaxala', quiyim qaretaqalec najo lere, 'qaatac nqohin ná'ogue na qarqaỹaripi.

2 Tesalonicenses 1:11

Ca' chaqaida dá'maq 'em quiyim qomi' ñqouagaxainqatalgoto qamiri, sashiilqatac ñi qota'a quiyim ỹa'maxate'teque qamiri mashic qamiri loỹaxanqate'. Chaqai sashiilqatac ñi qota'a, ma' ñí quesaxanaxaic quiyim ipacqajanchigui ná'ogue ná'maq no'uen viitaque qamiri, chaqai ná'maq 'viichitac queda rpi'ỹaxaguii.

2 Tesalonicenses 2:14

Ca' chaqaida dá'maq 'em quiyim ñi qota'a roỹaxanalo qamiri, ma' ỹahotaque quiyim coñiguit da nca'laxa chicqochigui nqai'en da na'qaatec sa'xatqatac, qaiyi viriỹau'a da lauaq so qara'gaxala' Jesucristo.

1 Timoteo 6:12

Na'ñaxachirelec da rpi'ỹaxaqui', lo'qo'ichiriñi dá'maq nca'laxa sqaica lqodoc. Ma' chaqaida dá'maq 'em roỹaxañiraxaua' ñi qota'a, chaqai mashic ime quiyim nachaachiriñi 'xachisac da rpi'ỹaxaqui', chaqai mashic 'xoic ná'maq ỹa'yiinchigui qami'.

1 Timoteo 6:2

Chaqai no'm ca nelaatec 'ue ca na'co' quená'maq mashic icoñiguit da na'qaatec, ca' paguec na'xaỹaxane'ta, ma' mashic lqaỹa lpi'ỹaxaua. Lama'xa no'ueenaxat cá'maq 'neetari', ma' cá'maq ro'ueenataxantacot qai'neeta icoñiguit da na'qaatec chaqai mashic nauochaxaua lqaỹa. Ỹaatqajam paxaguinataxañitegue chaqai 'xachi' dajo.

2 Timoteo 1:9

Ñi'maxare nca'laxaterec qomi' chaqai roỹaxanalo qomi' quiyim saanqot da qanachaalataxac. Qam mesqaida quiyim 'ue ca lo'yaxanec qaro'ueenataxanaxac, qam dajo chaqai 'ne'teguelo qomi' ñi'maxare, ma' ỹauoteguelo qomi', ma' mashic ña'daqatau'a so qara'gaxala' Cristo Jesús. Shi'co' qare'xoren ñi qota'a na' saqa'leca na 'laua.

2 Timoteo 2:7

'Yiiñisapego' da shinapega qami', ca' so qara'gaxala' ra'deenaxanaxañitegue dá'ogue dajo.

Hebreos 10:19

Ca' vichiguiño' qamiri ỹaqaỹa', nagui, ca paguec qaica ca huapiguilo naua qovilli' quiyim senoxonaxau'a yi noma' qaica ishit ỹovira'a, chicqochigui nqohin na' qaỹocorerec saua leuo' so Jesucristo.

Hebreos 10:21

Ca' chaqaiso so Jesús só'maq chalego lecaic qaretaxaỹaxanqajnec reloqota'a ca la'a' ñi qota'olec.

Hebreos 10:23

Ca' ña'ñaxatqa'tegue da qanaquitaxac quedá'maq seuaqlec, sqai saxanaxañi, ma' ñi qota'a ipacqajanchigui dá'maq ỹachaxantac ma'le coqomi'.

Hebreos 13:22

Qamiri ỹaqaỹa', ñi'xoresentouguilo qamiri quiyim na'ñaxachiiguit da ỹaqataxac caqamiri, ma' sqo vito'olqai' naua ỹa'qaatqa shichiñi selatalo qamiri.

Hebreos 2:11

Ma' ná'maq qaico'taxat da nachaalataxac, chaqai só'maq quiỹoxontac, na'maxare 'oonoqui' ñí'maq qota'a quena'maxare. Ca vichiguiño' so llaalec ñi qota'a se nayiloxon quiyim roỹaxana 'naac lqaỹaripi.

Hebreos 2:17

Ca' chaqaida dá'maq quiyim so'maxare 'ec nqohin dá'maq no'ueenataxac na lqaỹaripi, qaiyi ỹovira'a qamaxaraic chaqai hualaxauaic nashi quiyim retaxaỹa'pegue' ñi qota'a quiyim naqat na lasauaxaset na qomyipi chicqochigui dá'maq quiyim nañaanalta' quiyim qaỹalauat.

Hebreos 3:12

Ca' qamiri ỹaqaỹa', richilliỹaño', 'neeto' lotqai 'ue caqamiri hueetagui ca nonogoxonaxac añi le'taxanata, ca ỹahotaque sqai quelec ñi qota'a nca'leetauec ma' sqai huelec ñi'maxare.

Hebreos 3:14

Ma' no'm ña'ñaxatqachiguiñi qolqatalec da qanaquitaxac 'nejem na' ñaqai 'avichiguiñi, soviraxatqa'ta ca lqodoc, ca' ñouanqau'a ma'le da 'neeta so Cristo.

Hebreos 6:20

só'maq inoxonouguio' na'le so Jesús, ca' ỹauategue ca qoyic. Ca' chaqaida 'neeto' na'le so Jesús, ca' ỹovira'a quiyim qaisoota qaretaxaỹaxanqajnec quiyim retaxaỹa'pegue' ñi qota'a, 'nejem da no'ueenataxac na'le so Melquisedec.

Hebreos 7:26

Ca' vichiguiño' chaqaiso so Jesús só'maq 'oonoqui' qaretaxaỹaxanqajnec souenqataque quiyim retaxaỹa'pegue' ñi qota'a. Ma' so'maxare co'teeta, qaica ca se no'uen chaqai ca lasauaxaset, qaỹoỹootec quena sauaqhuaiquipi, chaqai qaỹavicshiguim paguec lishicshi'ma nqohin quena piguim.

Hebreos 7:28

Da naqataxaquipi chicqo'ot so Moisés ishit ỹanashiguim ca qom saqa' nalogoñi co'it. Qam dá'maq ỹaanec la'qaatec na'le ñi qota'a, na' ime'uegue so naqataxaquipi, ca ỹanashiguim quiyim nashi quena netaxaỹaxanqajanqaipi so llaalec só'maq qaica ca lasauaxaset.

Hebreos 9:11

Qam nagui mashic novi' so Cristo, ca' chaqaisoota só'maq 'oonoqui' qaretaxaỹaxanqajnec quenauá'maq no'viiñi novite'. Qam acá'maq no'ueenaxanaxaqui ro'ueenataxantapougui so'maxare quiyim netaxaỹaxanqajnec, aca'maxare paguec loyac chaqai paguec 'maxarai, chaqai se no'ueenata quena qom, ma' sqai naalec na 'laua.

Hebreos 9:15

Ca' vichiguiño' so Jesucristo chaqaiso só'maq retaqalgoto qomi' nagui queda dalaxaic 'maqataxac. Ma' vichiguiño' 'uo' na'le da lelauaxa so Cristo, qaiyi qaỹapalaxate' saua nasauaxasete' hueesaugui só'maq 'auaxaic 'maqataxac, chaqai quiyim ná'maq mashic roỹaxana ñi qota'a ishit icoñiguit cá'maq lalamaxat qaica lqodoc ỹachaxantaco' na'le ñi'maxare.

1 Pedro 2:9

Qam qamiri ỹaatqajam qamiri ni'ic lca'acsec ñi qota'a, chaqai qamiri letaxaỹaxanqajanqa nqai'en na qomyipi quiyim taxaỹa'pegue' ñi'maxare ma' qota'a, chaqai co'teete' nqai'ne' qamiri chaqai qamiri lalamaxarete'. Ca dajo 'ne'tegue caqamiri, qaiyi 'xachii' nauá'maq chalego loyaague' lo'ueenataxanaxaco ñi qota'a, ñí'maq roỹaxana'alo qamiri na' viitaugui so napalaxa quiyim noxoñiu'a dá'maq chalego loyac lauaq ñi'maxare.

1 Pedro 3:5

Ma' chaqaida dá'maq 'ne'teco' quen da na'maqataxac so 'auaxaic 'aallipi quiyim mashic nañaanot quiyim queetalec ñi qota'a. So'maxare pi'ỹa'a ñi qota'a, chaqai ỹaatqajam huelec so louaripi.

1 Pedro 5:1

Nagui sa'ue da ỹaqataxac quená'maq la'gaxala' ná'maq mashic icoñiguit da na'qaatec, ma' ỹim qai'neeta ỹim na'gaxala' shintam aqamiri, chaqai sauanchigui dá'ogue dá'maq le'xoric so Cristo, chaqai qai'neeta shinta ma'le saua'maxare ñouanau'a ca lauaq qaỹachaxan ma'le.

1 Pedro 5:10

Qam ma' ime quiyim cocho'qui' viriỹa'guit dajo ne'xoric, ca' ñi qota'a nachiñiñi nqai'ne' qamiri, ra'ñichiriñi, quesaxanaxaqa, qaica ỹayogote' qamiri. Chaqaiñi ñi qota'a ñí'maq ỹaanema qomi' dá'ogue da lqouagaxa chaqai roỹaxanalo qomi' quiyim ñouanqau'a da lauaq sqaica lqodoc quiyim ña'daqatau'a so Jesucristo.

1 Juan 1:3

Sa'xatqatac só'maq seuanaxa qomi' chaqai sa'xaỹaxa, qaiyi qamiri na'yiiu'alo qomi', 'nejme' qomi' quiyim ỹaatqajam ña'daqatau'a ñi qota'olec chaqai so llaalec Jesucristo.

Judas 1:1

Ỹim Judas, ỹim la'ac so Jesucristo, chaqai ỹaqaỹa so Jacobo. Shiriñi anajo ilaata quená'maq loỹaxanqateripi chaqai ỹoỹoote'oga ñi qota'olec quiyim ỹauaaque lalamaxareteripi, ná'maq qaicochiitapega ma' na'deetau'a so Jesucristo.

Apocalipsis 17:14

Ca' nco'uare'e' ma'le so 'ec qagreta llaalec, qam sqaica lovite', ma' so'maxare la'gaxala' na na'gaxalateripi chaqai lashi na nashillipi. Chaqai ná'maq lapoota'guit so'maxare noỹaxanqateripi chaqai nca'acseripi quiñi qota'a, chaqai ỹaqamaxatete' querelec.

Apocalipsis 18:20

Qam qami' piguim, chaqai qamiri lelaatqa so Jesús, chaqai ná'maq letaxaỹaxaquiripi ñi qota'a, chaqai ná'ogue ná'maq lalamaxareteripi ñi'maxare, netooñigue yijo na'a' lodegaxat, ma' ñi qota'a ỹo'uet da nouaxanaxaset yi'maxare, ma' sougui dá'maq 'ne'teguelo qamiri.