Hebreos 2:8 - La'qaatqa ñi qota'olec Qota'olec & Qota'olec Novita Na Qomyipi

⁸ Ná'ogue lli'ro'oto naua lapiaate'. Ca' mashic ná'ogue qaillo'oto naua lapiaate' na qom, ca' ñi qota'a sqaica quet cá'maq no'ueenaqtauec quiyim se qanollaañi quena'maxare. Qam qaiyiita saqa' seuanaxa quiyim ná'ogue na'xaỹaxana na'maxare.

Hebreos 2:8 Iomraidhean Croise

Salmos 2:6

Mashic shi'gue sano quiyim nashi quiyi Sión añí'maq ñaqa' co'teeta.

Salmos 8:6

chaqai 'ỹaañitem quiyim ỹapacauec quena liỹa ro'ueenachiqui', chaqai 'ỹaañitem quiyim ỹapacauec quená'ogue nanchaqaina:

Daniel 7:14

Ca' qoỹaanem da lquesaxanaxa, da lauaq chaqai da no'ueenataxanaxac quiyim nashi, ca' na ỹoreta'oguit qomyipi chaqai la'qaatec ro'ueenataxanot. Da lquesaxanaxa se neme, chaqaidaata 'neetari', chaqai qaica ỹosogui da lelaataxanaxac quiyim nashi.

Mateo 28:18

Co'na'le, ca' so Jesús nqo'neuo' quesaua'maxare, ca 'naaco': —Qanañaañim da iquesaxanaxa quiyim soiquentac ná'ogue na hueeto'ot na piguim chaqai quena 'laua.

Juan 3:35

Ma' ñi qota'olec ỹaatqajam ỹauotegue so llaalec, vichiguiño' ỹomato'ot ná'ogue ná'maq lalamqateripi.

1 Corintios 15:27

Ma' ñi qota'a mashic pataxalec quiyim ỹoiquentac ná'ogue najo so Cristo. Qam ma' naua naneresañi na'qaatqa 'nerac quiyim qaipataxalec ná'ogue najo so'maxare, ca' ñi qota'a se ỹalego quena'maxare, ma' chaqaiñi ñí'maq pataxalec ná'ogue nanchaqaina so'maxare.

Hebreos 1:13

Ñi qota'a se ỹauanapega 'ue ca 'naapega quena lelaatqaipi piguim laseripi: Nqa'xañiriñi quena ỹoic, toco' ma' sillo'oto naua qapiaachichi' ná'maq pa'guentac aqami'.

Hebreos 1:2

Qam nagui quenaua pa'aaterec na'xata', ca' retaqauguilo qomi', chicqochigui nqai'en so llaalec. Ñi qota'a chicqochigui nqai'en so llaalec na' ỹo'uet ná'ogue nanchaqaina, ca' chaqaiso só'maq pataxalec quiyim idaanlec ná'ogue na'maxare.

Hebreos 2:5

Ma' ñi qota'a se pataxalec da no'ueenataxanaxac na lelaatqaipi piguim laseripi quecá'maq 'laua sa'xatqatac.

1 Pedro 3:22

na' taashiguim queda piguim, ca' nqa'xantañi queda loic ñi qota'a. Ca' ila' ná'ogue na lelaatqaipi ñi'maxare, chaqai na relaataxanaquipi, chaqai ná'maq nquesaxanaxaipi ỹoiquentac.

Apocalipsis 1:18

Ỹim ná'maq yca'leetauec. Ma' yileu na'le, qam nagui, ca' sqaica lqodoc quiyim yca'leetauec. Ỹim llo'qoota'alo soiquenta'pe naua lauaatqate da nelauaxa chaqai quecá'maq lapooqo' na lqui'i na leuaxaiquipi.

Apocalipsis 1:5

Chaqai qai'neeta chicqo'ot so Jesucristo só'maq netaxaỹaxanqajnec ishit qoyiuelec ca la'qaatec, chaqai chaqaiso só'maq 'au qanca'laxatec queso nelauaxa, chaqai chaqaiso só'maq lashi na nashillipi hueetalec ana 'laua. So Cristo só'maq qare'xoren, ca nquiỹoorec saua qarasauaxasete', quiỹoxonalo sauá'maq chi leuo',