Hebreos 2:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ma' quenaua naneresañi na'qaatqa 'uo' so ỹa'xat na'le 'naaco': ¿Nega'ỹo' ca ỹale quiyim qami' qota'a quiyim o'lliinchira'a ca'maxare? Chaqai ¿negue' queto' cá'maq ỹale tai'a quiyim ileu quiyim 'yiiñisapega ca'maxare?

Hebreos 2:6 Iomraidhean Croise

Génesis 50:24

Ca 'uo' so na'xa'a, ca so José 'naaco' queso lqaỹaripi: —Tot qaỹaloq yileu. Qam ñi qota'olec rotauañii ma'le, naqata'alo qamiri ma'le quenajo 'laua, ca i'xate' qamiri ma'le quiyi 'laua ỹachaxan na'le, ỹahotaque ỹaanema saua qarapiri Abraham, Isaac chaqai so qareta'a Jacob.

Isaías 40:17

Ná'ogue na ỹoreta'oguit qomyipi quena 'laua qaica ca 'negue queda reloqota'gue ñi'maxare; quiñi'maxare ỹaatqajam qaica ca 'negue.

Lucas 1:68

Ỹaatqajam qaỹo'uen ma'le ñi qara'gaxala' ñí'maq lashiilec na Israel laseripi, ma' ñi'maxare novitalo qomi' quiyim qarca'laxatec, ma' mashic qomi' lalamqateripi.

Lucas 1:78

Ma' chaqaida dá'maq le'xorenataxanaxa chaqai dá'maq lqouagaxa ñi qota'olec quiyim ỹa'uo' ca chicqo'ot nqai'en na piguim quiyim ỹaanema qomi' ỹahotaque quiyim coỹarelec ca dalaxaic na'xa'a,

Lucas 7:16

Ca co'na' qaỹauanchigui dajo, ca sá'ogue so qomyipi ỹaatqajam 'uo' da lqolonaxa. Ca imaqachintac ñi qota'a, 'naaco': —'Uo' so chalego lecaic so la'qaataxanqajnec ñi qota'a chicqochiguinguilo qomi'. Chaqai qohine'tegueyi da na'qaatec: —Ñi qota'olec novi', ỹahotaque quiyim ỹotauan ná'maq lalamqateripi.

1 Tesalonicenses 4:6

Ca' qaica ca napacalec chaqai rayinaxanta'gue dajo queca lqaỹa, ma' so qara'gaxala' Jesús ỹaatqajam ỹouaxan ná'ogue ná'maq ỹo'ueetetac dajo. Ca' dajo dá'maq shi'gue sa'xatqatac quiyim rovichiỹa'guit.

Hebreos 4:4

Ma' 'ue na hua'ñi quenaua naneresañi na'qaatqa ỹa'xate' so pa'aatec na'xa'a quesaua siete na'xata', 'neracsa': Ñi qota'a nco'mateco' na'le quená'ogue na lo'ueenatqaipi na' ỹovire'oga so pa'aatec na'xa'a quesaua siete na'xata'.

Hebreos 5:6

Qaican ỹapaguec quedá'maq liỹa 'naaco' na'le quenaua naneresañi la'qaatqa ñi qota'a, 'neracsa': Qami' sqaica lqodoc quiyim qami' letaxaỹaxanqajnec na qomyipi quiyim taqaira'pegue' aỹim, 'nejem da 'neetari' na'le so Melquisedec.

1 Pedro 1:11

So ne'Espíritu so Cristo shi'gue ỹa'xatem so letaxaỹaxaquiripi ñi qota'a dá'maq 'neeta ma'le da le'xoric so Cristo chaqai quiyim qaimaqachin ma' ime'uegue dajo. Chaqai saua'maxare ỹahosaco' quen quiyim ỹa'deene' nega'ỹo' cá'maq qom chaqai nega'ỹo' cá'maq na'xa'a huaugui só'maq ỹa'xateta'guit so Espíritu Santo neetaguilo saua'maxare.