Hebreos 2:3 - La'qaatqa ñi qota'olec Qota'olec & Qota'olec Novita Na Qomyipi

³ ¿Huose'queto' qohite' qomi' no'm sqailligueme' ya'ỹoxolec dá'maq llicyaxac dá'maq chalego lecaic nca'laxa? Ma' chaqaiso so qara'gaxala' só'maq 'au ỹa'xato' na'le dajo nca'laxa, ca co'na' ime, ca lotqai qalam só'maq na'xaỹaxantapega so'maxare chaqai ỹaatqajam 'chichiguiñi nqai'en da na'qaatec. Ime, ca lotqai ra'qaataxanalo qomi'.

Hebreos 2:3 Iomraidhean Croise

Isaías 62:11

Ñi qara'gaxala' ỹa'xateta'guit dajo quenaua'que naua lahil na 'laua: 'Ñiỹapega na na'a' Sión: mashic novi' na nca'laqatqochi'. Na qara'gaxala' noviraxat na lalamaxareteripi, na' ime quiyim louootaxanaxat.

Mateo 23:33

¡Qamiri nanaiquipi! ¡Qamiri llaalqaipi na nanaic! ¿Negue' quet cá'maq nañitqarii quecá'maq nouaxanaxashichii ma' qarenaxai'ña ca ncopatqo' na hualoxonyipi?

Mateo 4:17

Co'na'le, ca' taañi da la'qaataxanaxac so Jesús, 'naaco' quen: —Netogochiguilo nqai'ñii' naua qavilyii, ma' nepalata da lo'ueenataxanaxac ñi qota'a neeta'gue da piguim quiyim ỹoiquentac ná'ogue najo.

Marcos 1:14

Ca co'na' mashic qaicoñi' so Juan, ca' so Jesús taigue da Galilea. Ca' ỹa'xatetac dá'maq no'uen na'xaỹaxac queda lo'ueenataxanaxac ñi qota'olec ma' ỹoiquentac ná'ogue najo.

Lucas 1:2

Ca saua'maxare ỹichiñi chaqaida dá'maq qarapaxaguinegue sauá'maq ỹauanchirigui da no'ueenataxanaxac na' llaqatachiguiñi, chaqai rotaanaxandegue quiyim ỹa'xate' da na'qaatec.

Lucas 1:69

Ñi'maxare ỹaanema qomi' só'maq ỹaatqajam 'ñaaxaic nca'laxaqui, chicqotougui nqai'en na llaalqaipi só'maq lelaatec David.

Lucas 24:19

Ca so'maxare 'naaco': —¿Negue' ca 'neeto' ca'maxare? Ca' saua'maxare 'neraco': —Dá'maq 'neeta ca Jesús, Nazaret le'ec, cá'maq la'qaataxanqajnec ñi qota'a. Sojo ỹale qaica ca qalanac quena la'qaatec chaqai quená'maq ỹo'uet, chaqai ỹaatqajam ỹa'maxarenta so'maxare ñi qota'olec chaqai ná'ogue na qomyipi.

Juan 15:27

Qamiri qai'neeta ya'xachii ma'le, ma' qamiri iỹareta'pe na' ñaqai 'avichiguiñi sapaxaguinataxan.

Hechos 1:22

Naua'maxare ỹalequesaho na' qanachilaxan so Jesús queso Juan, chaqai chi ỹovireta'a na' taashiguim quena piguim. Ca' nagui ỹouen quiyim 'ue ca quenaua'maxare qanca'au'a, ca' qaỹalecqajnouguilo qomi', ca' qai'neeta na'qaataxanqajnec quiyim ỹa'xat so Jesús liỹa nca'leuec.

Hechos 2:22

Qamiri ỹalliripi Israel laseripi, ñaq na'xaỹaxañiỹa dá'maq sa'xat nagui: So Jesús, Nazaret le'ec, ỹaatqajam re'qoota quiyim lelaatec ñi qota'a. Chaqai huañichigui quena' 'ue da ỹo'uet chalego da ne'laxa quená'maq se qaiuanapega, chaqai na netanqaipi. Naua'maxare ỹaatqajam qota'a lo'ueenataxanaxaco, qam qaiyiita ỹo'ueete' so'maxare na' qamiri ỹalequetauguilo. Chaqai mashic qamiri 'yiiñita.

Hechos 4:12

Chaqai qaica ca liỹa chicqochigui ca nca'laxa. Ma' ñi qota'olec qaica ca liỹa neenaxat ỹaanema qomi' quiyim qarca'laxaqui, chaqaisoota so leenaxat so Jesús.

Romanos 11:14

Ma' sahotaque quiyim 'ue ca quená'maq chi iuo' laseripi, 'ue ca lipiichi quiyim ỹadenaxate' qamiri, qaiyi 'ue ca nca'leuec quena'maxare.

Romanos 2:3

Ca qami' quiyim ra'iisapigui ca lasauaxaset ca liỹa, qam qami' qai'neeta 'viichi'sac, loqo'm ¿'neetapigui qavilli' quiyim ñi qota'a ỹit aqami' quiyim ỹa'ue ca nouaxanaxashichi'?

1 Corintios 1:21

Ca ma' ñi'maxare ỹa'deentalec cá'maq ỹo'uet, ca ỹo'uet quiyim se qaỹa'den quená'maq na'deenaxanaxa huelecna. Chaqaidaata quiyim ỹahotaque nca'laxatec ná'maq huelec ñi'maxare, chicqochigui nqai'en da la'qaatec, 'eno' 'ec mogollishic quená'maq liỹa qomyipi.

1 Tesalonicenses 5:3

Ma' na qomyipi 'ne'teguesa' da la'qaatec: “Quená'ogue sqaicanqaida chaqai sqaica ca qaỹouetaque”, ca' novita ma'le ca nouaxanaxaset chalego lecaic chi ne'laqataxanto, 'nejem ca nqui'ic caca 'aalo quiyim ỹovita ca laloqo' quiyim co'o. Ca' qaica ca qohit.

1 Timoteo 1:15

Ca' dajo dá'maq ỹaatqajam lliquetam, chaqai qaica quet cá'maq sqai huelec quiyim so Cristo Jesús naỹa na 'laua, ma' ỹahotaque quiyim nca'laxatec na qomyipi hualoxonyipi, qam quena'maxare, ca' ỹim ná'maq ỹapacauec da iualoxonqaishic.

Tito 2:11

Ma' ñi qota'a ỹachaxanalo qomi' da lqouagaxa dá'maq chicqaugui da lca'laxa ná'ogue na qomyipi.

Hebreos 1:1

Queso 'auaxaic ñaxaripi ñi qota'a 'xoico' quen da letaxaỹaxac queso 'auaxaic qareta'allipi, qam ỹoreta'oguit na leloxoỹaxaquipi nqai'en quena' retaqa nqai'en so letaxaỹaxaquiripi.

Hebreos 1:14

Ná'ogue ná'maq nelaatqaipi piguim laseripi, na'maxare se re'xogui, ro'ueenataxantacot ñi qota'a. Na'maxare nelaatqaipi quiyim ỹotauan ná'maq icoñiguit ma'le ca nca'laxa.

Hebreos 1:2

Qam nagui quenaua pa'aaterec na'xata', ca' retaqauguilo qomi', chicqochigui nqai'en so llaalec. Ñi qota'a chicqochigui nqai'en so llaalec na' ỹo'uet ná'ogue nanchaqaina, ca' chaqaiso só'maq pataxalec quiyim idaanlec ná'ogue na'maxare.

Hebreos 12:25

Vichiguiño' ỹaatqajam richilliỹaño' 'neeto' lotqai 'ue ca se icoñiguit ñí'maq retaqatapegalo qomi'. Ma' sqaica ca qohit quesó'maq se na'xaỹaxano' na'le ñi qota'a na' qatetapega so qomyipi quenajo 'laua, ca ¿huose'queto' qohite' qomi' no'm se ña'xaỹaxanaxa ñí'maq qota'a neteltapegalo qomi' neeta'gue da piguim?

Hebreos 4:1

Ca' vichiguiño' nagui quiyim ñaqai qaỹachaxantac quiyim seshitaq senoxonaxauo quiyim qanco'mataxaua ñi qota'a, ca' qaretelañi, 'neeto' 'ue ca se inoxono ma'le caqamiri.

Hebreos 4:11

Ca' ña'ñaxataq, qaiyi senoxonaxau'a cajo co'mataxac, 'neeto' lotqai 'ue ca queetalec da 'neetari'o' na'le so qomyipi se na'xaỹaxan.

Hebreos 5:9

Ma' so'maxare ỹaatqajam qanaloqojonchiguiñi da no'ueenataxac, ca ỹovirau'a quiyim chicqochigui nqohin dá'maq nca'laxa sqaica lqodoc quená'ogue ná'maq huelec so'maxare.

Hebreos 9:28

ca' chaqaida 'neeta nqai'en so Cristo quiyim 'oonoqui' nañaanalta', qaiyi naqat ná'ogue na nasauaxaset. Ime, ca' lotqai liỹa nachaxan, qam tot naqat na nasauaxaset, ta'ta'a quiyim nca'laxatec ná'maq nauaantaque so'maxare.

1 Juan 1:1

Seraxañi dajo, ca selataxalo qamiri, dá'maq shi'co' 'ue na' saqa'leca na 'laua, dá'maq qomi' sa'xaiqachigui chaqai seuanqachigui quenaua qanqote', ma' ỹaatqajam sa'ajanqatac chaqai sepotqau'a quenaua qanapoquena. Ca' so'maxare chaqaiso só'maq qohinaco' quen na'qaatec chicqaugui da nca'laxa.

Judas 1:17

Qam qamiri ỹaqaỹarolqa, no'viñita'co' quiyim shi'gue quesom saua lelaatqa so qara'gaxala' Jesucristo,

Apocalipsis 7:10

Sá'ogue netenegue da laualaxac, 'naacsa': Da qarca'laxa chicqo'ot ñi qota'olec, ñí'maq nqa'xantañigui añi nashi nqa'xanaxaqui, chaqai ñi qagreta llaalec.