Hebreos 2:2 - La'qaatqa ñi qota'olec Qota'olec & Qota'olec Novita Na Qomyipi

² Ma' dá'maq na'qaatec qoỹaanec quesaua 'auaxaqa ñaxari chicqochigui nqohin so chigoxoshiguim qota'a lelaatqaipi, ca dá'maq ỹachaxan ỹaatqajam lliqueta. Ca vichiguiño' ná'maq 'ue na lasauaxaset chaqai se na'xaỹaxan, ca ỹaatqajam 'chichiguiñi qaỹa'ue na nouaxanaxaset.

Hebreos 2:2 Iomraidhean Croise

Números 21:6

Ca' ñi qara'gaxala' nela' so 'xoic nanaic 'ue na ledoonaxa. Ca' qara'gaxañigui so qomyipi, ca 'xoic na ileu queso Israel llaalqaipi.

Hechos 7:53

Qamiri co'na' coñiguit da nelaataxanaxaquipi chigoxochi'ot so chicqashiguim qota'a lelaatec, qam qamiri se na'xaỹaxañiỹa.

Gálatas 3:19

Ca ¿nega'ỹo' cá'maq 'negue ná'maq naqataxaquipi chicqo'ot so Moisés? Qaỹoqoto' na'le, ma' qaỹahotaque quiyim ichoxot na nasauaxaseteripi. Ca ro'ueenataxan na'maxare, qam lqodoquiaqa' ma'le ma' novi' cajo ñaalec cá'maq 'em 'ue da qaỹachaxantac. Na naqataxaquipi na' qaỹa'xat, ca chicqochigui nqohin na nelaatqaipi piguim laseripi. Ca' so Moisés, ca' chi netaxaỹaxanqajnec.

Deuteronomio 27:26

Ñi qota'olec ỹa'ue ca nouaxanaxaset cá'maq se na'xaỹaxanalo naua'que naua napaxaguinataxanaxaco quiyim ỹo'ueete'. Ca ná'ogue na qomyipi 'naac: Ajá'a, chaqaida 'neeta dajo.

Hebreos 1:1

Queso 'auaxaic ñaxaripi ñi qota'a 'xoico' quen da letaxaỹaxac queso 'auaxaic qareta'allipi, qam ỹoreta'oguit na leloxoỹaxaquipi nqai'en quena' retaqa nqai'en so letaxaỹaxaquiripi.

Hebreos 10:28

Co'quena' 'ue ca se na'xaỹaxana na naqataxac chicqo'ot so Moisés, chaqai no'm 'vii caua dos loqo'm tres quiyim natene'ejta' ca la'qaategue' quiyim ỹa'xate' ca'maxare, ca' ca'maxare se qai'xoren quiyim qaỹalauat.

Hebreos 10:35

Ca' vichiguiño' qaica ca ro'chiitaque, ma' chalego lecaic ma'le ca nishiuetenaxaguii.

Hebreos 11:26

Chaqai 'ec paguec lesallaxa nqai'en quiyim 'ue da le'xoric se qaỹa'maxata'gue soualec so Cristo, sqai quiyim hueeto'ot yá'ogue yi lesallaxa yi Egipto, ma' ra'iitagui da lishiuetenaxanaxac ma'le ñi qota'a.

Hebreos 11:6

Qam qaica quet cá'maq qaỹa'maxarenta quiñi qota'a no'm qaica ca lpi'ỹaxac. Ma' quiyim qanqo'neu'a ñi'maxare, ca' ca qom huelec quiyim 'ue ñi qota'a chaqai quiyim ñi'maxare ishiueten cá'maq nimitaque ñi'maxare.

Hebreos 12:25

Vichiguiño' ỹaatqajam richilliỹaño' 'neeto' lotqai 'ue ca se icoñiguit ñí'maq retaqatapegalo qomi'. Ma' sqaica ca qohit quesó'maq se na'xaỹaxano' na'le ñi qota'a na' qatetapega so qomyipi quenajo 'laua, ca ¿huose'queto' qohite' qomi' no'm se ña'xaỹaxanaxa ñí'maq qota'a neteltapegalo qomi' neeta'gue da piguim?

2 Pedro 1:19

Qam qai'neeta 'ue da liỹa paguec 'chichiguiñi, ca' dajo chaqaida dá'maq la'qaataxanaxague' saua letaxaỹaxanqajanqa ñi qota'a mashic qoỹeretañi. Ca' qamiri 'maxaraic quiyim ỹaatqajam na'xaỹaxañii'ta dajo na'qaatec, ma' 'neetari' aca ncoỹeraxanaxaqui naviguec queca lapalqa', ỹovireta'a quiyim mashic richi'guit ca na'xa'a chaqai aca huaqajñi nete'ese nenoxonshiguim, ca' coỹarelgoto naua re'taxanatahi.

Judas 1:5

'Eno'm mashic shi'gue 'yiiñii qamiri, qam sahotaque ño'uenaxanaxanguelo qamiri da 'neeto' na'le ñi qara'gaxala', ma' ñi'maxare naqata'a na'le quiyi Egipto so llaalqaipi so Israel, qam na'chaqai, ca' qaiyiita ileu nqai'en só'maq sqai huelec ñi'maxare.