Hebreos 2:16 - La'qaatqa ñi qota'olec Qota'olec & Qota'olec Novita Na Qomyipi

¹⁶ Dajo ỹaatqajam llic quiyim so'maxare sqa nac quiyim ỹotauan na nelaatqaipi piguim laseripi; ta'ta'a quiyim ỹotauan na llaalqaipi so Abraham.

Hebreos 2:16 Iomraidhean Croise

Génesis 22:18

Chaqai ná'ogue na ỹoreta'oguit qomyipi hueetalec ana 'laua 'xoic ma'le ca la'maxa, chicqochigui nqaishin ma'le ca'maxare, ma' na'xaỹaxanchiriua'.

Romanos 2:25

Ỹaatqajam llic 'ue ca 'ñitegue no'm 'ue ca netanec na roshicmaxa'e', no'm 'viichi' dá'maq 'naac na naqataxaquipi chicqo'ot so Moisés; qam no'm se na'xaỹaxañita, ca 'ec sqaica ca netanec na roshicmaxa'e'.

Gálatas 3:16

Qam nagui retañite', ñi qota'a na' 'vii naua ỹachaxanta'pe queso Abraham chaqai queso llaalec, ca' naua nerecse' la'qaatqa ñi'maxare sqai 'nerac: “ca qachaalaxai'pi”, 'ec quiyim 'xoic ca qomyipi 'neetapega. Ta'ta'a quiyim 'naac: “ca qachaalqui'.” Ca' dajo 'oonoqui' cá'maq 'neetapega, ca cá'maq qohintapega chaqaiso so Cristo.

Gálatas 3:29

Ca no'm qamiri lalamaxarete' so Cristo, ca' qamiri lalamaxarete' llaalqa so Abraham. Ca' coñiguit ma'le quiyim ralamaxarichii cá'maq ỹachaxantac ñi qota'a.

Hebreos 12:10

Saua 'auaxaqa re'qoochiguilo qareta'al cocho'qui' ỹapaxaguinque qomi' dá'maq ipeetera'a 'maxaraic 'ueenataxac. Qam ñi qota'a ỹapaxaguinque qomi' dá'maq ỹaatqajam qara'maxa, ma' ỹahotaque co'teete' qomi', shinqatam ñi'maxare co'teeta.

Hebreos 2:15

Ca' chaqaida dá'maq 'neeta quiyim ỹosouec ná'ogue ná'maq 'ec ncoñireta'guit da lqolonaxa queda nelauaxa quedá'ogue da nachaalataxac.

Hebreos 2:17

Ca' chaqaida dá'maq quiyim so'maxare 'ec nqohin dá'maq no'ueenataxac na lqaỹaripi, qaiyi ỹovira'a qamaxaraic chaqai hualaxauaic nashi quiyim retaxaỹa'pegue' ñi qota'a quiyim naqat na lasauaxaset na qomyipi chicqochigui dá'maq quiyim nañaanalta' quiyim qaỹalauat.

Hebreos 6:16

Na qomyipi quena' i'taxajñi da la'qaatec, ca' 'ue na ỹiguelec quená'maq paguec lecaic quena'maxare. Chaqai no'm ỹaanec ca la'qaatec, ca' qai'taxajñi ca qaipacqajanchigui. Ca' qaica quet cá'maq liỹa qaỹa'xat.

1 Pedro 1:20

So Cristo chaqai'eno' qaỹa'maxatetañi quiyim qoỹaano na' saqa'leca na 'laua, qam chaqainaquita nagui re'oq nqohin quenaua pa'aaterec na'xata', ma' qaỹahotaque quiyim ra'maxaiñi qamiri.