Hebreos 2:11 - La'qaatqa ñi qota'olec Qota'olec & Qota'olec Novita Na Qomyipi

¹¹ Ma' ná'maq qaico'taxat da nachaalataxac, chaqai só'maq quiỹoxontac, na'maxare 'oonoqui' ñí'maq qota'a quena'maxare. Ca vichiguiño' so llaalec ñi qota'a se nayiloxon quiyim roỹaxana 'naac lqaỹaripi.

Hebreos 2:11 Iomraidhean Croise

Mateo 25:40

Ca cá'maq nashi 'naac ma'le quesaua'maxare: “Ỹaatqajam llic da shinac caqamiri, quená'ogue ná'maq 'ñii'tegue quena ỹaqaỹaripioqui' 'ec qaica ca 'negue, ca' dajo 'ñii'tegue caỹim.”

Mateo 28:10

Ca so Jesús 'naaco' quesaua'maxare: —Totaxan ro'chii. Mohi, vii la'xaỹaxac ca ỹaqaỹaripi, quiyim taigue da Galilea. Ca' queda hua'gue, ca' iuañiua' ma'le.

Marcos 3:34

Ime, ca' ra'ỹaugui só'maq nqa'xantañi reloqoto'ot so'maxare. Ca 'naaco': —Nauajo nauá'maq ỹate'e chaqai ỹaqaỹaripi.

Marcos 8:38

Ma' no'm 'ue ca nayiloxonlec aỹim chaqai dá'maq sa'xatetac quena qomyipi mashic sqai quelec ñi qota'olec chaqai sauaqhuaiquipi, ca' najo ỹale llaalec qai'neeta nayiloxonlec ma'le ca'maxare, ma' ỹovita quiyim rapil naquetagui da lauaq ñi leta'a, chaqai na co'teeta nelaatqaipi chicqashiguim.

Lucas 9:26

Ma' ca npocoxolec aỹim chaqai da ỹa'qaatec, qai'neeta najo ỹale llaalec npocoxolec ma'le ca'maxare, ma' ỹovirelec quiyim rapil ma' ỹovita quiyim nashi, naquetaugui da lauaq ñi leta'a chaqai na co'teeta lelaatqaipi piguim laseripi.

Juan 17:19

Naua'maxare sauaxate' quiyim ñañaanot aqami', qaiyi naua'maxare qai'neete' nañaantot aqami', quiichigui nqai'ne' da lliqueta.

Juan 17:21

Qami' ita'a, sashiila'e' quiyim ná'ogue na'maxare ỹaatqajam neconta'; quiyim 'ec 'oonoqui', na'deetau'alo qomi', 'nejem dá'maq 'ñiisari' caỹim, chaqaỹim caqami'. Quiyim ỹaatqajam necone'ejta', qaiyi ná'maq qomyipi hueetalec na 'laua huelec quiyim qami' yilachi'.

Juan 20:17

Ca' so Jesús 'naaco' caso'maxare: —Yayaxañirec, ma' ỹim saqa' shicpegue' yi neetashi'me ñi ita'a. Qam mo'e', 'qaataxañitalo caua ỹapaxaguinatqa ỹaqaỹa' quiyim saigue da neeta'gue ñi ita'a, ñí'maq qataa'i qai'neeta, ñí'maq qota'olec caỹim chaqai caqamiri.

Hechos 17:26

Ỹachigoxochichigui so 'oonoqui' qom na' ỹo'uet ná'ogue na ỹoreta'oguit qomyipi, qaiyi naalec ná'ogue na 'laua, ỹa'vii naua la'aate', qam ỹa'vii naua laloqote' naua neetalgoto,

Hechos 17:28

Ma' chaqaiñi ñi qota'olec ñí'maq 'em qarca'leetauec, chaqai sedaaqatac, chaqai 'em ñaqoqomi'. Chaqai dajo qai'neeta la'qaategue' so 'deenaxanqachaqaiquipi caqamiri co'na' 'naac: “Qomi' llaalqaipi ñi qota'olec.”

Romanos 8:29

Ma' ná'maq shi'gue iuana ñi qota'a, ca' chaqaina ná'maq shi'gue nca'au'a ñi'maxare, ỹahotaque quiyim 'nejem so llaalec Jesús, qaiyi só'maq llaalec nopiichi quená'maq 'xoic nqaỹaripi.

Gálatas 4:4

Qam na' ỹovita ca laloqo', ca' ñi qota'a nela' so llaalec, ne'qaañi nqai'en caso 'aalo, chicqotougui nqai'en na judioipi ma' hueetaugui da lapaxaguinataxanaxac na naqataxaquipi.

Hebreos 10:10

Ca' ñi qota'a qarco'taxat, ma' so Jesucristo ỹo'ueeto' na'le dá'maq ỹahotaque ñi qota'a co'na' ỹaanec so loshicmaxa quiyim qaỹalauat, ca' imaauec nqai'en dá'maq qaỹahotaque.

Hebreos 10:14

Ma' so Jesucristo ỹachigoxochichigui aso 'oono'lli' lachitaxanataxanqate, ca chaqa'ma' sqaica lqodoc quiyim nachinchiguiñi da no'ueenataxac ná'maq mashic co'taxat.

Hebreos 11:16

Qam so'maxare ñaq ipaquetaque cá'maq ỹaatqajam lo'yaxanec lalamaxaret 'laua, cá'maq na'a' hueeta'gue da piguim. Vichiguiño' ñi qota'a se nayiloxonlec quiyim qaỹamata'gue qota'olec quesaua'maxare, ma' ñi'maxare shi'gue ỹaqatqajantari' ca na'a' lodegaxat ỹauaaque la'a' so'maxare.

Hebreos 13:12

Ma' qai'neeto' na'le so Jesús co'na' qaỹalauat pa'aatauec quiyi na'a' lodegaxat Jerusalén, qaiyi ishit quiỹouec na lasauaxaset na qomyipi, quiỹoxonalo sauá'maq chi leuo'.

Hebreos 2:14

Na ñaalqaipi 'oonoqui' ca qaỹachigoxochichigui. Na'maxare dá'ogue da no'ueenataxac; ca' chaqaida 'neeta nqohin so Jesús 'ec chaqai qom, qaiyi ishit ileu. Ca' queda, ca ishit ỹopoxoỹaxachigui só'maq hueeto'ot da nquesaxanaxa quiyim ralauataxan. Ca so'maxare chaqaiso so na'ỹaapec.

Hebreos 3:1

Vichiguiño' qamiri ỹaqaỹa', ma' mashic qamiri lca'acse' ñi qota'a chaqai roỹaxanalo qamiri quiyim qamiri lalamqate', ca ỹaatqajam ra'ijlec so Cristo Jesús só'maq nelaatec quiyim qara'gaxala' quiyim retaxaỹa'pegue' ñi qota'a chicqochigui quiyim seuaqlec da na'qaatec.