Hebreos 13:6 - La'qaatqa ñi qota'olec Qota'olec & Qota'olec Novita Na Qomyipi

⁶ Ca' vichiguiño' se qaro'chaalec quiyim shinqac: Ñi qara'gaxala' chaqaiñi ñí'maq yotauan, ca sqaica ca yo'cha'a quena qom quecá'maq shim 'ne'tegue aỹim.

Hebreos 13:6 Iomraidhean Croise

Génesis 15:1

Ca co'na' ime dajo, ca' ñi qara'gaxala' retaxaỹa'pegue' so Abram, viichigui nqai'en so leuanaxanaxac. Ca 'naaco': —Qaica ro'chi'raque, Abram, ma' ỹim squepaqataxanteguelec qami'. Ỹaatqajam 'xoic lecaic ma'le aca nishivichi'i'.

1 Reyes 17:8

Ca co'na'le, ca' ñi qara'gaxala' 'naaco' queso Elías:

Salmos 146:3

Mesqai hueeto'ot nqai'ñii ca naquitaxaguii ca qom 'ue nqai 'negue, quecá'maq chaqai qom se ca'laqataxan,

Salmos 27:9

¡Totaxan nañoxochirapeguem aỹim! ¡Totaxan 'oiraiguit, ca 'yiraiguit! ¡Qaica quet cá'maq liỹa yotauan, qaqamite'! Chaqai se yodaqajñiterec quiyim qaica ca se'guenot, ma' qami' ica'laxaqui chaqai qota'olec caỹim.

Salmos 33:20

Qomi' spi'ỹaaqa'a ñi qara'gaxala'; ¡ñi'maxare qarotauan chaqai quepaqataxanlgoto qomi'!

Salmos 63:7

ma' qami' ná'maq yotauañi'sac. ¡Ỹaatqajam 'xoic ỹa'maxa quiyim sento'oto naua rauachi'!

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Mateo 10:28

Ca se ro'chiỹa cá'maq ishit ỹalauat na noshicmaxa, qam se ishit ỹalauat yi pa'aauo chaalataxac. Ta'ta'a quiyim ro'chiỹa ñi qota'olec ñí'maq ishit ỹalauat na qaroshicmaxa chaqai so qara'al inaxañigui ca norec navicqatqa' na hualoxonyipi.

Romanos 8:31

Ca ¿nega'ỹo' ca shinqac quedajo? No'm ñi qota'a ro'ootaxanlgoto qomi', ca ¿negue' queto' ca ishit quiyim npa'guenta'to qomi'?

Efesios 3:12

Chaqai chicqochigui so Cristo, ca' seuacqachiguiñi quiyim ñqo'naxau'a ñi qota'a, ma' 'ue da qarpi'ỹaxac queso'maxare.

Hebreos 10:19

Ca' vichiguiño' qamiri ỹaqaỹa', nagui, ca paguec qaica ca huapiguilo naua qovilli' quiyim senoxonaxau'a yi noma' qaica ishit ỹovira'a, chicqochigui nqohin na' qaỹocorerec saua leuo' so Jesucristo.

Hebreos 4:16

Vichiguiño' qaica quet cá'maq qaro'chiitaque quiyim ñqo'naxau'a yi nqa'xanqa' ñi 'naxanaxaraic qota'olec, qaiyi nqouagueguelo qomi', chaqai queda lqouagaxa, ca' qarotauan quiyim 'ue ca qareuogoxo.