Hebreos 13:5 - La'qaatqa ñi qota'olec Qota'olec & Qota'olec Novita Na Qomyipi

⁵ Chaqai 'neeto' pacqajñiỹauec aca plata; ta'ta'a quiyim netooñita'gue cá'maq 'ue caqamiri. Ma' ñi qota'a 'naaco' quen: “Se iuanapega quiyim ñoỹootec caqami', chaqai se salachi'sac.”

Hebreos 13:5 Iomraidhean Croise

Génesis 28:15

Ca' ỹim iỹaatac qami' scochi'sapegaxaua' quecanchaqai 'itegue, chaqai yapilaxata qami' ma'le najo 'laua. Se salachi'sac chaqai somachichigui dá'maq sachaxantac quiyim saanem qami'.

Génesis 30:31

Qam so Labán 'uo' da lepagaxallic, 'naaco': —¿Ỹote' acá'maq vi'saque nishivichi'i'? —Se yishivichiñi', —'naaco' so Jacob—. Liỹo' scochiỹa ana qalo'e' qagreta, no'm 'maxariñite' dá'maq shinac caqami':

Génesis 31:5

Ca 'naapegalo': —Yitan quiyim ñi qataa'i totqai 'ne'tegue aỹim cá'maq quesom. Qam ñi qota'olec quecá'maq ita'a se yayaxanec sqo ỹoxe'oga.

1 Reyes 6:13

Ca' ỹim sentañigui ma'le na llaalqaipi so Israel, ca' sqaica ma' shique'e quet ma'le na ỹalamaxareteripi. (6.14-36 Dá'maq 'neeta da no'ueenataxac na lauel ñi no'ueenaxanaxaqui.)

1 Reyes 8:57

Ca' nagui ma' ñi qara'gaxala' qota'olec ỹalequetauguilo qomi', 'neetari' dá'maq 'neetari'o' na'le queso 'auaxaic qareta'allipi, ca' totqai ca'ahi qomi' chaqai se qaralat.

Éxodo 2:21

Ca' so Moisés saat quiyim na'ñi yi la'a' so Reuel, ca' so Reuel ỹo'naxañiguito' aso llaale leenaxat Séfora.

Éxodo 20:17

'Neeto' lotqai 'ue ca ripichisa'a coñita queca la'a' quecanchaqaica qom. 'Neeto' ripichisa'a aca loua, chaqai ca la'ac loqo'm aca la'a, loqo'm ca lauegaxanaxala' ñii'lola, loqo'm ca lalo 'ashin, loqo'm canchaqaica quena louenqaipi.

Proverbios 23:4

'Neeto' 'xoic ca reuogoxo'e' quiyim qami' nesallaxanec; totaxan 'yiiñisapega dajo.

Isaías 41:10

Totaxan ro'chi'i', ma' qami' iỹaatac; se ro'chi'i', ma' ỹim qota'olec caqami'. Ỹim sa'ue ca rquesaxanaxa'e', ỹim sotauañi', ỹim ñolliitañi qami' queda iqai'laxat huegaxanaxai.

Mateo 6:19

'Neeto' lapooñitañi ca resallaxahi quenajo 'laua, ná'maq hua'ñi na pit richigaxan, chaqai ná'maq hua'ñi quiyim ichirichiguiñi canchaqaica nouenec, chaqai ná'maq hua'ñi quiyim ca cuataxai ishit inoxono, ca' rocachi.

Mateo 6:25

Ca vichiguiño' nagui shinapegalo qamiri quiyim sqa chigoita 'yiiñitaque ca qanoxohi, chaqai quecá'maq ni'chiigui quiyim viñitaque, chaqai cá'maq qatooỹaguii quiyim ñiiñi. ¿Mese ỹapacauec da chaalataxac quecá'maq na'ic, chaqai na noshicmaxa quecá'maq nooỹac?

Mateo 6:34

Ca' mesqai 'yiiñitaque cá'maq 'neeta ca liỹa na'xa'a. Ma' cajo liỹa na'xa'a ỹaatqa'chiguit cá'maq lqalaic huaugui. Ca' quiyi 'oonoqui' na'xa'a llicsa ỹaatqajam hueetougui yí'maq chi lqalaic.

Marcos 7:22

chaqai na nocataxac, ipiteta'a ca ỹoqa'a, chaqai na se no'uen, na'maachic, qaỹaataq ca nisha'a, da npa'guenaxanaxa, ỹa'xat cá'maq sqai llic, maqajnaxac, chaqai se raỹajnataxan.

Lucas 3:14

Lotqai anac so nalliripi so nashi, ca qainatetac so'maxare, qohinac: —Qam qomi', ¿negue' ca shinqata? Ca' so Juan 'naaco': —Se ỹa'maxañi quiyim 'ue ca nouorii, chaqai sqaica ca yiñitalec, chaqai taachiguiñi quiyim 'viichii ca lliiteguelec ca lasauaxaset. Añí'maq nishivichii, chaqañiita 'maxariñita.

Lucas 8:14

Ca' asó'maq nanecse tajlec yi 'laua 'xoic ana le, ca' 'nejem ca qom na'xaỹaxantapega da na'qaatec. Ime, ca' queetalec, qam shi'gom, ca qaỹapolec da na'qaatec sauaxat quiyim ỹapacqajnauec na hueetalec na 'laua, chaqai da nesallaxa, chaqai dá'maq lqo'itaxanqachic quená'ogue nanchaqaina se no'uen. Ca sqaica ca laỹaxac nqai'en da na'qaatec.

Romanos 1:29

No'qaachiguilo quená'maq se no'uen na'deenataxanaxac, dequenaxac, nqa'viic, nemitete'e ana plata chaqai na se no'uen, pa'guenaxanaxaiquipi, lauataxanaxaiquipi, petaxanaxaiquipi, 'maatqaiquipi, qa'uaic chaqai la'axaqa lo'o'.

1 Corintios 5:11

Dá'maq shinac na'le 'neetasa': Se ishit lliguita'piguit cá'maq 'naac rqaỹahi rpi'ỹaxauahi, qam queetalec da nedequenaxac, loqo'm ca namataxalaic, loqo'm ca nqouagaxainot ca nashiilec, loqo'm ca la'axaqa lo'o', loqo'm ca ne'taaxai, loqo'm ca cuataxaic. Chaqai ỹovira'a quiyim se rqui'ỹaxauahi ca qom mashic 'neetari' dajo.

2 Corintios 4:9

Ca 'eno'm chaqai qaỹocanta'pe qomi', qam se qaỹalate' qomi'. Chaqai 'eno'm qanenaqaiñi qomi', qam se qareleu.

Efesios 5:3

Ca' mashic qamiri lalamaxarete' ñi qota'a, ca no'uen quiyim totqai 'maxauguilo qamiri ca dequenaxac, chaqai ná'ogue na liỹa se no'uen, chaqai cá'maq ipita'a ca ỹoqa'a.

Efesios 5:5

Ma' cá'maq ñaqai nocachita'guit aca se loua, loqo'm cá'maq ñaq ỹo'ueetetac cá'maq rapio'qotaxan, loqo'm cá'maq ñaqai queetalec quiyim ipiteta'a ca liỹa (ma' 'nejem cá'maq ñaqai nqouagaxaintacot ca nashiilec nqolac), ca' mashic 'yiiñii qamiri quiyim ca'maxare se inoxona'a ma'le da lo'ueenataxanaxac ma' ỹoiquentac ná'ogue najo ñi Cristo chaqai ñi qota'a.

Deuteronomio 31:6

Ca' 'ñaxachiguilo naua qavilyi, totaxan ro'chii, chaqai se ro'daxachiuec ma' loxoita'guit ca npa'guenaxauahi. Ma' ñí'maq na'gaxala' ñí'maq qota'olec caqamiri ỹalequetauguilo qamiri, se ralachii, chaqai se ro'ueenaxachitañi.

Deuteronomio 31:8

Ca ñí'maq qara'gaxala' chaqaiñi ñí'maq 'auetauec ma'le caqami' chaqai riỹa'isac, se ralachi' chaqai se loỹoote'oga qami'. Ca' vichiguiño' totaxan ro'chi'i' chaqai se ileuetapigui qavilli'. (31.9—33.29 Qaretaqalec so nelaataxanaxaquipi. Dauá'maq co'uaataxante' lapaxaguinataxanaxac so Moisés. So Moisés iuana yi 'laua qaỹachaxantac. So Moisés no'ueenaxat da la'qaatec queso llaalqaipi so Israel.)

Colosenses 3:5

Ca' vichiguiño' qamiri ỹaatqajam 'ec ileu nqai'ñii ná'ogue ná'maq no'ueenataxaguii hueetalec na 'laua: Ca' qaica quet cá'maq hueeta'piguit quet aca se loua, chaqai sqo 'viichii cá'maq rapio'qotaxan, chaqai sqai quiita'pegue' na rqo'itaxanqachiguii chaqai quená'maq se no'uen, chaqai se qo'itaxanqachaqaqa qamiri, ma' dajo 'ec quiyim qanqouagaxainot ca nashiilec nqolac.

1 Timoteo 3:3

Chaqai mese ne'taaxai, chaqai mesqai 'aueteguelec ca lauelgaxanaxac. Chaqai mesqai queetalec quiyim imitete'e aca lauegue. Ta'ta'a quiyim huagaxaraic, chaqai hualaxauaic, chaqai se imitete'e aca lauegue plata.

Josué 1:5

Qaica ca ishit quiyim loxonec qami' quiyim ñaq rca'lli'sauec, ca ỹim iỹaatac qami' ma'le dá'maq shinta'gue na'le queso Moisés. Se salachi'sac chaqai qaica ma' shique'e quet qami'.

2 Pedro 2:14

Se ishit quiyim se nisha'a quet quiyim ra'ỹa'a aca 'aalo. Se nco'te'guesop na lasauaxaset. Chaqai ỹayinec ca qom quiyim qaica ca la'ñaxac, chaqai ỹaatqajam ỹa'den quiyim naqata'a aca lam ca liỹa. Najo qomyipi ỹaatqajam chalego lecaic da nouaxanaxaset hueetalec.

2 Pedro 2:3

Ca' quedá'maq lqo'iichi quiyim qaishiuetentac, ca' ỹa'vii naua lapaxaguinataxanaxaco ỹodolgoto qamiri, qaiyi naqat aca qadamii. Qam se qohit quedá'maq nouaxanaxaset na'maxare, ma' mashic shi'gom qaỹa'maxatetañi dá'maq nouaxanaxaset na'maxare.

Judas 1:11

¡'Xoraiqolqa naua'maxare! Ma' queesa'uegue da no'ueenataxac so Caín. Ma' ỹahosaque ca lauegaxanaxague' cana plata, ca' ỹo'merac, 'nejme' so Balaam. Chaqai na'lerañi 'nejme' so Coré, ma' qaỹalauat, sauaxat da npa'guenaxac.

1 Samuel 10:7

Ca ma' 'ue dajo caqami', ca 'viichi' cá'maq piichira'a 'maxaraic. Ca' ñi qota'olec rotauañi' ma'le.