Hebreos 13:2 - La'qaatqa ñi qota'olec Qota'olec & Qota'olec Novita Na Qomyipi

² 'Neeto' lotqai 'ue ca coua'e quiyim quelolqachaqaic quecá'maq qaỹovira'a ca la'a', ma' chaqaida dá'maq chicqochigui nallaaqo' quiyim 'uo' quen na se ỹa'den quiyim ỹa'ue ca loma' la'qaañi nqai'en ca nelaatec piguim le'ec.

Hebreos 13:2 Iomraidhean Croise

Génesis 18:1

Ñi qara'gaxala' lotqai nachaxana so Abraham quiyi loma' ana qo'paq leenaxat encina na'ñi so ỹale leenaxat Mamre, co'na' so Abraham nqa'xantañi quiñi lasom ñi lauo' na'daañi na' mashic 'uo' ca na'xa'a lavinñi.

Génesis 19:1

Ca co'na' mashic sham napalñi, ca' saua dos nelaatqa piguim lase' ỹovirero quiyi Sodoma. Ca' so Lot nqa'xantañi quiñi lasom yi na'a' yí'maq hua'ñi lapooqo' na qomyipi. Ca co'na' idaana'guita, ca ne'laxashiguim, ca'guita. Ca' nqai'guiñi, ỹoviraqta'guit na latap na 'laua.

2 Reyes 4:8

Ca 'uo' so na'xa'a quiyim so Eliseo quejlec yi Sunem, ca 'uo' aso 'aalo nesallaxana na'ñi yi Sunem ỹaatqajam 'xoic da lepagaxallic quiyim lqui'ỹaaqa' yi la'a'. Ca co'quena' que'tegueyi so Eliseo, ca lotqai lqui'ỹaaqa' yi la'a' aso'maxare.

Isaías 58:7

quiyim nouañise'e' ca qopaaxaic queca qanoqe' chaqai quiyim na'ñi ca ra'aachi' ca qaica ca lauo'; chaqai quiyim vite ca looỹac cá'maq sham neetauec chaqai quiyim rqouaquitegue cá'maq riỹa'e'.

Levítico 19:34

'Xoriñii, 'ñiita'gue cá'maq ỹaatqajam qauori le'ec, ma' qamiri qai'neeta ỹoqa'a ca chicqoỹa'gue na' ñiita'gue da Egipto. Ỹim ná'maq ỹim na'gaxala', ỹim qota'olec caqamiri.

Mateo 25:35

Ma' na' yqopat, ca' qamiri vii ca noq; yalauat ca ỹaquip, ca' yi'taxañii; so'meetegueri', qam vii ca ilaqsoqo'.

Mateo 25:40

Ca cá'maq nashi 'naac ma'le quesaua'maxare: “Ỹaatqajam llic da shinac caqamiri, quená'ogue ná'maq 'ñii'tegue quena ỹaqaỹaripioqui' 'ec qaica ca 'negue, ca' dajo 'ñii'tegue caỹim.”

Mateo 25:43

so'meetegueri', qam sqa vii ca ilaqsoqo'; qaica ca ỹooỹac, qam sqo 'viichii; chaqai na' yalola chaqai na' qaycoñi', qam sqai 'piichiu'a aỹim.”

Hechos 16:15

Ime, ca' qanachilaxan chaqai sá'ogue so llaalqaipi. Ime, ca' ne'xoresene'toto qomi', ca 'naac: —No'm chaqaida nqai'ñii quiyim ya'yiiñii quiyim ỹaatqajam seuelec ñi qara'gaxala' Jesús, ca ñaqai cocho'qui' ñiỹa'ñi yi ỹa'a' la'xasqori. Ca' ỹaatqajam ipacoxoua', ca seuqa'anyi.

Romanos 12:13

Tauañii ná'maq mashic icoñiguit da na'qaatec quecanchaqaica ỹouentaque, chaqai ỹaatqajam daañii'chiguit quelolliỹa cá'maq na'piichaxahi.

Romanos 16:23

Liquinaxanaxac ñi Gayo. Senta'ñi na la'a' ná'maq ra'ualaxanataxanot quiyim lo'ueenaxanqa' ná'maq mashic icoñiguit da na'qaatec. Qai'neeta ila' liquinaxanaxac ñi Erasto ñí'maq reloqota'a ana lam na na'a' lodegaxat, chaqai ñi qarqaỹa Cuarto.

1 Timoteo 3:2

Vichiguiño' quiyim cá'maq la'gaxala' ná'maq mashic icoñiguit da na'qaatec se ỹa'maxañi quiyim se no'uen cá'maq na'qaataxac. Chaqaidaata quiyim 'oono'lli' nqai'en aca loua, chaqai ỹaatqajam ỹa'maxate'tegue da llicyaxac, nelootec, chaqai qaica ca taỹapegueu'a. Ỹaatqajam se ishit quiyim se idaañiguit quet ca namaqategueri', chaqai ỹaatqajam ỹa'den da lapaxaguinataxanaxac.

1 Timoteo 5:10

Chaqai ỹaatqajam qaỹa'deenta quiyim ỹo'ueetetac ca ỹa'maqachiguiñi. Ca' 'eda dá'maq 'neetari' quet aca'maxare: quiyim ỹaatqajam idaanlec ca llaalquenaxanaxac, chaqai quelola ca namaqategueri', chaqai qaica ca huapigui lauel quiyim idaañiguit na lqaỹaripi quená'maq mashic icoñiguit da na'qaatec, loqo'm ỹotauan ca se ỹa'maxagui lauel, loqo'm canchaqaica liỹa lo'ueenataxanaxac ỹa'maqachiguiñi.

Tito 1:8

Ta'ta'a quiyim quelolqachaqaic quiyim idaañiguit ca nouoq, chaqai nqo'ta quiyim ỹo'uet cá'maq ỹa'maqachiguiñi, na'maxateta, 'maxaraic da no'ueenataxac, co'teeta, ra'ijlec da nachaalataxac.

1 Pedro 4:9

Nquelolliỹata' quenaua ra'aachiri, qaica ca se no'uen ca la'deenataxanaxac.

3 Juan 1:5

Qami' ñauochaxaua ỹaqaỹa, ỹaatqajam 'maxaraic dá'maq 'ñiisari' quiyim quelollita na qarqaỹaripi, qam paguec la'maxa quená'maq ỹoqa'a ca chicqa'gue.