Hebreos 12:3 - La'qaatqa ñi qota'olec Qota'olec & Qota'olec Novita Na Qomyipi

³ Ca vichiguiño' ñaqai cocho'qui' 'yiiñiỹapega dá'maq 'neeto' na'le so Jesús na' na'ñaxachiiguit da neualaxainataxac queso qomyipi hualoxonyipi, qaiyi queeta da na'ñaaqataxaguii, se rolavitegueñi.

Hebreos 12:3 Iomraidhean Croise

Proverbios 24:10

No'm rolaaviriñi ma' reuocqoisac, ca' sqai 'xoic ca rquesaxanaxa'e'.

Isaías 50:4

Ñi qara'gaxala' yapaxaguinegue quiyim llo'daxachigui lauel na soochaxaiquipi queda ỹa'ñaaqataxanaxac quenaua ỹa'qaatqa. Ỹo'uet quiyim ỹaatqajam ña'xaỹaxanchiguiñi quenaua'que naua nete'etari, qaiyi ỹaatqajam ña'ijne'teguelo naua la'qaatqa.

Mateo 11:19

Ime, ca' novi' najo ỹale llaalec. Na'maxare que'e chaqai ne'et. Ca' qamiri 'ñiỹac quemaraxauaic chaqai ne'taaxai, nauochaxaua na sauaqhuaiquipi chaqai ná'maq ỹacona'piguit ana nishiuete ca nashi quiyi Roma. Qam dá'maq la'deenaxanaxa ñi qota'a re'oq dá'maq ñigui.

Mateo 12:24

Qam co'na' 'xaỹa dajo so fariseoipi, ca 'naaco': —Dajo ỹale ỹo'daauec na ne'ec lecmaxaiquipi, qam ỹahote'e da lquesaxanaxa so Beelzebú só'maq chi lashi na'maxare.

Mateo 15:2

—¿Chi'neco' nauá'maq rapaxaguinataxahi' ma' sqai querelec dá'maq no'ueenataxac só'maq 'auaxaic qareta'allipi? Ma' se ipacqajñigui da leloxoỹaxac quiyim quiỹo' naua lqai'laqate' quena' saqa' que'e.

Mateo 21:23

Co'na'le, ca' so Jesús inoxonougui ñi no'ueenaxanaxaqui lodegaxat. Ca co'na' ñaqai hueete'eyi, ca qanqo'neu'a quesaua la'gaxalate' na qomyipi quena' qaretaxaỹa'pegue' ñi qota'a chaqai saua lqo'xonqaipi na judioipi. Ca' qainatetac, qohinaco': —¿Negue' cá'maq chigoxochira'gue quiyim 'viichi' dajo? ¿Negue' cá'maq ỹamaqairaxalec quiyim 'viichi' dajo?

Mateo 21:46

Co'na'le, ca ỹahotaco' coñi' so Jesús. Qam no'cha'o' so qomyipi, ma' so qomyipi ỹaatqajam letaxaỹaxanqajnec nqai'en ñi qota'a so Jesús.

Mateo 22:15

Ca co'na'le, ca' so fariseoipi lapoỹata', na'deentapigui ca leloxoỹaxac, ỹahotaque quiyim 'ue ca ỹachigoxochichigui ca lasauaxaset, ca qainato' so Jesús.

Lucas 14:1

Ca 'uo' so na'xa'a co'mataxaqui, ca' so Jesús quepegue' quiyim lqui'ỹaaqa' yi la'a' so lashi na fariseoipi. Ca' so liỹaripi fariseoipi chi rauaanaxantac, ra'iitapegueu'a so'maxare.

Lucas 15:2

Ca' quedajo, so fariseoipi chaqai ná'maq rapaxaguinataxanta'pegue na naqataxaquipi, queeteguelec se no'uen na ỹa'xatetac queso'maxare, 'naaco': —Dajo ỹale ỹacoñi'chiguit na sauaqhuaiquipi, chaqai lqui'ỹaxauaripi na'maxare.

Lucas 16:14

Ca' 'qaatapega dajo sá'ogue so fariseoipi ma' ỹaatqajam lqo'itaxat da nesallaxa, ca chi i'neetac so Jesús.

Lucas 2:34

Ca so Simeón ỹaanem da no'uen la'qaatec so noctoqui'. Ime, ca 'naapega aso María só'maq late'e so Jesús, 'naaco': —'Ajñi', ná'taq noctoqui' tai'a ma'le quiyim 'xoic ca huaañi nqai'en chaqai ca nachaalataxanñi quena Israel llaalqaipi. Na'maxare chaqaina na netanec quiyim ỹaatqajam 'xoic ma'le ca sqai huelec,

Lucas 5:21

Ca ná'maq rapaxaguinataxanta'pegue na naqataxaquipi chaqai ná'maq ỹalequetaugui na fariseoipi chaqa'ma' ra'deenataxantac, 'naac: —¿Nega'ỹo' dá'maq dajo ỹale? ma' napaqueteguelec ñi qota'olec queda la'qaatec. Ma' sqaica ca ishit ỹapalaxat na nasauaxaseteripi. Chaqaiñiita ñi qota'olec.

Juan 10:20

Ca 'xoico' só'maq 'naaco' quen: —¿Chi'negue dá'maq na'xaỹaxañitapega, ma' 'ue ñi neetagui chicqo'ot so na'ỹaapec, chaqai mashic quishiuguet?

Juan 18:22

Ca co'na' so Jesús 'naaco' dajo, ca' so nouaataxanaq le'ec ỹalequetaho ma' neloxoỹaq cañi no'ueenaxanaxaqui, ỹouaxañigui na lashic so Jesús. Ca 'naaco': —¿Dajo 'ñirac quiyim pilaxachichiguit da la'qaatec ñi lashi na netaxaỹaxanqajanqaipi?

Juan 5:16

Ca vichiguiño' so judioipi ỹocantac so Jesús ỹahotaque quiyim ỹalauat, ma' ỹo'ueeto' dajo queso na'xa'a co'mataxaqui.

Juan 7:12

Ca' quesó'maq qomyipi 'xoico' só'maq retaqatapigui so'maxare. 'Uo' quen na 'naac: “Ỹaatqajam huagaxaraic ỹale.” Qam 'uo' quen na 'naac: “Sqai huagaxaraic, ma' ỹayintac na qom.”

Juan 8:13

Ca qohinapego' na'le quena fariseoipi: —Qami' chi na'xachiseguelta', ca' da ra'qaataxanaxaqui' qaica ca 'negue.

Juan 8:52

Ca so judioipi 'naaco' na'le queso'maxare: —Ca' nagui, ca ỹaatqajam sa'deenqata quiyim 'ue ñi neetagui qami' chicqo'ot so na'ỹaapec. Ma' so Abraham chaqai sá'ogue so letaxaỹaxaquiripi ñi qota'olec nilliviñi, qam qami' 'ñirac: “Cá'maq na'xaỹaxane'ta dá'maq sa'xat, ca tot ileu.”

Juan 8:59

Ca' quiyi, ca qaiconapego' na qa', ma' qaỹahotaque qainaq so Jesús. Qam so'maxare nañoxojñi, ca' ca'e añi no'ueenaxanaxaqui, queetougui so qomyipi, ca' eec.

Juan 9:40

Qam 'vio' saua fariseo ỹalequesaho, ca co'na' 'qaachirigui dajo. Ca renataxan'o', 'neraco': —¿Ca' qomi'o' qai'neeta qomi' qai'la'?

1 Corintios 15:58

Ca' vichiguiño' qamiri ñauochaxaua' ỹaqaỹa', sqaico' ca nqovilliguiỹaque, ỹaatqajam quiito'ot 'viichitac da lo'ueenataxanaxac so qara'gaxala'. Ma' qamiri 'yiiñita da ro'ueenataxanaxaguii quiyim 'ueenataxañitacot so'maxare, ma'le ỹaatqajam 'ue ca 'negue.

2 Corintios 4:1

Vichiguiño' se ỹauanapega quiyim qareualtegueñi, ma' ñi qota'a quedá'maq chi lqouagaxa, ca ỹaanema qomi' dajo no'ueenataxanaxac.

2 Corintios 4:16

Vichiguiño' se ỹauanapega quiyim qareualtegueñi. Ma' 'eno'm na qaroshicmaxa noquiiqueta'ta' da lquesaxanaxa, qam na qara'al noquiiquetashiguim naua'que naua na'xata'.

Gálatas 6:9

Ca' vichiguiño' 'maxaraic quiyim se qarco'te'guesop quiyim so'ueetqatac ca ỹa'maqachiguiñi; ca no'm se qarco'teuec, ca ma' ỹovita ca laloqo', ca seconaxaguit ca laseue' cá'maq so'ueetqatac.

Deuteronomio 20:3

Ca 'naac ma'le: Ñaq na'xaỹaxañii qamiri Israel llaalqaipi. Nagui, ca' nalauachii'e' na npa'guenaxauahi. 'Neeto' rolaavitegueñi, chaqai se ro'chiitac, se re'loxollii chaqai se ro'daxachiuec.

2 Tesalonicenses 3:13

Qamiri qarqaỹa', se neme quiyim 'viichitac ca ỹa'maqachiguiñi.

Hebreos 12:2

Ỹaatqajam ya'ỹoqotagui so Jesús só'maq chicqo'ot da qarpi'ỹaxac chaqai nachinñi nqai'en. So Jesús ỹaatqajam na'ñaxachiguit da qohine'tegue na' qaipateno, chaqai se na'xaỹaxana dá'maq 'neeta quiyim nayiloxo lahi' dá'maq 'nejem dajo nelauaxa. Ma' ỹa'deenta quiyim ma' ime'uegue da le'xoric, ca 'ue ca netoonaxac chaqai ỹa'maqachiguiñi. Chaqai nqa'xanñi queda loic quiyi nqa'xanqa' ñi qota'a.

Hebreos 12:5

¿Qamiri peeta'a mashic couahi'e da laqataxac ñi qota'a, 'nejem ca qom quiyim qatetapegalo caua lalamaxarete' llaalqa? Naua naneresañi la'qaatqa ñi qota'a 'neracsa': Qami' ỹaalcolec, 'neeto' lotqai liỹoqoira'piguit da lapaxaguinataxanaxac ñi qara'gaxala' quiyim 'ec nelaxa qami', chaqai se nayiloxoñi' quiyim qaỹoviraqta'a qami'.

Hebreos 3:1

Vichiguiño' qamiri ỹaqaỹa', ma' mashic qamiri lca'acse' ñi qota'a chaqai roỹaxanalo qamiri quiyim qamiri lalamqate', ca ỹaatqajam ra'ijlec so Cristo Jesús só'maq nelaatec quiyim qara'gaxala' quiyim retaxaỹa'pegue' ñi qota'a chicqochigui quiyim seuaqlec da na'qaatec.

1 Pedro 2:23

Co'na' qaishiuentac so'maxare, se rishiuenaxan; co'na' qaỹahotaque da le'xoric, qam so'maxare se ra'xalenataxan. Ta'ta'a quiyim nañaantacot ñi qota'a ñí'maq se ỹo'maac quiyim nimit ca nasauaxaset.

Apocalipsis 2:3

Ỹaatqajam 'ue da reualaxaviqui', chaqai 'xoic da re'xoriqui', chaqai 'xoic da ro'ueenataxanaxaqui' caỹim, qam se rco'chirec.