Hebreos 11:4 - La'qaatqa ñi qota'olec Qota'olec & Qota'olec Novita Na Qomyipi

⁴ Ma' 'uo' da lpi'ỹaxac so Abel, ca' paguec loyac so lachitaxanataxanaxat caso lachitaxanataxanqate so Caín. Ca' ñi qota'a icoñiguit 'neeta'gue ca lo'yaxanec ca no'ueenataxac na' icoñiguit so lachitaxanataxanaxat. Ca 'eno'm tot qaica so Abel, qam da lpi'ỹaxac ñaqai queeta ra'qaataxantac.

Hebreos 11:4 Iomraidhean Croise

Génesis 4:10

Qam ñi qara'gaxala' 'naaco' queso'maxare: —¿Chi'neco' ma' 'viichi'o' dajo? Na leuoripi ca rqaỹa'e' coraxachira'pe na'le quena 'laua ỹaualqaso'ot aỹim, ỹahosaque quiyim seuejlgoto.

Génesis 4:15

Qam ñi qara'gaxala' 'naaco' queso'maxare: —No'm 'ue ca ralauachi', ca' siete qaỹopilaxatalec ca nouaxanaxaset. Co'na'le, ca ñi qara'gaxala' ỹo'uet aso netanaxasete so Caín, qaiyi no'm qaiuanejlec, qam se qaỹalauat.

Génesis 4:25

Ca' so Adán lotqai liỹa viguit aso loua, ca aso'maxare 'uo' so llaalec. Ca leenaxato' nqai'en Set, ma' 'naaco': Ñi qota'olec nañan ñi liỹa ỹaalec, ñigui nqai'en so Abel só'maq ỹalauat na'le so Caín.

Génesis 4:8

Ca 'uo' so na'xa'a, ca' so Caín ỹauec so lqaỹa quiyim ỹouoỹa'pe. Ca co'na' mashic hueesalec yi no'ueenaxa, ca' so Caín i'guentalec so lqaỹa Abel, ca' ỹalauat.

1 Reyes 18:38

Ca queco'na'le, ca' noviriñi so norec chicqo'ot ñi qara'gaxala', ca' ỹavigaxat so nachitaxanataxanaxat chaqai so qo'paripi, vire'ta so qaripi chaqai so namoxoỹaxa, chaqai ncollishiguim so huaxaỹaq hueeta'ñigui so ni'ỹac.

Job 8:10

Qam ná'maq ñaauapec ỹalliripi quiyim ra'qaataxanem qami', ca' 'xoic na lapaxaguinataxanaxac caqami'.

Levítico 9:24

nenoxonec so norec chicqo'tot ñi qara'gaxala', ca' ỹavigaxat sá'ogue só'maq isecỹac só'maq qaỹahotaque qaỹavigaxat, ca' qoỹaanot, chaqai aso lo'ỹo hueetalec aso ncopatoxonaxalate. Ca co'na' qaiuanchigui dajo, ca sá'ogue so Israel llaalqaipi ỹaatqajam ỹaualqagui queda netoonaxac. Ca ỹa'chi'iñi naua le'cootal, ỹaatqajam ỹoviraqta'guita naua lataapi' na 'laua.

Mateo 23:35

Ca' taalgoto ma'le qamiri dá'ogue da nasauaxaset queda nalauataxac sá'ogue so huagaxaraic qomyipi shi'gue qaỹalauat, chicqochi'ñi queso huagaxaraic ỹale leenaxat Abel, chi ỹovireta'a so Zacarías, llaalec so Berequías, só'maq co'na' lauachii huaañiguilo nqai'ñii da ncopatoxonaxalate naloote'oga yi napooqo'.

Lucas 11:51

Ca' chicqochi'ñi nqai'en co'na' qaỹalauat so Abel, ca chi ỹovireta'a ca nalauataxac so Zacarías, na' qaỹalauat huaugui añi no'ueenaxanaxaqui late'ogue' yí'maq na'ñi aso ncopatoxonaxalate. Ca' vichiguiño' shiñiỹapegaxaua' quiyim ñi qota'olec ro'laxana'pegue' ma'le da lelauaxa so qomyipi quenajo qomyipi hueetaugui nagui.

Tito 1:16

Na'maxare 'naac ỹaatqajam ỹa'den ñi qota'a, qam dá'maq lo'ueenataxanaxac re'qoota quiyim se nachiñiguit dá'maq 'neetari'. Ỹaatqajam se qaishitaqchiguit chaqai se na'xaỹaxan, chaqai sqa taiguit cá'maq no'ueenataxanaxac ỹa'maqachiguiñi.

Hebreos 11:2

Só'maq 'auaxaic qareta'allipi nallaaqo' ỹaatqajam qaỹa'maxarenta quiñi qota'a, ma' 'uo' da lpi'ỹaxac.

Hebreos 12:1

Ca' vichiguiño' qomi', ma' mashic 'xoic na qom seuqatañigui re'qoota da lpi'ỹaxac, ca 'maxaraic quiyim saxanaxañi ná'ogue ná'maq qara'paxat chaqai ná'maq nasauaxaset qara'peetapigui. Ca ñi'guenaxashiguim, qolaxalec da qanalliquinaxac quedá'maq seloxoiqa'gue.

Hebreos 12:24

Ca mashic nqo'ñiu'a so Jesús ma' chaqaiso só'maq qaretaxaỹaxanqajnec quedá'maq dalaxaic 'maqataxac quiyim ña'maxataxa'e' ñi qota'a, chaqai quecá'maq hua'ñi ca qareletaxanalo saua leuo' so Jesús. Saua'maxare ỹaatqajam napacalgoto saua leuo' so Abel quiyim ra'qaataxanalo qomi'.

Hebreos 5:1

Ma' quiñi 'óna la'gaxala' na netaxaỹaxanqajanqaipi qanca'au'a quena qomyipi quiyim retaqalec nqohin na qomyipi quiñi qota'a, chaqai quiyim ỹaano ana nachitaxanataxanqate chaqai ana liỹa qaỹavigaxat, qaiyi qaỹapalaxat na nasauaxaset.

Hebreos 9:22

Ca' dajo llicyaxac na naqataxaquipi ỹa'xat quiyim sham ná'ogue ná'maq qaỹo'uet ỹouen quiyim qaỹahote'elo naua neuo' quiyim 'ue ca qaico'taxat. Chaqai qaica ca chi qaỹapalaxateta ca lasauaxaset quiyim se qaỹocoraqta'pe caua neuo'.

2 Pedro 2:8

Naua'que naua na'xata' sojo huagaxaraic ỹale ỹalequetaugui so'maxare ỹaatqajam 'ue da lqui'ic añi le'taxanata quena' ỹa'ajantac chaqai 'qaatapega ná'maq se no'uen ỹo'ueetetac so qomyipi.

Judas 1:11

¡'Xoraiqolqa naua'maxare! Ma' queesa'uegue da no'ueenataxac so Caín. Ma' ỹahosaque ca lauegaxanaxague' cana plata, ca' ỹo'merac, 'nejme' so Balaam. Chaqai na'lerañi 'nejme' so Coré, ma' qaỹalauat, sauaxat da npa'guenaxac.